Filmi i ri shqiptar “Bota”, një prodhim shqiptar, italian dhe kosovar, po bën xhiron e vet të botës. Ai sapo u prezantua edhe në kuadrin e Festivalit Ndërkombëtar të Filmit të Sofjes. Posaçërisht për premierën në Bullgari mbërritën bashkëregjisorët e tij, Iris Elezi dhe Thomas Logoreci.
“Bota” është emri i një lokali të vendosur në një nga fshatrat e ish-të internuarëve politikë. Në këtë vend të shkretë, tre të rinj “humbasin rrugën” deri sa e rigjejnë atë, si dhe vetën e tyre. “Bota” është një metaforë jo vetëm për Shqipërinë bashkëkohore, sepse çdo spektator kudo që është në botë, mund të identifikohet lehtë me personazhet e filmit. Përqendrimi është tek njeriu i thjeshtë, i cili fillimisht i izoluar, në emër të së vërtetës dhe të ëndrrave guxon të niset në rrugën e vështirë të kërkim të vetes dhe të një bote më të mirë.
Posaçërisht për Radio Bullgarinë regjisorja Iris Elezi tregoi për filmin “Bota”, për referencat kinematografike apo ato letrare nga veprat e Kadaresë, dhe si bota shqiptare vjen te publiku i huaj. Znj. Elezi foli për çështjet e kinemasë bashkëkohore, si edhe për Projektin e Kinemasë Shqiptare, një iniciativë për mbrojtjen dhe ruajtjen e trashëgimisë kinematografike shqiptare. Intervista iu kushtua temave si figura e gruas, mesazhet në kinemanë moderne shqiptare dhe ballkanike, vlerat dhe anti-vlerat në botën e sotme, dhe për filmin “Bota” si një poemë dashurie për Shqipërinë...
“Bota” është vlerësuar me disa çmime prestigjioze ndërkombëtare, shpresojmë se do të fitojë edhe atë të Garës Ballkanike të Festivalit Ndërkombëtar të Filmit të Sofjes.
Fotografitë janë ofruar nga Iris Elezi dhe Thomas Logoreci
Interesi për studimin akademik të gjuhës bullgare në Sllovaki daton gati një shekull më parë. Në vitin 1919 u themelua Universiteti Comenius në Bratislavë. Dy vite më vonë u krijua Fakulteti Filozofik ku studiohen të gjitha degët humanitare. Aty, gjatë..
Violinisti bullgar me famë botërore Vasko Vasilev dhe solistët nga Orkestra e Operës Mbretërore “Kovent Garden” do të mbajnë një koncert klasik akustik më 26 maj në sallën “Gustav Eiffel” të Kullës Eifel. Muzikantë nga 5 kombësi do të jenë së bashku në..
"La Sapienza" në Romë është një nga universitetet më të vjetra dhe më prestigjioze italiane, i themeluar në vitin 1303. Në ditët e sotme është universiteti më i madh në Evropë për nga numri i studentëve që studiojnë me kohë të plotë. Ashtu si në..
Organizatorët e festivalit RADAR , i cili zhvillohet nga data 2 deri më 4 gusht në Varna, premtojnë një program plot ngjarje që tejkalojnë..