Komisioni Evropian propozoi planin e pranimit të refugjatëve në bazë të një skeme kuotash prej 20 mijë vendeve. Deri në fund të muajit maj Komisioni do të ketë ide si t’i shpërndajë refugjatët, kërkesat e të cilëve për qëndrim tashmë janë miratuar. Dhe deri në fund të vitit do të bëhet e qartë si do të shpërndahen refugjatët në situata të jashtëzakonshme kur fluksi i azilkërkuesve është i madh. Disa vende e refuzuan këtë plan të Komisionit Evropian, por disa të tjera e përgëzuan, përfshi Bullgaria.
Që muajin tetor të vitit të kaluar deputetët bullgarë në Parlamentin Evropian propozuan aplikimin e një skeme kuotash, ashtu që përgjegjësia e pranimit të refugjatëve të jetë reciproke. Dhe kjo skemë të marrë parasysh gjendjen ekonomike të vendit ku po hyjnë azilkërkuesit. Në fillim të këtij viti qeveria bullgare në krye me Bojko Borisovin e përqafoi tërësisht këtë ide. Në atë moment, kapaciteti i qendrave bullgare të vendosjes së azilkërkuesve ishte mbushur 61 për qind. Ndërkohë, disa vende si Gjermania, Austria dhe Hungaria synonin t’ia kthejnë refugjatët Bullgarisë pasi ajo ishte vendi i parë i BE-së ku ata ishin regjistruar.
Tani Komisioni Evropian parashikon dy skema të rishpërndarjes së azilkërkuesve – “zhvendosje” dhe “ripopullim”. Në Bullgari do të ketë kuota prej 1.25 për qindësh dhe respektivisht prej 1.08 për qindësh. Për Bullgarinë është me rëndësi jo vetëm të reduktohet numri i azilkërkuesve, por dhe vendet e tjera të BE-së të ngarkohen me çështjen e pranimit të tyre. Do të shpërndahen ata refugjatë të cilët kanë nevojë për mbrojtje ndërkombëtare në Evropë. Kjo është në favor të Bullgarisë, sepse vendi ynë do të ketë të drejtë ta refuzojë refugjatët të cilët kërkojnë azil jo për shkak të mbijetesës së vet, por për shkaqe ekonomike.
Paralelisht me planin e ri të pranimit të refugjatëve, Komisioni Evropian propozon dhe një politikë të re për migracionin e ligjshëm. Pra, do të modernizohet “karta blu” për imigrantët ekonomikë me arsim të lartë, e cila “kartë blu” rregullon qëndrimin dhe punën e tyre në BE. Kjo gjithashtu është në interes të Bullgarisë, meqenëse në vend mungojnë specialistë në disa fusha.
Plani i pranimit të refugjatëve në bazë të një skeme kuotash do të jetë në asistencë të Bullgarisë kur ajo përballet me fluksin e azilkërkuesve. Deri tani, Bullgaria, duke qenë vendi më i varfër i BE-së, kishte shumë vështirësi në trajtimin e problemeve lidhur me refugjatët. Ja pse Sofja përgëzon aplikimin e këtij plani.
Përgatiti në shqip: Anna Kapitanova
Kreu i shtetit Rumen Radev bëri thirrje për veprime konkrete të menjëhershme nga qeveria bullgare dhe institucionet evropiane për respektimin e parimeve evropiane për zgjerimin e Bashkimit Evropian. “Qeveria e re në shtetin tonë fqinj ka treguar..
Festa e Frymës së Shenjtë në Bullgari shënohet edhe si Dita e Maqedonisë. Tradita filloi pas Kryengritjes së Ilindenit të vitit 1903, pasi fillimisht ishte Dita e Luftës për Maqedoninë dhe Edrenenë, dhe pas Luftës së Parë Botërore u bë "Dita e..
Kryebashkiaku i Stambollit kritikoi marrëveshjen për emigrantët mes Turqisë dhe BE-së Kryetari i bashkisë së Stambollit dhe një kundërshtar i presidentit Erdogan, Ekrem Imamoglu, kritikoi ashpër marrëveshjen e vitit 2016 midis..
Serbia raporton rënie të emigrantëve dhe mbyll disa qendra të refugjatëve Komisionerja për Refugjatët dhe Migrimin e Serbisë, Natasha..