Koncerte të talenteve të reja folklorike nga shkollat në Kotell dhe Shiroka Llëka

botuar më 15-05-03 12.15.MD

Më 28 prill Shkollat për arte folklorike në qytetin Kotell dhe në fshatin Shiroka Llëka dhanë një koncert. Publiku nga qyteti Sliven priti me entuziazëm programin e larmishëm të talenteve të reja. Iniciator dhe organizator i aktivitetit ishte Fondacioni “Ruajtës të shpirtit bullgar”.

“Motive folklorike”, int. orkestra e Shkollës folklorike në qytetin Kotell

Update Required To play the media you will need to either update your browser to a recent version or update your Flash plugin.

“Dje nusja e mirë Dobra qëndronte deri vonë”, int. grupi folklorik i Shkollës folklorike në fshatin Shiroka Llëka

Update Required To play the media you will need to either update your browser to a recent version or update your Flash plugin.

“E prisnim koncertin me emocion të madh dhe jemi të lumtur nga suksesi që patën interpretuesit tanë të mrekullueshëm të rinj. Salla ishte plotë e përplot, kishe shumë njerëz që rrinin me këmbë, duartrokitjet nuk kishin fund – këto janë fjalët e zonjës Stojanka Tenova, Drejtore e Shkollës Kombëtare për Arte Folklorike “Shiroka

Llëka”. – Realizimi i këtij koncerti është pjesë e premtimit që kanë dhënë përfaqësuesit e Fondacionit “Ruajtës të shpirtit bullgar”. Vitin e kaluar në “Tubimin Vojvodska” që është tradicional për qytetin Zheravna ata kanë deklaruar dëshirën e tyre të organizojnë një festë të vërtetë për publikun dhe nxënësit e talentuar prej të dy shkollave. Koncerti ishte financuar plotësisht nga fondacioni, i cili ka zgjedhur si mision të vet të ruajë dhe të popullarizojë traditat dhe kulturën popullore bullgare. Programi përfshinte muzikë nga të gjitha krahinat folklorike, si dhe instrumentet dhe vallëzimet karakteristike për Kotell dhe Shiroka Llëka”. Mjetet e mbledhura nga shitja e biletave u janë dhënë dy shkollave. Me to do të rinovohen instrumentet, do të ndërrohen kostumet skenike. “Organizatorët i falënderuan përzemërsisht të gjithë pjesëmarrësit dhe thanë, se këto koncerte do të kthehen në traditë” – tha zonja Tenova.

“Me 2 maj në sallën e shkollës me rastin e 15 vjetorit të specialitetit “Valle popullore bullgare” u mbajt një koncert solemn – tregon znj. Tenova. – Në të u prezantua produksioni më i ri i kolektivave artistike. Në program u përfshin dhe shumë ish nxënës të shkollës, të cilët sot me sukses marrin pjesë në koncertet e kolektivave më të mira valltare të ansambleve të njohura “Trakia”, “Pirin”, “Bëllgare”. Me këtë ditë u mblodh familja e madhe, jo vetëm nxënësit e specialitetit, por të gjithë nxënësit e shkollës sonë.”

Përgatiti në shqip: Sofia Popova

Fotografitë janë ofruar nga Shkollat për arte folklorike në qytetin Kotell dhe në fshatin Shiroka Llëka

Последвайте ни и в Google News Showcase, за да научите най-важното от деня!