Më 15 mars shënuam Ditën Botërore të Konsumatorëve. Në Bullgari kjo datë ishte rast për mendime serioze sidomos në lidhje me aftësitë paguese. Sipas të dhënave më të reja të statistikave dhe sindikatave, ato janë tepër të ulëta.
Prej pak më shume se 2 mln të punësuarve në Bullgari më shumë se 30 % janë ata që hyjnë në kategorinë e të varfërve me më pak se 200 euro për muaj, ndërsa ata që marrin pagë në pragun e varfërisë për muaj janë 21 %. Kjo do të thotë, se treguesi – shpërblimi i punës për orë pune në vend me 3,7 euro, na radhit në vendin e fundit të BE. Kjo nuk flet mirë për mundësitë e Bullgarisë dhe për standardin e jetesës të bullgarëve. Akoma më tepër, se për nga paga minimale e punës, vendi ynë zë pozitën e fundit në tërë bashkësinë evropiane me 184 eurot për muaj.
Mbi këto të dhëna të Zyrës Evropiane të Statistikave “Eurostat” u mbështetën nga sindikata Konfederata e Punës “Podkrepa”, të cilët i ftuan në tryezë të rrumbullakët kolegët e tyre nga Konfederata e Sindikatave të Pavarura të Bullgarisë, përfaqësues të pushtetit dhe të punëdhënësve për të diskutuar temën për të punësuarit e varfër në Bullgari. Se problemi është aktual dhe i rëndësishëm flet edhe fakti, se në Raportin vjetor të Komisionit Evropian, të publikuar në fund të muajit të kaluar, për rritjen gjatë vitit 2015, Bullgaria ishte vënë nën mbikëqyrje të posaçme dhe disa prej shkaqeve kryesore për këtë janë varfëria dhe pabarazia e madhe sociale.
Në këtë fakt nuk ka asgjë të çuditshme, sepse vendi ynë është në vendin e 48 modest të klasifikimit të përvitshëm për shtetet e botës më të zhvilluara mes të gjithë 142 vendeve të Qendrës kërkimore-shkencore të Britanisë së Madhe Legatum Institute. Bullgaria është në vendin e fundit dhe për nga prodhimtaria e punës. Çdo punëtor bullgar prodhon mesatarisht rreth 12 mijë euro prej Produktit të Brendshëm Bruto, ndërsa në Norvegji, ku prodhimtaria e punës është më e lartë, punëtorit i takojnë 145 mijë euro. Në Luksemburg shuma është 117 000 euro. Sipas të dhënave zyrtare statistikore prodhimtaria e punës rritet me 1,7 % në bazë vjetore.
Në tryezën e rrumbullakët të sindikatave, punëdhënësve dhe pushteteve për varfërinë në vend ishte miratuar një zëri një konstatim. Të gjithë u pajtuan me pohimin, se “që të mos ketë të punësuar të varfër, ekonomia jonë duhet të punojë mirë” të Kryetarit Ekzekutiv të Dhomës Ekonomike Bullgare Bozhidar Danov. Nga kjo pikëpamje, situata nuk jep optimizëm, sepse ekspertët më të autoritetshëm ekonomikë dhe institucionet ndërkombëtare në krye me KE, janë të mendimit, se në Bullgari nuk ka perspektiva të veçanta për rritje ekonomike. Nuk bëhet fjalë për këtë, se vendi është i dënuar në varfëri të përjetshme, por për këtë se në këtë situatë dhe strukturë ekonomia bullgare nuk është e aftë të gjenerojë rritje ekonomike, d.m.th. të rritë mirëqenien e bullgarëve. Pikërisht ky është motivi, i cili kushtëzon thirrjet për reforma urgjente, të thella, me siguri të dhimbshme nga pikëpamja sociale, të strukturave shoqërore-ekonomike në Bullgari. BE bile vendosi si është e nevojshme të kontrollojë dhe të menaxhojë këto ndryshime, sepse bashkësia është ndërtuar mbi parimin e solidaritetit dhe askush nur frymëzohet nga ideja që fqinjët e tij të jenë zhytur në varfëri dhe vazhdimisht të revoltohen.
Përgatiti në shqip: Sofia Popova
Të martën ishte sesioni i parë konstituiv i Parlamentit të ri Evropian për konstituimin e Parlamentit të ri, krijimin e komisioneve parlamentare dhe zgjedhjen e kryetarit të ri të institucionit. Kandidatura e Ursula von der Leyen për presidente të..
Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në Universitetin e qytetit Veliko Tërnovo. Sipas korrespondentit të BNR-së në kryeqytetin e vjetër,..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por sipas statistikave, çdo vit “vdes” nga një fshat bullgar sepse prej tij është larguar edhe banori i..
Java që kaloi ishte java e tretë e Shkollës Verore të Gjuhës dhe Kulturës Bullgarenë Tiranë. Kjo ishte dhe java e fundit e shkollës në ambientet e..
Gati 10 për qind e 11-vjeçarëve në vendin tonë kanë qenë të dehur të paktën dy herë në jetën e tyre, 18% e djemve dhe 13% e vajzave kanë pirë cigare,..
Një nga shkollat e larta në vendin tonë që ofron specialitete me mundësi studimi në frëngjisht është Universiteti i Ri Bullgar (NBU). Ndër tyre janë..