“Dosja Petrov” e regjisorit bullgar Georgi Ballabanov i dha start edicionit të 19 të Festivalit të Filmit në Sofje. Skenarist i filmit është i njohuri Jean-Claude Carriere me biografi që mbledh afro 130 vepra. Para pak kohe ai fitoi një “Oskar” të posaçëm për krijimtarinë e tij të tërësishme. Probleme shëndetësore nuk i dhanë mundësinë që të vijë në Sofje, por publiku në sallën e madhe numër 1 të Pallatit Kombëtar të Kulturës priti me duartrokitje thirrjen e tij me anën e videos.
“Kisha dëshirën të punojë me një njeri të urtë dhe të ndjeshëm. Kjo është privilegji për mua – rrëfen për punën e tij me Carrier regjisori, i cili prej vitesh jeton në Francë. – Ne njiheshim që më përpara, por kjo punë na afrojë edhe më shumë. Ndoshta për këtë arsye, jo vetëm për skenarin, jemi bashkë.”
“Ky është filmi i parë serioz bullgar për vitet e tranzicionit” – tha në premierë Dimitër Mitovski, njeri prej bashkëproducentëve të filmit. Historia në të fillon në prag të ndryshimeve demokratike dhe përfundon në ditët tona. Historia, në të cilën ka denoncime shpifëse, grumbullim brutal të kapitalit, jetë të thyera. Xhirimet e filmit kanë filluar para 4 vjetësh.
“Ai doli tani, sepse aktualisht Franca ka nevojë të flitet për dështimin e modelit të qytetërimit, të sistemit të shoqërisë perëndimore” – thotë Georgi Ballabanov. Sipas tij, jehonat për filmin në Francë zbulojnë lirinë e bullgarëve të flasin, inteligjencën e tyre. “Ndoshta për këtë se nuk kanë arritur të zhyten plotësisht në parajsën konsumatore” – shton regjisori.
“Mua gjithmonë më ka interesuar të zbulojë ndonjë shkak që të bëjë një film, jo thjeshtë se mund të sigurohet financim” – vazhdon regjisori me ndjenjën e humorit, por edhe me shqetësim: “Jetojmë në kazino, të hedhur në hapësirë, ruleti po rrotullohet. Shfaqen libra – p.sh. të ish ministrit Michel Rocard për fundin e Evropës. Çfarë të bëjmë? Ku të shkojmë? Në mënyrë të rastësishme fillova këtë film pa e menduar si i tillë, por siç duket më kanë orientuar ndjesitë. Njeriu duhet të jetë i sinqertë para vetes. Kur je i sinqertë, rastësisht mund të gjesh diçka që ia vlen.”
Kontribut të madh për dinjitetin e filmit ka loja e mrekullueshme e aktorëve. Mihaill Billallov, Hristo Shopov, Georgi Novakov, Ani Papadopullu, Radina Kërxhillova dhe disa talente të reja bullgare rikrijojnë kohën e stuhishme të kalimit drejt shoqërisë së tregut dhe demokracisë.
Përgatiti në shqip: Sofia Popova
Një ekspozitë fotografike kushtuar personalitetit të basit të madh bullgar të operës Boris Hristov mund të shihet deri më 28 gusht në Sofje. Ekspozita organizohet nga departamenti "Kultura, Arkeologjia dhe Trashëgimia Kulturore" e Bashkisë së..
Që nga viti 2019, në Varna funksionon një shkollë, qëllimi i së cilës është të kapërcejë stereotipat dhe idenë e grafitit si diçka e shëmtuar, e ndyrë dhe e pakuptueshme. I ngjashëm, natyrisht, është edhe qëndrimi ndaj piktorëve të grafitit, të cilët..
Interpretuesit e vallëzimeve klasike indiane do të zhytin Burgasin në ritmin e kulturës indiane më 14 gusht në orën 20:30 në skenën e hapur "Kërmilli" në Kopshtin e Detit, njoftoi Bashkia e Burgasit. Programi Rasa-Nishpatti përmban..
Një ekspozitë fotografike kushtuar personalitetit të basit të madh bullgar të operës Boris Hristov mund të shihet deri më 28 gusht në Sofje. Ekspozita..