Bukë e shijshme e bërë sipas recetës së vjetër me maja dhe ujë burimi, si dhe djathëdhie dhe mocarela, perime dhe reçele, verë mjedrash e shumë të tjera. Këto mund t’i gjeni në stendën “Le të gatuajmë shëndet”. Ideja për këtë punishte është e Organizatës “Shoqëria e qëndrueshme”, e cila për herë të tretë merr pjesë në Ekspozitën FoodTech në Panairin e Plovdivit. Panairi mbahet nga data 4 mars deri më 8 mars. Punishtja “Le të gatuajmë shëndet” ka për qëllim nxitjen e teknologjisë tradicionale e njëkohësisht të shëndetshme në gatim. Sivjet ngjarja u është drejtuar të rinjve profesionalistë në teknologjinë e ushqimit dhe sipërmarrësinë sociale. Në ngjarje janë ftuar disa zejtarë të njohur të cilët do të zbulojnë sekretet e kësaj dege.
Më shumë rreth idesë mësojmë nga kryetarja e “Shoqërisë së qëndrueshme”, znj. Gergana Kabaivanova: “Kemi organizuar disa punishte interesante. Në njërën do të demonstrohet se si përgatitet djathë bualli dhe mocarela prej djathë lope. Demonstrimin do ta bëjë një specialist i cili njeh recetat sipas të cilave ruhen vlerat ushqimore të produktit. Teknologjia përbën interes jo vetëm për të rinjtë por edhe për fermerët të cilët prodhojnë ushqime qumështi. Në punishten tjetër kemi planifikuar të demonstrojmë gatimin e gjellëve tradicionale me përbërës natyralë dhe erëza. Vizituesit do të kuptojnë përse është me rëndësi të ruhen traditat në gatim. Një bukëpjekës nga qyteti i Plovdivit do të demonstrojë gatimin e bukës me tharm.”
Produktet e pastra vendore të prodhuara sipas teknologjisë tradicionale janë duke u humbur në treg për shkak të jo promovimit të fermave të vogla dhe të mesme. Aktualisht vetëm 487 fermerë bullgarë i sheshin produktet direkt në treg, derisa të tjerët e realizojnë atë përmes riblerësve.
“Për fat të keq vitet e fundit legjislacioni sikur nuk i mbështet produktet vendore, komenton znj. Kabaivanova. – Këtu e kam fjalën për fermerët të cilët punojnë sipas recetave të vjetra për të ruajtur maksimalisht vlerat e ushqimeve që i bëjnë mirë shëndetit. Pra, këta fermerë janë duke u ballafaquar me shumë sfida. Në vend të parë janë informacionet që mungojnë. Recetat ata i marrin nga të moshuarit nëpër fshatrat. Së dyti, këta janë specialistë të cilët në shumicën e rasteve kanë specializuar jashtë shtetit dhe pasi janë rikthyer në vend e kanë harmonizuar teknologjinë e huaj me traditat bullgare. Por bëhet gjithnjë e më vështirë të prodhosh produkte natyrale. Ekspertët janë të mendimit se teknologjia e vjetër është e panevojshme, por në fakt s’është ashtu.”
Në fund të vitit të kaluar Ministria e Bujqësisë dhe Ushqimit premtoi të ndryshojë normativat kështu që fermerët e vegjël dhe të mesëm të arrijnë t’i realizojnë produktet e veta në tregjet bashkiake. Është e sigurt se aksesi i tyre i drejtpërdrejtë te tregu do të stimulojë ekonominë lokale dhe do të garantojë produkte më cilësore në sofrën bullgare.
Përgatiti në shqip: Anna Kapitanova
Fotografitë janë ofruar nga Organizata “Shoqëria e qëndrueshme”
Ekzaminimet multidisiplinare falas të kryera nga ekipet mjekësore bullgare dhe shqiptare në Kukës tërhoqën mbi 300 persona në dy ditët e fundit të qershorit. Ekzaminimet u transmetuan nga mediat kryesore shqiptare, duke përfshirë Radio Televizionin..
Mitropoliti i Vidinit Daniill është patriku i ri bullgar. Ai u zgjodh me 69 vota kundër 66 për Mitropolitin e Vracës Grigorij. Kishte edhe tre fletë votime të pavlefshme. Mitropoliti Daniill - me emrin laik Atanas Trendafillov Nikollov, lindi në..
Më 30 qershor është mbledhur Këshilli Zgjedhor Patriarkal i Kishës, ku duhet të zgjidhet përfaqësuesi i Kishës Ortodokse Bullgare dhe Mitropoliti i Dioqezës Shpirtërore të Sofjes. Froni mbeti bosh më 13 mars, kur patriarku i ndjerë bullgar dhe mitropolit..
Parlamenti Evropian është në prag të krijimit të një familjeje të re politike të formuar nga e djathta ekstreme në një kohë kur e majta po i jep një..
Shkolla bullgare e së dielës në Edrene filloi aktivitetet e saj edukative në vitin 2017 me një kurs të gjuhës bullgare për fëmijë nga komuniteti i..