Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

“Folklor pa kufi” – koncert prej autori i Marek Djakovit

Foto: marekdyakov.com

Kompozitori Marek Djakov do të ketë një mbrëmje prej autori. Veprimtaria është pjesë e nismës “Klasa e mjeshtërve për rilindës” të rrjetit Kombëtar të Arsimit Joformal. Ky rrjet, që u krijua në vitin 2013, bashkon njerëz dhe organizata, që synojnë të afirmojnë të ashtuquajturën “Arsim joformal” si një pjesë e natyrshme e sistemit arsimor kombëtar. Veprimtaria koordinohet nga Qendra e Studimeve Interdisciplinare dhe e Inovacioneve në Arsimin Joformal pranë Universitetit të Sofjes “Shën Klimenti i Ohrid”. Ideja është të mbështeten personalitete dhe projekte, të cilët prezantojnë arritjet e shpirtit popullor.

Më shumë hollësi për koncertin sjell Marek Djakovi: “Klasa e mjeshtërve për rilindës” organizohet në partneritet me Pallatin Kombëtar të Fëmijëve në Sofje. Është një nder i madh për mua ftesa të prezantoj veprat e mia prej autori. Në program ka kompozime të krijuara mbi bazë folklorike. Në fakt ky është në thelbin e kësaj nisme – të prezantohen autorë, që ruajnë traditat bullgare. Ndër pjesëmarrësit janë disa grupe dhe interpretues, me të cilën bashkëpunoj prej vitesh. Ata janë fëmijët e Ansamblit të Vallëzimit “Bëdniçe” pranë Pallatit të Fëmijëve, Ansambli i Vallëzimit “Bëllgarani”, këngëtarja popullore Ivelina Dimova e të tjerë. Si autor punoj me grupe të ndryshme. Jam drejtues i Ansamblit më të vjetër folklorik në vend “Goce Dellçev”. Në fund të muajit maj do të shënojmë përvjetorin e 70-të të themelimit të tij.”

Biografia e kompozitorit Marek Djakov ka të bëjë plotësisht me artin folklorik. Ai lindi në Bullgarinë Jugperëndimore, por riti në qytetin piktoresk danubian Silistra të Bullgarisë Verilindore. Filloi si valltar në Ansamblin “Dobruxha” të qytetit Dobriç. Dalëngadalë mësoi t’i bie fizarmonikës. Ka dhënë shumë koncerte. Është themelues i shkollës së fizarmonikës në Pallatin Kombëtar të Fëmijëve. Mbaroi Universitetin e qytetit Veliko Tërnovo. Vite me radhë punonte jashtë shtetit. Gjatë kësaj periudhe formoi Korin “Rodoljubec” në Moldavi. Me këtë kor ai ka fituar shumë çmime të konkurseve dhe festivale ndërkombëtare.

Përgatiti në shqip: Svetllana Dimitrova



Последвайте ни и в Google News Showcase, за да научите най-важното от деня!

Më shumë nga rubrika

Këngët e Kiçka Savovës mbledhin të rinj të talentuar në një master klasë në Plovdiv

Më 9 nëntor, një nga sallat e Ansamblit Folklorik “Trakia” në qytetin e Plovdivit (Bullgaria Jugore) do të mbledhë talentë të rinj për master klasën tradicionale “Me këngët e Kiçka Savovës”. Ngjarja organizohet nga fondacioni “Kiçka Savova”, kryetare e të..

botuar më 24-11-08 1.10.MD

Iskrena Jordanova – një muzikante e shquar që ia kushtoi zemrën muzikës barok

Violinistja Iskrena Jordanova prej tridhjetë vitesh jeton në Lisbonë. Gjithçka që ajo bën si muzikante është e lidhur me muzikën barok. Një pjesë të madhe të kohës ia kushton zbulimit të dorëshkrimeve të lashta, të cilave u jep jetë me ansamblin e saj..

botuar më 24-11-06 7.50.PD

Një koncert i daulleve japoneze tajko do të kënaqë dashamirësit e muzikës në Sofje

Dashamirët e muzikës japoneze mund të shijojnë një koncert me daulle tradicionale japoneze tajko në ekzekutim të grupit Wadaiko-Sai - Japoni. Koncerti mbahet në kuadrin e Ditëve të Kulturës Japoneze në vendin tonë. Daullet Tajko kanë një histori..

botuar më 24-11-05 9.10.PD