Ish kryeministri i Bullgarisë Pllamen Oresharski deklaroi se 2014-ta ka qenë një vit i dëshpërimeve, i shpresave dhe i pritjeve të parealizuara. Kryeministri në pushtet Bojko Borisov e caktoi vitin 2014 si një vit të tmerrshëm, i cili duhet harruar sa më shpejt, dhe shprehu shpresën se viti 2015 do të jetë më i mirë. A do të jetë me të vërtetë kështu?
Në vitin politik 2015 Bullgaria do të hyjë me 8 formacione parlamentare – dy herë më shumë, sesa kishte në Legjislaturën e kaluar të Kuvendit Popullor.
Siç është Parlamenti, e tillë është edhe qeveria. Pushteti ekzekutiv ushtrohet nga dy forca politike – partia GERB dhe koalicioni Blloku i Reformatorëve, me përkrahjen parlamentare të Frontit Patriotik dhe të partisë me orientim të majtë ABV. Në kabinet nuk ka unitet dhe nganjëherë vendimet merren me shumicë të paqëndrueshme, e cila në fakt e privon vendin nga një opozitë e vërtetë. Lëvizja për të Drejtat dhe Liritë në opozitë, për shembull, i dha GERB-it përkrahje për realizimin e ndryshimeve në sistemin e sigurimit, ndryshime, të cilat refuzoheshin nga të gjitha forcat, të cilat e përkrahnin kabinetin. Politikanët e GERB-it thonë se po të ketë tronditje më serioze në qeverisje dhe në rast humbjeje eventuale të shumicës së tanishme, në vend të zgjedhjeve para afatit GERB mund të zgjedhë përkrahjen e Lëvizjes për të Drejtat dhe Liritë. Vetë Lëvizja nuk e fsheh se do ta sigurojë këtë përkrahje, por kjo nuk do të gjenerojë stabilitet politik. Në qoftë se arrihet në zgjedhje të reja parlamentare, 2015-ta do të bëhet viti i tretë, në të cilin Bullgaria do të udhëhiqej nga tri qeveri. A u ripohua shqetësimi se do të vëzhgohet një krizë ciklike politike.
Ne vitin e ri Bullgaria do të hyjë gjithashtu në sfondin e një situatë shumë delikate ekonomike. Në fund të 2014-ës u bë revizioni i dytë i buxhetit shtetëror dhe deficiti i tij u ngrit deri më 3.7 për qind, që është një nivel i papranueshëm në BE. Deficiti mund të financohet vetëm me marrjen e një huaje të re.
Zëvendëskryeministri, i cili përgjigjet për politikën ekonomike dhe mjetet evropiane, Tomisllav Donçev, parashikoi para pak kohe, se nga pikëpamja e përvetësimit të fondeve evropiane, viti 2015 do të jetë më i mirë nga ai 2014, por para tij burime të tjera të nivelit të lartë të qeverisë paralajmëruan se nuk mund të përjashtohet edhe varianti i ndalimit të subvencioneve evropiane këtë vit. Në qoftë se kjo ndodh, pasojat do të jenë shumë të rënda.
Në vitin 2014 situata në Bullgari sikur u përmirësua, por me një çmim shumë të shtrenjtë – kriza lidhur me Bankën Korporative Tregtare. Doli se banka e katërtë për nga rëndësia në vend në fakt ka qenë një piramidë, e cila ka funksionuar para vështrimit indiferent të të gjitha organeve përkatëse shtetërore. Megjithëse kriza lidhur me Bankën Korporative Tregtare tani për tani është përballuar, në ditën e bankierit – më 6 dhjetor, vetë guvernatori i Bankës Popullore Bullgare Ivan Iskrov nuk përjashtoi mundësinë që edhe gjatë vitit 2015 të ketë goditje mbi sektor, të motivuara nga interesat e ndryshme politike, ekonomike dhe të mediave. Bankieri Nr 1 është i bindur se vështirësitë dhe sfidat para bankave nuk kanë mbaruar.
Në fakt, nuk do të jetë vështirë që viti 2015 të jetë më i mirë nga 2014-ta, sepse edhe arritjet e vogla do të jenë të mjaftueshme për këtë. Sfida më e madhe është që Bullgaria të hyjë në demokracinë e vërtetë, por për këtë do të ketë nevojë për më shumë kohë dhe kjo nuk mund të ndodhë në kuadrin e 2015-ës.
Përgatiti në shqip: Vesella Mançeva
Fshati Radevo ndodhet në Bullgarinë Verilindore, jo shumë larg nga kryeqyteti ynë detar dhe po ashtu qytet i madh turistik - Varna, distanca është rreth 30-40 minuta me makinë. Në Radevo ka jo më shumë se 60 banorë, shumica e të cilëve janë mbi 60-70..
Fshati Gomotarci në Vidin ka një histori të çuditshme. Dikur ndodhej në një vend tjetër, kilometra larg nga aty ku është tani. Pasi një murtajë e tmerrshme goditi një pjesë të madhe të banorëve të tij, të mbijetuarit vendosën të digjnin shtëpitë e tyre..
Nënpresidentja Ilijana Jotova u takua me pjesëmarrësit e Konferencës së Tretë Ndërkombëtare të Udhëtimit "Bullgaria Piktoreske. Dialogët ndërdisiplinorë në shtëpi”. Projekti, i cili po realizohet nën patronazhin e nëndëspresidentit, përfshin kërkime..
Fillimi i shekullit të XXI-të doli të ishte një pikë kthese për Aksinija Ivanovën dhe Ivan Cankovin - fati i çoi në Argjentinën e largët dhe ekzotike, dhe..
Maturanti i Shkollës së Mesme Matematikore në Varna Svetosllav Arabov fitoi një medalje të artë në Olimpiadën Ndërkombëtare të Rinisë në Astronomi..
Bullgaria po shkon në zgjedhjet e gjashta të parakohshme parlamentare në më pak se 4 vjet dhe kjo pengon debatin konstruktiv dhe ratifikimin e një..