Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Përkrahje miqësore në Berlin ndaj Bullgarisë

Bojko Borisov dhe Angela Merkel
Foto: BGNES

Që në fillim të procesit të bisedimeve të Bullgarisë me Bashkimin Evropian Gjermania deklaroi se do të jetë avokat i Sofjes në rrugën e anëtarësimit. Tetë vjet pas aderimit të saj në Bashkimin Evropian Bullgaria përsëri po kërkon ndihmën e Berlinit. Vizita e parë zyrtare e Kryeministrit të rizgjedhur bullgar Bojko Borisov ishte pikërisht në kryeqytetin gjerman në kërkim të përkrahjes gjermane për daljen elegante nga kazusi i ndërlikuar “Rryma Jugore”. Bojko Borisov mori përkrahje miqësore, por siç duket edhe pas takimit të tij me Merkelin kazusi i gazit do të mbetet i ndërlikuar.

Nëpërmjet politikanit me ndikim më të madh në Bashkimin Evropian Bullgaria kërkoi përkrahje për rolin e dëshiruar të shpërndarësit të gazit në Ballkan. Ideja është që me mjetet evropiane të ndërtohet një qendër gazi afër Varnës, nga ku do të shpërndahen furnizimet ruse të gazit për Evropën Jugore. Mirëpo mbi këtë çështje Merkel mbajti heshtje. Në të njëjtën kohë, bën përshtypje se pas ndalimit të projektit “Rryma Jugore” Gjermania, “tehu” i sanksioneve evropiane kundër Rusisë, zbuti tonin ndaj Moskës. Në një konferencë të përbashkët me Bojko Borisovin Angela Merkel e vuri theksin te “përvoja shumë e mirë e ekonomisë gjermane me partnerin e saj të sigurt Rusia”. Duke pasur parasysh situatën politike dhe megjithë dallimet, marrëdhëniet ekonomike duhet të krijohen mbi bazën e besimit të përbashkët. Le të mos harrojmë se megjithë sanksionet e BE-së Rusia mbetet një prej tregjeve më të rëndësishme për industrinë gjermane. Konkretisht për projektin e gazit, që nuk do të realizohet, kancelari i rekomandoi Bullgarisë “për të shqyrtuar me Rusinë çështjet juridike përgjegjshëm dhe duke pasur parasysh situatën reale”, kurse Gjermania do të ndihmojë “me sa mundet”. Siç duket Berlini nuk ka në plan të rrezikojë partneritetin e tij me Rusinë për shkak të problemeve të Bullgarisë me “Rrymën Jugore”.

Në sfondin e zhvillimit më të ri të krizës financiare në Rusi shkaqet e vërteta për ndalimin e projektit bëhen gjithnjë e më të qarta: zhvleftësimi i rublës, çmimet e naftës, që po ulen, dhe sanksionet e BE-së e bën projektin e gazit një nismë shumë luksoze, gjë që tani për tani nuk është e leverdishme për Moskën. Kriza në Ukrainë e ndryshoi shumë gjendjen politike në Evropë, kurse një prej detyrave të projektit “Rryma Jugore” ishte dobësimi i Ukrainës si vend transiti të gazit rus.

Në fakt, Bullgaria nuk mbetet me duar krejtësisht të zbrazëta. Gazi rus mund t’i mos drejtohet Bullgarisë, por vendit tonë iu drejtuan paratë e fondeve evropiane. Këto janë mjete shumë të rëndësishme për ekonominë tonë sesa të ardhurat eventuale të “Rrymës Jugore”. Do të ishte naive, në qoftë se të dyja temat, të cilat në shikim të parë janë absolutisht të ndryshme, nuk lidhen me gjendjen e ndërlikuar gjeopolitike.


Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Presidentja e re e Meksikës Claudia Sheinbaum

Presidentja e parë femër e Meksikës është me origjinë bullgare

Për herë të parë në historinë e Meksikës, një grua presidente, Claudia Sheinbaum, është në krye të vendit. "Për herë të parë në historinë 200-vjeçare të republikës, unë do të jem presidentja e parë femër e Meksikës," u tha mbështetësve të saj..

botuar më 24-06-03 3.52.MD

Ngjarjet me adresë ballkanike

Reagime të stuhishme në Ballkan pas rezolutës së OKB-së për gjenocidin në Srebrenicë Reagime të stuhishme në Ballkan shkaktoi rezoluta e OKB-së për gjenocidin në Srebrenicë, me të cilën 11 korriku u shpall Dita Ndërkombëtare e Përkujtimit të..

botuar më 24-05-31 2.47.MD

Presidenti Radev: Maqedonia e Veriut duhet të tregojë se dëshiron të jetë pjesë e një Evrope të bashkuar

Nga Roma, presidenti bullgar Rumen Radev i dërgoi mesazh Presidentes së Republikës së Maqedonisë së Veriut, Gordana Siljanovska-Davkova, se Bullgaria pret ndryshim në retorikë dhe fund sa më të shpejtë të gjuhës së urrejtjes. RSM duhet të tregojë..

botuar më 24-05-23 6.28.MD