Festivale, tubime folklorike, përvjetorë... Të mos harrojmë dhe zërat e rinj që zbuluam gjatë vitit që po shkon. Ngjarjet e vitit 2014 u radhitën si një valle festive shumëngjyrëshe. Njeriu mund të mendojë, se kohët e vështira dhe lajmet e këqija nuk arrijnë tek organizatorët dhe interpretuesit, të cilët i dhuruan publikut çaste të paharrueshme. Qindra tubime regjionale, aktivitete respektuese ndërkombëtare, konkurse dhe çmime të reja e bënë të larmishëm kalendarin folklorik. Për disa prej tyre ju kemi treguar gjatë vitit, për të tjera do t’ju tregojmë tani – me muzikë të bukur dhe lajme të mira.
Edicioni i dytë i Konkursit Ndërkombëtar Folklorik “Bilbilat e Veriut” mblodhi pjesëmarrës nga Maqedonia, Ukraina, Moldavia, Polonia, Hungaria, Rumania dhe Bullgaria. Qëllimi që e shtrojnë organizatorët nga bashkia Suhindoll është rilindja dhe ruajtja e folklorit të Veriut. Këngëtarja e re popullore Ana Borisova është e bindur, se pas kontaktit të tyre me muzikën e kësaj krahine, interpretuesit do të mbeten gjithmonë të lidhur me të. Ana është drejtore artistike e konkursit, pedagoge e këndimit popullor në Universitetin e Lartë Teknik “Shenjtorët Kiril dhe Metodij” në Veliko Tërnovo.
Do të përmendim dhe vargun e forumeve folklorike të CIOFF (Organizatës Ndërkombëtare të Festivaleve Folklorike), të cilat me çdo vit të kaluar shtojnë numrin e tyre. Me sukses kaluan Festivalet Ndërkombëtare në Veliko Tërnovo, Varna, Dorkovo, Plovdiv. Familjes së madhe të organizatës së autoritetshme botërore gjatë këtij viti iu bashkua dhe bashkia Çellopeç, organizatore e edicionit të parë të Festivalit “Zllaten prah” (“Pluhuri i artë”).
Në Bullgarinë Jugperëndimore sipas traditës u mbajtën dy aktivitete – “Maleshevo këndon dhe kërcen” (në bashkinë Strumjani) “Me këngët e motrave Biserovi” (në bashkinë Sandanski), në të cilat kishte pjesëmarrje të madhe të kolektivave të huaja.
Përgatiti në shqip: Sofia Popova
"Në një rajon të gjerë në Bullgarinë Veriore, kalorësi Shën Theodhor perceptohet si një personazh djallëzor. Përkufizimet popullore për të janë si më poshtë: një shenjtor vampir, përbindësh ose goblin... Ai vizitonte festat e beqarëve, të cilat ishin të..
Martenica (verorja) është një nga simbolet e Bullgarisë - konsiderohet si një pararojë e pranverës dhe largimit të errësirës. Çdo vit më 1 mars, edhe larg atdheut, ne bullgarët i zbukurojmë të afërmit dhe miqtë tanë me fijet e përdredhura të bardha e të..
Qyteti i vjetër malor i Aprillci pret një nga festivalet më interesante dhe më të shijshme bullgare - Festën e proshutës dhe rakisë së ngrohtë. Në datat 24 dhe 25 shkurt, qyteti malor, i vendosur rrëzë majës së Maragidik, po përgatitet të mirëpresë më..