Kisha Ortodokse Bullgare do të zgjedhë patriark të ri

botuar më 24-06-30 6.05.PD

Foto: BTA

Më 30 qershor është mbledhur Këshilli Zgjedhor Patriarkal i Kishës, ku duhet të zgjidhet përfaqësuesi i Kishës Ortodokse Bullgare dhe Mitropoliti i Dioqezës Shpirtërore të Sofjes. Froni mbeti bosh më 13 mars, kur patriarku i ndjerë bullgar dhe mitropolit i Sofjes Neofit u largua nga kjo botë.

Shenjtëria e tij Patriarku Bullgar Neofit u largua nga ne

Zgjedhja e patriarkut do të bëhet nga tre mitropolitët që Sinodi i Shenjtë shpalli si më të denjët më 20 qershor - këta janë Mitropoliti i Vracës Grigorij (i zgjedhur në raundin e parë me 11 vota), Mitropoliti Daniill i Vidinit (i zgjedhur në raundin e 32-të të votimit me 9 vota) dhe Mitropoliti Gavriill i Lloveçit (i zgjedhur gjithashtu me 9 vota në raundin e 42-të të votimit).

Tre mitropolitët nga të cilët do të zgjidhet Patriarku bullgar (nga e majta në të djathtë): Gavriill Llovçanski, Grigorij Vraçanski dhe Daniill Vidinski

Kisha Ortodokse Bullgare ka 13 dioqeza në Bullgari (e Sofjes, Varnës dhe Veliki Presllav, Veliko Tërnovos, Vidinit, Vracës, Dorostolit, Lloveçit, Nevrokopit, Plevenit, Plovdivit, Ruses, Slivenit dhe Stara Zagorës) dhe dy jashtë vendit (Amerikane, Kanadeze dhe Australiane dhe Dioqeza e Evropës Perëndimore dhe Qendrore).

Për t'u propozuar si patriark para Këshillit Zgjedhor të Kishës, statutet e Kishës Ortodokse Bullgare parashikojnë se mitropoliti duhet të plotësojë tre kushte - të jetë mbi 50 vjeç, të ketë 5 vjet shërbim si metropolit, mendim ortodoks dhe jetë shembullore.

Në zgjedhjen e patriarkut marrin pjesë pesë përfaqësues nga çdo dioqezë dhe dhjetë nga dioqeza e Sofjes. Përveç të gjithë mitropolitëve dhe peshkopëve të Kishës Ortodokse Bullgare, në zgjedhjen e patriarkut merr pjesë nga një përfaqësues i manastireve - Rilla, Baçkovski dhe Trojanski, nga dy përfaqësues të manastireve dioqezane nga çdo dioqezë - një murg dhe një murgeshë, si dhe një përfaqësues i shkollave të mesme teologjike.

Të drejtën e votës kanë të gjithë anëtarët e pranishëm të asamblesë zgjedhore dhe kandidati që ka marrë të paktën 2/3 e votave të votuesve të pranishëm shpallet patriark bullgar dhe mitropolit i Sofjes i zgjedhur në mënyrë kanonike dhe ligjore.

Përpiloi: Elena Karkallanova

Foto: BTA, BGNES

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Kisha Ortodokse Bullgare do të zgjedhë patriark të ri

Më shumë nga rubrika

Bullgaria është e para në BE që realizoi inteligjencën artificiale të nivelit të lartë në gjuhën e saj

Ekipi i ri i Ursula von der Leyen: a do të arrihet një "marrëveshje paketë" për të miratuar të gjithë komisionerët e BE-së

Rajonet ku jetojnë bullgarë në Shqipëri është e nevojshme të kenë autonomi administrative

Bullgaria është e para në BE që realizoi inteligjencën artificiale të nivelit të lartë në gjuhën e saj

Ekipi i ri i Ursula von der Leyen: a do të arrihet një "marrëveshje paketë" për të miratuar të gjithë komisionerët e BE-së