Reforma në administratë dhe aplikimi i shërbimeve elektronike do të jenë prioritet në punën e Zëvendëskryeministres Rumjana Bëçvarova dhe të ekipit të saj, u bë e qartë në brifingun që u zhvillua ditën e premte.
“Ka domosdoshmëri që ato të koordinohen në një mënyrë, e cila të garantojë rezultatet e zhvillimit të tyre, tha ajo. Administrata shtetërore është baza e sigurimit të shërbimit për qytetarët dhe këto shërbime duhet të elektronizohen me etapa dhe sa më shpejt, gjë që është lidhur me konceptin e administrimit elektronik. Kjo është përgjigje e një prej prioriteteve të udhëheqjes sonë – garantimi i një politike transparente dhe arritja e një udhëheqjeje të tillë.”
Sipas fjalëve të Zëvendëskryeministres së Politikës së Koalicionit dhe të Reformës Administrative, aktualisht nëpunësit janë 120 000, kurse buxheti i tyre deri në fund të vitit është ulur deri më 10 për qind. Kufizimi i numrit të administratës nuk duhet të jetë vetëm një qëllim, por rezultat i një sërë përpjekjesh të tjera, është e mendimit Bëçvarova. Do të punohet për një administratë moderne, e cila të jetë drejtuar ndaj qytetarëve dhe biznesit dhe t’i zgjidhë problemet. Zëvendëskryeministrja rikujtoi se te ne veprojnë 2 312 shërbime administrative dhe mbi 900 regjime rregulluese, por vetëm 13 për qind prej tyre janë elektronike. Praktikisht mbi 60 për qind e transaksioneve për vitin 2013 janë për shërbimet e ofruara jo për qytetarët, por për biznesin dhe për administratat e tjera. Prandaj pritet një audit i plotë i shërbimeve administrative dhe i regjistrave. Theksi në reformën administrative do të jetë zbatimi i vlerësimit të ndikimit të legjislacionit. Zëvendëskryeministrja Rumjana Bëçvarova komentoi se çdo ditë mesatarisht 2.5 akte normative pësojnë ndryshime dhe dha disa shembuj:
“Zakonisht ligjet që korrigjohen, janë Kodi i Sigurimit Social – 61 herë që nga viti 2007 deri tani, Ligji i Sigurimit Shëndetësor – 47 herë, tha ajo. Ligji për shëndetin ka pësuar 40 ndryshime, kurse Kodi i Procedurave Tatimore dhe të Sigurimit – 37. Korrigjimet e shpeshta të legjislacionit i vështirësojnë proceset e udhëheqjes, por në të njëjtën kohë i ngarkojnë njerëzit, të cilët punojnë në këtë mjedis.”
Zëvendëskryeministrja deklaroi se shpreson te partneriteti nga ana e deputetëve në Kuvendin Popullor dhe nënvizoi se me aplikimin e vlerësimit të detyrueshëm të ndikimit të legjislacionit një sërë shtetesh konstatojnë deri më 40 për qind ulje të numrit të ligjeve të reja, si dhe përmirësimin e rregullores normative. U bë e qartë se për qeverinë është me rëndësi të madhe edhe përfshirja e organizatave civile dhe e biznesit në formimin e politikave dhe në marrjen e vendimeve.
Zëvendëskryeministrja Bëçvarova informoi se akoma gjatë dy muajve të parë të udhëheqjes së qeverisë është përpunuar dhe miratuar një hartë rrugore e zbatimit të Strategjisë për reformën administrative 2015-2020 dhe është përgatitur gjithashtu për debate publike harta rrugore e udhëheqjes elektronike deri në vitin 2020. Ajo deklaroi se në programin, që qeveria do ta miratojë ditën e mërkurë, janë pasqyruar një sërë masash.
“Ju e shihni se sa aktivisht punojnë kolegët në sektorët kryesorë – vazhdoi zëvendëskryeministrja. – Ata tashmë kanë deklaruar disa masa, të cilat do të ndërmarrin, dhe janë duke e formuar konceptin e tyre për reformat e domosdoshme. Kam parasysh edhe shëndetësinë, edhe drejtësinë, edhe arsimin. Kjo kërkon një koordinim, i cili nuk do të përfundojë me miratimin e programit. Në Këshillin e Zhvillimit, të cilin e shpallën organin kryesor, do të kërkohen vendime, si dhe pozitat e qeverisë dhe të partive, të cilat e përkrahin këtë qeveri. Do të ketë mundësi që të shqyrtohen tema, të cilat ofrohen nga ministrat e veçantë dhe nuk janë në program. Në qoftë se miratohet një vendim i tillë, ai do të shkruhet në të.”
Përgatiti në shqip: Vesella Mançeva
Forcat politike të përfaqësuara në parlament kanë reaguar me një dozë të fortë skepticizmi ndaj propozimit ekscentrik të "Po e vazhdojmë ndryshimin - Bullgaria Demokratike" (PP-DB) që presidenti Rumen Radev të shtyjë për 3 muaj dorëzimin e mandatit..
Shkupi dëshiron të tërheqë mallra nga Evropa drejt Selanikut përmes një linje të re hekurudhore Ndërtimi i linjës hekurudhore përgjatë Korridorit 10 është prioritet për Maqedoninë e Veriut, tha ministri maqedonas i Transportit Aleksandër..
Turizmi është diplomacia më e mirë sepse shoqërohet gjithmonë me emocione pozitive dhe kujtime të mira. Jemi jashtëzakonisht të impresionuar nga ajo që ka arritur Shqipëria në fushën e turizmit, tha ministri bullgar i turizmit Evtim Milloshev në..