Virtuozi amerikan i organos prezantoi shoun e tij të parë në vendin tonë mbrëmë në sallën numër 1 të Pallatit Kombëtar të Kulturës në Sofje. E quajnë “djalin e keq të organos”, por flokët e tij në stilin “punk” dhe veshja ekstravagante nuk duhet të na mashtrojnë. Muzikanti i ri konsiderohet si një prej yjeve të reja në muzikën klasike jo vetëm për shkak të interpretimit të tij virtuoz, por edhe për këtë se arrin të tërheq vëmendjen e të rinjve ndaj një instrumenti, i cili sipas traditës tingëllon para së gjithësh në kishë. Që 4 vjeçar ka filluar t’i bjerë organos. Rrëfen, se ende nuk ka ditur të flasë, kur për herë të parë e ka përjetuar emocionin e rebelit, ndërsa instrumenti madhështor as pak nuk e ka trembur. Ja se çfarë tha ai në një intervistë për Radio Bullgarinë:
“Një gabim i madh është frika e organistëve nga përmasat e veglës së tyre muzikore. Për mua organoja është lidhur me racionalitetin dhe në këtë kuptim lidhja e saj me fenë mbetet anës. Ajo është një instrument, i krijuar nga shkenca, prandaj pritjet nga ekzekutimet e muzikës duhet të jenë në këtë drejtim. Me gjithë atë në kishë organoja gjithmonë është konsideruar si një ndërmjetës midis besimtarëve dhe Zotit.”
A e ndjen veten si blasfemist duke interpretuar muzikën e tij i veshur si një yll roku?
“Që të ketë blasfemi, unë duhet të jem besimtar – përgjigjet muzikanti. Përveç kësaj organoja nuk është lidhur aq ngushtë me kishën, se sa me çështjen ushtarake. Ajo e ka rrënjët në Greqinë e lashtë, ku është përdorur si instrument për sinjalizime në distanca të gjata. Pas kësaj prejardhja e saj është manipuluar si instrument kishtar. E vërteta është se është përdorur në Heladën dhe luftërat që janë zhvilluar në atë kohë.”
Cameron Carpenter ka mbaruar “Juilliard School” në Nju Jork, por shpirti i tij i paqetë e detyroj që të mos pranojë mënyrën në të cilën jepen mësimet në konservator dhe në kishë për organon. Dhe shpjegon se asnjë organist nga e kaluara dhe e tanishmja nuk ka pasur guximin të zgjerojë kufijtë e këtij instrumenti.
“Ka gjëra që nuk do të bëja. Në fakt jam shumë konservator në drejtim të artit, me gjithë se kjo nuk duket nga pamja ime e jashtme. Nuk më pëlqen shumë muzika e sotme. Prandaj në koncertet e mia i kushtoj një vëmendje të veçantë melodisë dhe jo teknikave avangarde dhe moderne.” Muzikanti na tregoi se personalisht dhe me financa ka ndihmuar për konstruimin e organos me të cilën jep koncerte – ajo është digjitale dhe e lëvizshme, me sistem të teknologjisë së lartë të tingëllimit.
Publiku i entuziazmuar në Sofje u kënaq me tingujt e këtij instrumenti, sepse ishte i privilegjuar nga fakti, se Bullgaria është i vetmi vend i Evropës Juglindore, i zgjedhur nga organisti origjinal për turneun e tij të sivjetshëm.
“Njeri prej shkaqeve është, se Bullgaria ka folklor shumë interesant. Për fat të keq, muzika folklorike nuk ka vend në repertorin e muzikës së organos. Por unë vet frymëzohem nga folklori, sidomos ai anglez, i cili ka ndikuar shumë mbi mënyrën e kompozimit dhe interpretimit tim. Bullgaria ka muzikë popullore shumë interesante, mund të thuhet se ajo është unike. Ato këngë që kam pasur mundësi të dëgjoi më kanë lënë përshtypje të fortë.”
Përgatiti në shqip: Sofia Popova
Për të pestin vit radhazi, Sofia Summer Fest - festivali veror i Sofjes - do të ofrojë përjetime të paharrueshme në kulmin e verës. Në Parkun e Jugut, në 30 ditët më të nxehta të sezonit, banorët dhe mysafirët e kryeqytetit do të kenë mundësinë të..
Në mes të verës së nxehtë, Ljubo Kirov nuk ndalet së krijuari. Menjëherë pas premierës së albumit të tij "Zemra e re" dhe shfaqjes së koncertit të tij në platformën HBO Max, këngëtari nisi turneun e tij kombëtar nën moton “Zemra e re 2024”. Këngëtari..
Më shumë se 40 vjet më parë, një këngë u bë simbol i miqësisë. Por edhe sot ajo na sjell ngrohtësinë e emocioneve pozitive - të qeshurat, gëzimi, lumturia... "Miq" është një nga hitet e para të formacionit vokal Tonika SV - u zgjodh si kënga e..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë..