Natyra dhe malet e bukura, bregdeti diellor, qytetet rilindëse dhe vendbanimet etnografike, histori mijëvjeçare... Siç bëhet e qarë, e gjithë kjo pasuri, që përbën kartëvizitën e Bullgarisë para botës, u bën përshtypje të madhe të huajve. Prandaj nuk është e çuditshme, se vit me radhë vendi ynë zë vend mes pozicioneve të para në disa prej klasifikimeve më prestigjioze turistike. Lajmi i mirë është, se përveç si destinacion detar me çmime të leverdishme, ai vlerësohet gjithnjë e më shumë si vend për itinerare rurale, aventureske dhe kulturore për udhëtarët më kureshtarë.
Kështu për shembull National Geographic rekomandon qytetin pranë Sofjes – Pernik, dikur qyteti i minatorëve, si një prej destinacioneve më të mira dimërore. Botimi i këshillon lexuesit të vizitojnë festivalin e lojërave me maska “Surva”, në të cilin prezantohen kolektiva amatore nga të gjitha rajonet etnografike të Bullgarisë.
Gjatë vitit 2014 Sofja zuri vend në klasifikimin e “17 vendeve që duhet të vizitohen përpara qe të bëhen të njohura”. Sipas redaktorëve të sajtit informativ amerikan “The Huffington post” qyteti mban në vetveten frymë rinore de kozmopolite, të gërshetuar me kisha piktoreske, tregje të hapura dhe arkitekturë nga koha e Perandorisë osmane. Sajti i njohur publikon dhe dy artikuj të mëdhenj, kushtuar Bullgarisë, ku jepen 10 arsyet për shkak të të cilave ia vlen të vizitosh vendin. Mes tyre janë gajdet, trëndafilat, veroret, kosi etj.
Edhe një qytet tjetër i Bullgarisë – Plovdiv, hyri në dy klasifikime botërore gjatë vitit 2014. “The Daily Telegraf” e përkufizoi si njeri prej 6 qyteteve më të vjetra në botë ku vazhdimisht rritet popullsia. Sipas publikimit ai është themeluar gjatë vitit 4000 para Krishtit, por ekzistojnë dëshmi, se në territorin e tij ka pasur një vendbanim më të lashtë, të ngritur rreth vitit 6000 para Krishtit. Plovdivi gjeti vend edhe në klasifikimin e guidës “Lonely planet” për qytetet më të mira në botë për vitin 2014. “Më në fund Plovdivi doli nga fshikëza e tij: me rrugicat e tij të hijshme me kalldrëm, shtëpitë e bukura, dyqanet e shumta me artikuj artizanalë, muzetë interesante dhe çmimet joshëse për blerje”, shkruajnë redaktoret.
Edhe një tempull karakteristik i Sofjes zuri vend në klasifikimin prestigjioz gjatë vitit 2014. Sinagoga e Sofjes u përfshi në Top 20 të tempujve më të bukur në botë, sipas botimit të autoritetshëm “Architectural Digest”. Sinagoga më e madhe në Ballkan zuri vendin e 16 në klasifikim. “Është ndërtuar në vitin 1909 nga arkitekti austro-hungarez Fridrih Grunanger në stilin mavritan dhe venecian, ndërsa interieri i saj madhështor përfshin mozaik venecian dhe kolona prej mermeri”, lexojmë në sajtin e botimit.
Edhe gjatë vitit 2014 vendi ynë ishte vend i dashur për pushime për turistët rusë. Këtë e konfirmon klasifikim i koncernit prijës turistik TUI, i cili radhiti Bullgarinë në vendin e dytë të Top3 të destinacioneve më të preferuara evropiane prej rusëve. Para saj është vetëm Spanja, ndërsa në vendin e tretë të preferencave të tyre është Greqia.
Si rusët, ashtu edhe turistët anglezë preferojnë të kalojnë pushimet e tyre në Bullgari. Vendi ynë ishte klasifikuar në vendin 8 të Top 10 për destinacionet më të mira për pushime verore gjatë vitit 2014 nga botimi anglez “Rough Guides”. Redaktorët e tij kanë mbetur të mahnitur prej plazheve të bukura afër Varnës. Ata këshillojnë të kënaqemi me rërën e artë dhe me pijen në ndonjë prej lokaleve të vogla në bregdet. Bullgaria krahasohet me Kroacinë, por rekomandohet si një destinacion për pushim më të lirë dhe që nuk është shumë i njohur.
Përgatiti në shqip: Sofia Popova
Bazilika Episkopale e Filipopolisit është një shembull i gjallë se si mbështetet zhvillimi i turizmit kulturor bullgar, tha ministri në detyrë i turizmit Evtim Milloshev në takimin me Nancy Schiller, presidente e Fondacionit "Amerika për..
Duke filluar nga kjo verë, vizitorët në Vraca mund të eksplorojnë qytetin malor përmes turneve plotësisht falas me guidë sipas modelit të turneve të ngjashëm që ofrohen në qytetet kryesore evropiane . Ideja është që vizitori i cili është ne..
Në Bullgari ka më shumë se 5 mijë shpella, secila më misterioze dhe e paarritshme, secila me historinë, bukurinë dhe misteret magjepsëse. Disa nga këto thesare të vërteta nëntokësore janë të rregulluara dhe mirëpresin turistët. Ju sjellim..