Gjatë vitit 2014 Banka Evropiane e Investimeve (EIB) i ka dhënë Bullgarisë 610 mln euro, pra me afro 123 për qind më shumë në krahasim me një vit më parë. Këtë e bëri me dije Zëvendës presidenti i Bankës, z. Laslo Baranjaj. Në periudhën 1992-2014 Banka Evropiane e Investimeve ka financuar projekte në vlerë 4.2 mlrd euro.
Sivjet Banka do të financojë projekte sipas Fondit Evropian për Investime Strategjike, të njohur si “plani i Junkeri-it”, dhe po ashtu projekte lidhur me efikasitetin energjetik. Këtu bëhet fjalë për interkonektorin për gaz midis Bullgarisë dhe Greqisë. Me interes po ashtu janë projektet në fushën e ekologjisë si menaxhimi i mbeturinave dhe pastrimi i ujërave. Njëri nga projektet e përbashkëta të Bankës dhe Bullgarisë, i cili projekt u nënshkrua në fillim të këtij viti, është ndërtimi i sistemit për administrim të trafikut në transportin urban. Gjatë vitit 2014 Banka Evropiane e Investimeve i dha Bashkisë së Sofjes 40 mln euro për të blerë tramvaj dhe autobusë sipas programit të BE-së “Mjedisi”.
“Gjatë 2014-ës Banka i dha Bullgarisë 500 mln euro për të realizuar projektet evropiane lidhur me transportin dhe mjedisin në periudhën 2014-2020”, vë në dukje z.Laslo Baranjaj.
Gjatë vitit të kaluar Banka Evropiane e Investimeve u ka dhënë asistencë kryesisht ndërmarrjeve të vogla dhe të mesme, për të cilat janë ndarë rreth 49 për qind prej të gjitha mjeteve. Drejtimet e tjera kryesore janë transporti, komunikimet, ujësjellësit, kanalizimet dhe përpunimi i mbeturinave, shërbimet dhe bujqësia. Zëvendës ministri i Financave Frezi Bekir vlerësoi lartë partneritetin midis qeverisë dhe bankës.
“Banka Evropiane e Investimeve është partner i rëndësishëm dhe ka rol kyç në shtimin e investimeve private në Bullgari dhe në vendet e tjera anëtare të BE-së. Qeveria bullgare e vlerëson lartë këtë asistencë, e cila kontribuon në përmirësimin e kushteve ekonomike të vendit. Banka Evropiane e Investimeve është partneri kryesor në realizimin e projekteve të energjetikës, transportit dhe ekologjisë.”
Ndër projektet e mëdha të financuara nga Banka Evropiane e Investimeve vitin e kaluar janë rinovimi i linjës hekurudhore Plovdiv-Septemvri, Plovdiv-Sofje, si dhe etapa e dytë e ndërtimit të metros në Sofje. Gjatë vitit të kaluar në dobi të ndërmarrjeve të vogla dhe të mesme Banka Evropiane e Investimeve ka dhënë 110 mln euro.
Përgatiti në shqip: Anna Kapitanova
Për të jetuar normalisht një punëtor në Bullgari nevojiten 1454 leva /743.42 euro/. Këtë e tregojnë të dhënat e Konfederatës së Sindikatave të Pavarura /KNSB/ për tremujorin e fundit. Mbajtja e një familjeje prej tre anëtarësh (dy punëtorë dhe një..
Në botën moderne nuk mjafton të njohësh njësitë monetare të vendeve të veçanta dhe të dish se si monedhat e tyre lidhen me levin bullgar. Konvertimi i levit në euro dhe anasjelltas nuk i zgjidh problemet tona financiare për një kohë të gjatë dhe nuk..
Në vitin 2023, përqindja e të rinjve që nuk punojnë dhe nuk mësojnë nën moshën 29 vjeç ishte 13.8 për qind krahasuar me 15.1 për qind një vit më parë. Në sfondin e BE-së, kjo përqindje në Bullgari mbetet e lartë. 1/7 e të rinjve joaktivë kanë arsim të..