Këto ditë Ministria e Turizmit evidentoi rezultatet e fushatës për popullarizimin e vendit jashtë shtetit, fushatë kjo e cila përfundoi në dhjetor të vitit 2014. Mjetet për të u siguruan nga fondet evropiane dhe ishin në përmasë 7 milion leva (3.5 mln euro). Mirëpo, sa efektive ishte ky aksion i popullarizimit të vendit dhe cilat janë rezultatet konkrete, asnjeri nuk komenton. Shpresat janë, se në sajë të njohjes së vendit jashtë do të sigurohen turistë kryesisht nga Evropa Perëndimore, të cilët do të kompensojnë rënien e numrit të turistëve nga Rusia dhe Ukraina.
“Program për përballimin e krizës” – kështu përfaqësuesit e Ministrisë së Turizmit caktuan fushatën e reklamimit të vendit në Rusi dhe Ukrainë gjatë vitit 2014, vit ky i cili ishte tepër i vështirë për degën turistike të ekonomisë bullgare. Sipas statistikës me 3.7 për qind dhe 8.7 për qind u ul numri i turistëve nga ato dy vende gjatë vitit në fjalë. Mjafton të përmendim, se ato janë tregje të rëndësishme për turizmin bullgar, i cili iu shpreson më tepër miqve rusisht folës. Një sërë konferencash të shtypit, në të cilat personalitete të njohura treguan historinë mijëvjeçare të vendit; programe televizive dhe filma të reklamës; pllakate lara-lara me pamje nga Bullgaria u përfshin në aktivitetet e organizuara në Moskë dhe Sankt Peterburg. Krahas kësaj fushata përfshinte edhe botime në dhjetëra sajte dhe vizita turistike të gazetarëve rusë dhe ukrainas në vendin tonë. E gjithë kjo duhej të kontribuonte për ruajtjen e pozitave tona në ato tregje të çmueshme turistike për ne. Fushata të ngjashme për popullarizimin e turizmit në Bullgari u zhvilluan edhe në Gjermani, Rumani, Poloni dhe Suedi. Dhe kjo me idenë të kompensohet zbatica e miqve nga Rusia dhe Ukraina me mysafirë nga vendet e BE-së. Supozohet, se mesazhet e Bullgarisë arritën deri te 60 milion veta të Kontinentit të Vjetër. Ideja ishte, që theksi të vihet mbi trashëgiminë kulturore dhe historike, e cila sipas studimeve të fundit të Ministrisë, u bëjnë përshtypje më të fortë të huajve. Tjetër është çështja, në ç’shkallë kontribuuan sloganet e përhapura me anë të mediave të huaja si “Një destinacion gjatë të gjitha stinëve”, “Një shtet magjepsës dhe mikpritës” ose “Njohu kulturat dhe historitë e ndryshme”. Është e dyshimtë, se në këtë mënyrë do të përballojmë imazhin e një destinacioni të lirë detar dhe do të tërheqim turistë më të pasur me interesa të larmishme. Mirëpo, sipas Ministrisë së Turizmit efekti i fushatës jashtë shtetit nuk matet me përmasën e turistëve. “Ne u përpoqëm të formojmë një qëndrim pozitiv ndaj shtetit jashtë, të shtojmë informacionin për Bullgarinë si një vend për pushim” – shpjegon Anelija Genova, udhëheqëse e projektit.
Problemi është, se vera turistike e vitit 2015 prapë nuk do të jetë shpresëdhënëse, dhe jo vetëm përsa i përket turistëve rusë. Ditët e fundit ministrja e turizmit Nikolina Angellkova u takua me përfaqësues të disa prej operatorëve kryesorë turistikë në skenën botërore “Tomas Kuk” dhe “Nekerman”. Ata ishin unanim, se për Bullgarinë stina verore turistike do të jetë tepër e vështirë. Tani shpresat iu drejtuan turistit bullgar, i cili nuk ka as shumë pretendime, as aq shumë para. Krahas kësaj ai është i prirë të pajtohet me çrregullimet, me pushimoret plotë ndërtesa të tepërta dhe me çmimet e fryra. Mirëpo, problemi është se kohët e fundit bullgari u orientua te pushimoret e vendeve fqinje si Turqia dhe Greqia, jo vetëm për shkak të reklamës agresive, por edhe për çmimet më të mira të pakove për pushim. Kohët e fundit Ministria e Turizmit mendoi për turistët bullgarë duke përhapur një fushatë të re për tërheqjen e vëmendjes dhe për inkurajimin e bullgarëve të udhëtojnë në vend duke kërkuar 50 objekte të panjohura natyrore dhe kulturor-historike. Kështu bashkatdhetarët më kureshtar do të pasurojnë kulturën dhe do të përkrahin ekonominë vendëse. Në këtë mënyrë Ministria përpiqet të kompensojë zbaticën e turistëve nga jashtë.
Sesi mund t’u shpresohet fushatave të tilla për tërheqjen e më shumë turistëve dhe për përballimin e problemeve në këtë degë është një çështje me shumë pikëpyetje. Problemet kanë të bëjnë kryesisht me infrastrukturën e keqe, me pamjaftueshmërinë e kuadrove të përgatitura mirë, me shndërrimin e pushimoreve tona në xhungla të betonuara, me asgjësimin e natyrës, me zgjerimin e sektorit gri dhe probleme të tjera të shumta, që patjetër duhet të zgjidhen. Mirëpo, jo me strategji dhe fushata, por nëpërmjet një analizimi të thelluar dhe hapave vendimtarë nga ana e shtetit dhe biznesit turistik.
Përgatiti në shqip: Svetllana Dimitrova
Këtë verë, të ftuarit e bashkisë Çepelare do të mund të diversifikojnë pushimet e tyre në natyrën e bukur të Rodopeve me një tjetër rrugë malore. Bëhet fjalë për shtegun e ri turistik “Laboratori i shpellës, Stara Pllanina, shpella e Topçetos, shtylla e..
Fluturime çarter nga Meksika deri në Sofje do të kryhen çdo dy javë deri në fund të nëntorit 2024, raporton bgtourism.bg. Pak ditë më parë në Aeroportin e Sofjes u ul një avion i një kompanie ajrore bullgare me 320 turistë meksikanë. Ky është..
Arkeologia dhe udhëtare e njohur Prof. Bethany Hughes nis një udhëtim emocionues nëpër Bullgari në episodin e ri "Thesaret me Bettany Hughes", i cili u transmetua në ditën festive të 24 Majit në kanalin Viasat History. Episodi u prit me..