Po fillon fushata sqaruese për pagimet e drejtpërdrejta në kuadrin e programit “Zhvillimi i Rajoneve Rurale” me buxhet 1.4 mlrd leva (700 mln euro.) Qëllimi i saj është që prodhuesit të njihen me kërkesat kryesore, mënyrat e pagimit dhe kushtet për financim.
Periudha e re programore është 2014-2020. Qeveria e kryeministrit Borisov po kontrollon pagimet për etapat e përfunduara të programit. Tani për tani auditimi nuk është përfunduar, sqaroi ministrja e bujqësisë Desislava Taneva dhe shtoi: “Në proces të monitorimit janë rreth 150 euro, sanksionet deri tani janë për 60 mln euro. Sanksionet janë kryesisht për shpërdorime në prokurimet publike.”
Versioni i fundit i programit, që pritet se do të miratohet është parashtruar në Bruksel para një muaji. Sipas ministres Taneva afati më optimistik për miratimin e programit është muaji korrik i këtij viti. Pavarësisht nga kjo qeveria do ta fillojë pagimin paraprakisht, para miratimit të tij, kështu që bujqit bullgarë të mund t’i përdorin mjetet financiare pa vonesë. Ja se çfarë tjetër tha ajo: “Ne do ta fillojmë programin akoma gjatë këtij muaji dhe po të ketë konsensus do ta nisem kapitullin për Investime në Ferma. Përparësi do të kenë projektet për investime në rajonet fshatare dhe ato të prapambetura si për shembull Bullgaria Veriperëndimore, investimet në blegtori, në prodhimin e perimeve, në inovacione, në përmirësimin e efikasitetit energjetik dhe investimet.”
Ministria e Bujqësisë dhe Ushqimeve do të përdorë kërkesat, të cilat ishin në fuqi gjatë periudhës së mëparshme të programit dhe para miratimit të tij nga Brukseli nuk do të financohen projektet e ashtuquajtura të “integruara” apo investimet kolektive. Do të ndryshohen kërkesat në një nga kapitujt më të njohura – “Fermeri i ri” dhe lëshimi i ndihmës fillestare do të bëhet sipas proceduarave të lehtësuara. Sipas ministres Taneva ky ndryshim bëhet sipas këshillit të KE-së dhe qëllimi është që të financohen ferma të reja me potencial për zhvillim.
Përveç mjeteve të lëshuara në kuadrin e programit për “Zhvillimin e Rajoneve Rurale” nuk parashikohen kompensime të tjera për prodhuesit bullgarë të qumështit për humbjet e tyre nga embargoja ruse. Është parashikuar financim suplementar për prodhuesit e qumështit të thatë dhe të gjalpit. Në Bullgari nuk ka prodhues të qumështit të thatë, derisa ata që bëjnë gjalpë janë pak. Tani për tani Bullgaria dhe Rumania, të cilat kanë struktura të ngjashme të blegtorisë, e kanë përkrahjen e gjashtë të shteteve të tjera anëtare të BE-së dhe kjo nuk është e mjaftueshme. Përpunuesit bullgarë të qumështit mund të përdorin financim në kuadrin e programeve kombëtare për fermat e lopëve dhe për fermat e deleve.
Përgatiti në shqip: Jordanka Ivanova
Banka Botërore parashikon një përmirësim më të përmbajtur të rritjes ekonomike të Bullgarisë këtë vit dhe në vitin 2025. Në raportin e fundit “Perspektiva Ekonomike Globale”, institucioni pret një përshpejtim të lehtë të rritjes së PBB bullgar nga..
Në tremujorin e parë të vitit 2024, produkti i brendshëm bruto (PBB) u rrit me 1.8% krahasuar me të njëjtën periudhë të vitit 2023. Parashikimet e para ishin për një rritje prej 1.7%, sipas të dhënave të Institutit Kombëtar të Statistikave. PBB e..
Nga mesi i vitit 2025, Bullgaria do të jetë gati për Eurozonën, parashikoi zëvendësministri në detyrë i financave Metodi Metodiev, para forumit financiar në Sofje "Zhurma e parave". Sipas tij, deri në fund të vitit 2024 do të mbulohet i vetmi kriter..
"Punonjës në administratë nuk janë fjalë të pista" – me një slogan të tillë në fillim të muajit prill, punonjësit e shtetit protestuan nën dritaret e..