Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Çfarë e dimë për ndihmësit e Babagjyshit?

БНР Новини
Foto: arkiv

Për Krishtlindjet Muzeu i Historisë në qytetin e Bllagoevgradit ka përgatitur një program të veçantë për më të vegjlit. Tema është “Çfarë e dimë për ndihmësit e Babagjyshit”. Ideja është që t’u jepet start festave të fundvitit për fëmijët të cilët i presin këto ditë me padurim. Zakonisht pyetjes “Cilët janë ndihmuesit e Babagjyshit fëmijët përgjigjen – xhuxhët, rrëfen përgjegjësja e departamentit “Natyra”, znj. Tonja Todorova. Por përveç xhuxhëve ndihmës, Babagjyshin e ndihmojnë po ashtu dhe drerët. Programi i muzeut jep të dhëna për familjen e drerëve dhe për llojet në Bullgari.

“Fëmijët mësojnë se jo rastësisht Babagjyshi i ka zgjedhur drerët për ta ndihmuar atë. Drerët lëvizin me shpejtësi të madhe por ndërkohë janë kafshë të qeta që t’i mos i zgjojnë fëmijët gjatë natës. Programi në muze jep njohuri për drerët e veriut dhe po ashtu për tri llojet e drerëve që hasen në Bullgari – kaprolli, dreri lopatar dhe dreri i rëndomtë. Në këtë program të veçantë për fëmijët jepen informacione për ngjyrën e vërtetë të hundëve të drerëve dhe se gjinia e drerëve ndihmës të Babagjyshit është femërore dhe jo mashkullore.”

Po, është e vërtetë dreri i njohur Rudolf është femër. “Çdo vit drerët i ndërrojnë brirët e tyre. Brirët e drerëve meshkuj bien në fillim të dhjetorit, derisa drerët femra i ndërrojnë ato gjatë stinës së pranverës. Prandaj drerët ndihmës të Babagjyshit janë femra”, rrëfen znj. Todorova. Për sa i përket ngjyrës së hundëve, përgjegjësja e muzeut shton: “Hundët e drerëve të veriut skuqen kur moti është i ftohtë dhe kur e kanë tërhequr sajën kohë të gjatë. Ka dhe fakte të tjera interesante si p.sh. se drerët e veriut e ndërrojnë ngjyrën e qimeve gjatë stinëve të ndryshme, po ashtu dhe ngjyrën e syve.”

Znj. Todorova pohon se ekipi i Muzeut të Historisë në Bllagoevgrad shfrytëzon rastin e festave të fundvitit për të njohur fëmijët me botën e drerëve.

“Drerët e veriut janë të kërcënuar me zhdukje – vë në dukje znj. Todorova. – Programi i muzeut ka për qëllim t’u tregojë fëmijëve me sa rëndësi janë këto kafshë për natyrën. Pra, ne duhet t’i mbrojmë drerët jo vetëm gjatë Krishtlindjeve që të mos mbeten ata vetëm në përrallat kushtuar Babagjyshit. Informacionet që ofron programi i muzeut nuk janë vetëm për të vegjlit, por edhe për të rriturit.”

Përgatiti në shqip: Anna Kapitanova



Последвайте ни и в Google News Showcase, за да научите най-важното от деня!

Më shumë nga rubrika

Pensionistët britanikë mburren për jetën e tyre në Bullgari

Me titullin: "Të jetosh ëndrrën tënde të një pensionisti bullgar", gazeta britanike "Daily Mail Online" publikoi një letër të gjerë të Simon Hill, një ish-mësues, tani pensionist, i cili me gruan e tij ka dy prona në Bullgari, merr kujdes më të..

botuar më 24-10-06 7.30.PD

Vesella Rajçinova nga Bat Jam: Ditët kritike për vendime të rëndësishme janë përpara

Përshkallëzimi i tensioneve në Lindjen e Mesme ka përqendruar vëmendjen në fushën e diplomacisë dhe mundësinë e shmangies së përshkallëzimit dhe përzierjes së më shumë vendeve në konflikt. "Nga ana e Izraelit, Iranit dhe grupeve terroriste, ne..

botuar më 24-10-04 5.10.MD

Shkencëtarët mbështesin shkollat ​​me mësime mbi mënyrat e jetesës së shëndetshme në mjediset urbane

Cili është niveli i decibelit të një motori avioni ose të një pëshpëritjejе, një bisede normale, të lëvizjes së një makine me shpejtësi 60 km/h, të një koncerti rok dhe cilat janë vlerat e rrezikshme për shëndetin e njerëzve dhe të kafshëve?..

botuar më 24-10-04 5.45.PD