Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Joan Leviev në aventurën “autoportret”

БНР Новини
3
Familjet Levievi dhe Kirovi në lokalin “Cafe de la Paix”

Mbi 30 autoportrete paraqiten në ekspozitën e piktorit të talentuar bullgar Joan Leviev. Ai u nda nga jeta në moshën 59 vjeçe, por la pas vetes një gjurmë të thellë. Ekspozita organizohet me ide të bijës së tij Joana Levieva-Sojër, kurse vendi i aktivitetit është Galeria e Arteve Figurative e Sofjes. Ekspozita organizohet me rastin e përvjetorit të 80-të të artistit.

Leviev ka krijuar në gjini të ndryshme: kompozim figural, natyrë e qetë, portrete, peizazhe. Autoportretet e tij janë shumë, por jo të gjitha prej tyre mund të kufizohen në kuadrin e gjinisë. Joan Leviev e pikturon veten në vepra monumentale, në piktura etj., shumë shpesh na shikon me vetëironi.

“Në ekspozitë marrin pjesë të gjitha autoportretet e tij, duke filluar nga ai më i hershëm që nga viti 1953, i cili është pikturuar që kur ka qenë student në Akademinë e Arteve Figurative, e gjer te një nga më të fundit – i ashtuquajturi “Portret Familjar” nga viti 1993 – shënon në një intervistë për Radio Bullgarinë Stanisllava Nikollova, kuratorja e ekspozitës. – Vizituesi ka mundësi të ndjekë se si krijuesi e pranon vetveten, si zhvillohet arti i tij. Në ekspozitë marrin pjesë shumë galeri nga vendi, të cilat disponojnë vepra të piktorit. Ka gjithashtu vepra të familjes Levievi, si dhe një vepër private – një pikturë, e cila gjithashtu paraqet imazhin e piktorit.”

Në fakt “autoportret” në kuptimin klasik të termit përbëjnë vetëm tri prej veprave në ekspozitë, por mund ta shohim piktorin si protagonist në një skenë të madhe, si për shembull është piktura “Nestinarja”, pronë e Galerisë së Burgasit, ose në sfondin e atmosferës së këndshme të Plovdivit të Vjetër, i cili është paraqitur shumë herë në veprat e tij. Në veprën “kujtime” piktori bën kolazh të fotografive nga fëmijëria e tij.

“Në ekspozitë ka vepra nga disa cikle të tij kryesore. Një prej tyre është “Kohërat Mbretërore”, i cili fillon gjatë viteve 80 të – na tregon Stanisllava Nikollova. – Ka dhe vepra, të cilat piktori i ka vazhduar gjatë viteve 90, ku mund ta shohim imazhin e Levievit qoftë si kloun, qoftë si mbret, i cili vëzhgon situatën rreth vetes. Në autoportretet e tij ka shumë filozofi, kuptim dhe thellësi. Çdo një vizitues mund ta ndiejë këtë. Një cikël tjetër interesant është “Kënga e Këngëve”. Ai është krijuar në Paris dhe është pronë e familjes së piktorit. Atje piktori është paraqitur si mbreti Sollomon, por edhe si satir.”

Joan Leviev ka shumë çmime për krijimtarinë e tij. Që nga viti 1960 ka marrë pjesë në të gjitha ekspozitat e Bashkimit të Piktorëve Bullgarë. Vepra të tij janë paraqitur në disa ekspozita të artit bullgar në Paris, Bruksel, Tokio, Moskë, Milano, Nju Jork, Meksikë, Vjenë, Budapest dhe në qytete të tjera.

Përgatiti në shqip: Vesella Mançeva

Fotografitë e ekspozitës: Veneta Pavllova dhe Galeria e Arteve Figurative e Sofjes



Последвайте ни и в Google News Showcase, за да научите най-важното от деня!

Galeria

Më shumë nga rubrika

Simeon Nikollov -

Mbreti dhe Mbretëresha e re e letrave do të kurorëzohen në maj

Ata që meritojnë kurorat e rënda të Mbretit dhe Mbretëreshës së letrave do të përcaktohen mes fëmijëve bullgarë në mbarë botën që do të marrin pjesë në edicionin e pestë të konkursit të leximit në gjuhën bullgare. Ai organizohet nga ekipi i Shkollës..

botuar më 25-03-08 9.15.PD

Ekspozita e fotografive "Bosilegrad para dhe tani" prezantohet në Timishoara

Një ekspozitë fotografike "Bosilegrad para dhe tani" u hap në Bastionin “Maria Terezia” në Timisoara. Iniciator i projektit është Aleksandër Dimitrov - kryeredaktor dhe kryetar i Shoqatës "GLAS" (zëri). Ai shoqërohej nga një nga fotografët, Vlladislav..

botuar më 25-03-07 12.54.MD

Piktori Emill Stojçev zbulon imagjinatën si sistemin e tij të gjakut

Në një ekspozitë të paharrueshme "Imagjinata është sistemi im i gjakut" në Galerinë e Arteve të qytetit të Sofjes, Piktori Emill Stojçevprezanton veprat e tij me rastin e 90-vjetorit të lindjes. Për më shumë se 30 vitet e fundit, ai e ndan kohën e tij..

botuar më 25-03-05 6.10.PD