Drejtori i Byrosë Federale të Hetimeve James Comey gjatë kësaj jave bëri vizitë zyrtare në Bullgari – të tretën të titullarit të këtij posti gjatë 14 vjetëve të fundit. Edhe të tre vizitat të drejtorëve të FBI u bënë në kohën e qeverive të djathta. Ajo e Luis Freeh në vitin 2001 në kohën e kabinetit të Ivan Kostovit koencidoi me momentin e tensionit të lartë në marrëdhëniet e Sofjes me Moskën për shkak të dëbimit të tre diplomatëve rusë të akuzuar në spiunim, për të cilën miku i dha mbështetje palës bullgare. Dy vizitat pas kësaj të drejtorëve të FBI – të Robert Mueller në vitin 2011 dhe të James Comey tani – janë realizuar në kohën e qeverive të Bojko Borisovit, kjo e fundit koencidon me marrëdhëniet e tensionuara midis Sofjes dhe Moskës kryesisht për shkak të situatës së konfliktit rreth Ukrainës. Ndër të tjerët, Bojko Borisovi është një partner i dëshiruar jo velëm i udhëheqjes së kundërzbulimit amerikan, në qoftë se do të gjykojmë se gjatë qeverisjes së tij të parë në Bullgari erdhën për vizitë drejtori i CIA-së Leon Paneta (2010) dhe drejtori i Secret Service Mark Sullivan (2011).

Me gjithë intensitetin e shkëmbimit të dyanshëm midis shërbimeve të posaçme do të ishte e tepërte të pohohet, se shërbimet bullgare janë një partner i jashtëzakonshëm i atyre amerikane. Interesi transatlantik ndaj tyre është diktuar më në veçanti nga interesi ndaj rajonit të Evropës Juglindore, po të marrim parasysh faktin, se përpara Sofjes James Comey vizitoi Bukureshtin.

Thelbi i lidhjeve midis shërbimeve të posaçme përcaktohet në një shkallë të madhe nga sfidat në regjion. Gjatë vizitës së Luis Freeh në vitin 2001 dhe të Robert Mueller në 2011 atëherë sfidat kryesore ishin krimi i organizuar transkufitar, trafiku i narkotikeve në Ballkan dhe vendosja e themeleve të bashkëpunimit të drejtpërdrejtë midis organeve të ruajtjes së rendit të të dy vendeve. Tani gjatë vizitës së James Comey vëmendja kryesore iu kushtua luftës kundër terrorizmit, nevojës së legjislacionit të ri kundër terrorizmit dhe dhënies rezistencë korrupsionit. E reja është se, drejtori i FBI angazhohet me stërvitjen praktike të prokurorëve bullgarë, të specializuar në luftën kundër terrorizmit. Peshë më të madhe iu kushtua bashkëpunimit në luftën kundër krimeve financiare, sidomos kundër legalizimit të mjeteve monetare të përfituara në mënyrë të paligjshme. Sipas vlerësimit të drejtorit të Zyrës Federale të Hetimeve, në saj të Internetit Bullgaria dhe SHBA në praktikë janë “shtete fqinje” në luftën kundër krimit të organizuar, terrorizmit dhe krimeve kibernetike.

Vizitën e tij në Sofje James Camey e bëri në pjesën e parë të mandatit të tij 10 vjeçar si drejtor i FBI. Kjo, sipas mendimit të tij, supozon edhe vizita të tjera të reja në Bullgari, duke pasur parasysh qëndrimin unanim mbi çështjet e luftës kundër kriminalitetit, mund të priten momente të reja në bashkëveprimin midis kundërzbulimit amerikan dhe partnerëve të tij bullgarë. Me siguri zhvillime të tilla mund të priten në një kohë të afërt.

Përgatiti në shqip: Sofia Popova