Më 31 mars në pikën e kontrollit kufitar “Kapitan Andreevo” mes Bullgarisë dhe Turqisë për një rrjet të trafikimit të cigareve u arrestuan 26 persona, ndër të cilët 13 doganierë dhe 3 policë kufitarë. Më 1 prill mediat mësuan se të gjithë doganierët janë liruar dhe pas hekurave është vetëm shefi i cili ka qenë në turn. Të liruarit janë thirrur për dëshmitarë të hetimit për kontrabandën e cigareve në vlerë miliona euro. Luftimi i korrupsionit po vazhdon.
Para njëzet vjetësh një kryeministër bullgar i ka bërë pyetje këshilltarit ekonomik se ç’reforma duhet bërë që të ndihet së shpejti efekti i tyre mbi zhvillimin e ekonomisë në vend. Përgjigja ishte se në vend të parë duhet të rregullohen doganat. 20 vjet më vonë detyra për rregullimin e doganave vazhdon të jetë aktuale. Sondazhet e 2014-ës tregojnë se pjesa e cigareve të paligjshme në Bullgari përbën 20 për qind dhe me kalimin e kohës bëhet edhe më shumë. 230 mln euro nuk kanë hyrë në arkat e shtetit. Bullgaria është nga vendet më humbëse nga kontrabanda e cigareve në të gjithë BE-në. Humbja llogaritet të jetë 3 herë më e lartë se humbja në Rumani dhe Poloni, 10 herë më e lartë se ajo në Gjermani dhe 16 herë më e lartë se humbja në Holandë.
Dy muaj para se të arrestoheshin doganierët, sërish në pikën e kontrollit kufitar “Kapitan Andreevo” ishte arrestuar shefi i doganës, i cili u ndesh me akuza të kontrabandës së cigareve nga Turqia. Prangat sikur nuk mjaftojnë për shuarjen e oreksit për kontrabandë cigaresh. Vitet në vijim fjala “doganier” do të vazhdojë të ngarkohet vetëm me konotacione negative.
Në luftimin e korrupsionit Bullgaria përdor metodat e mirënjohura në botë – ndërrim i shpeshtë i punës dhe i detyrave të doganierit, rotacion në përbërjen e udhëheqjes, pajisje speciale përgjuese etj. Si duket masat parandaluese duhet të ridrejtohen – nga kapja e kontrabandës dhe e doganierëve të korruptuar në kapje të porositësve të tyre.
Përgatiti në shqip: Anna Kapitanova
Presidenti Rumen Radev zhvilloi një takim pune me kryeministrin grek Kiriakos Micotakis. Në Athinë ata diskutuan aktivizimin urgjent të punës për projektet strategjike dypalëshe. Në një konferencë për mediat Radev shpjegoi se një projekt i tillë..
Qeveria e përkohshme e përmbushi me sukses detyrën e saj kryesore – organizimin e zgjedhjeve të drejta dhe transparente për Asamblenë Kombëtare dhe Parlamentin Evropian. Të gjitha aktivitetet janë kryer në mënyrë transparente dhe me kohë, njoftoi..
Maqedonia e Veriut nuk ka politika të qëndrueshme ndaj fqinjëve të saj, tha Ali Ahmeti në mbledhjen e Këshillit të Përgjithshëm të Bashkimit Demokratik për Integrim, transmeton BTA. Kryetari i partisë më të madhe shqiptare, Ali Ahmeti, theksoi, se..