Në fund të vitit të kaluar Ansambli Shtetëror për Këngë dhe Valle Popullore “Pirin” shënoi 60-vjetorin e tij. Biografia e ansamblit është shumë e pasur – më se 7 mijë koncerte në dhjetëra vende të huaja dhe kontinente të ndryshme. Ansambli ka përjetuar çaste të paharrueshme me fansat e tij nga mbarë bota. Njëra nga themelueset është znj. Ruska Stoimenova, e cila ka punuar kohë të tërë si soliste e ansamblit.
“Para shumë vitesh pashë një njoftim në gazetë, rrëfen këngëtarja popullore Ruska Stoimenova. – Në atë kohë njerëzit e thjeshtë jo gjithmonë mund të merrnin informacione për aktivitete të tilla. Plus që profesioni i interpretuesit popullor nuk ishte i popullarizuar në vend. Prindërit nuk i lejonin fëmijët që të nisnin në këtë rrugë. Kishin frikë për udhëtimet e shumta të ansamblit dhe për udhëheqësit, të cilëve duhej t’u besonin fëmijët e tyre. Një meritë shumë të madhe kanë Zllatko Kocev, udhëheqësi i parë i ansamblit dhe Kostadin Rujçev, valltar dhe koreograf i parë. Ata shkonin në shtëpitë e vajzave dhe djemve të talentuar dhe u flisnin prindërve të tyre për rëndësinë e ansamblit. Dy vjet bënim prova në qytetin Petriç. Vatra kulturore “Vëllezërit Milladinovi” ishte bërë shtëpia jonë. Atje gjendeshin dhe po ashtu dhomat e fjetjes. Më kujtojnë hapat e parë në skenë. Nuk ishte e lehtë. Kishim momente shumë emocionuese në skenat botërore. Nuk mund të llogariten interpretuesit të cilët kanë kontribuuar në zhvillimin e ansamblit “Pirin”. Këtu patjetër duhet të përmend këngëtarin e talentuar Ilia Argirov. Maria Tomova dhe Zhivka Kostadinova ishin dueti më i mirë në historinë e ansamblit “Pirin”. Nuk do të harrohen kurrë këngët e Elena Karakashevës, Vasillka Karadelievës, Tatjana Sërbinskës e shumë të tjerë.”
Ndër personalitetet e dalluara në ansamblin “Pirin” është dhe Prof. Kirill Stefanov, i cili pesë dekada ishte udhëheqësi artistik. Ai është autori i përpunimit më të bukur të këngëve në repertorin e ansamblit. Disa prej tyre u përfshinë në CD-në e dytë të “Misterit të Zërave Bullgarë” (1991). Producenti i këtij të fundit është Marsel Selie dhe albumi ua solli çmimin “Grami” të gjithë pjesëmarrësve në të.
“Njerëz të pazëvendësueshëm nuk ka, por ka njerëz të jashtëzakonshëm, thotë znj. Stoimenova. – Prof. Stefanov është njëri bujar – pedagog, muzikant, udhëheqës dhe sikur e dinte çfarë na priste ditën e nesërme. Ishte njeri largpamës dhe komunikonte me të gjithë të tjerët. Brezi i ri gjithashtu është i mirë – Stojka Germanova, Dimana Cureva etj. E di se sot kushtet ndryshojnë shumë dhe janë më të vështira se sa ishte në të kaluarën. Besoj se muzika tradicionale duhet të kombinohet me qasjen bashkëkohore te folklori.”
Përgatiti në shqip: Anna Kapitanova
Grupi “Ostava” e ka bërë traditë që në fillim të shtatorit të festojë ditëlindjen me një koncert në “Majmunarnika” – një vend i njohur në qendër të Kopshtit të Borisit në Sofje. Këtë vit tradita vazhdon me një takim me publikun në datën 11..
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora disa kohë më parë. Si një dashamirës i muzikës që në fëmijëri, ai regjistroi të gjitha këngët e tij..
Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..
Grupi “Ostava” e ka bërë traditë që në fillim të shtatorit të festojë ditëlindjen me një koncert në “Majmunarnika” – një vend i njohur në qendër të..
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora..