Filloi edicioni i dytë i Festivalit Veror “Nën qiellin e hapur të Sofjes”, që organizohet nga Radioja Kombëtare Bullgare. Tre ditë me radhë nga 16 deri më 18 qershor orkestrat e medias kombëtare ftojnë banorët e kryeqytetit në koncertet e tyre të organizuara në hapësirën para Teatrit Kombëtar “Ivan Vazov”. Prapë adhuruesit e muzikës do të kenë mundësi t’u kënaqen tri gjinive muzikore – folklorit, xhazit dhe muzikës simfonike. Orkestra e Muzikës Popullore e hapi festivalin. Dirigjenti Dimitër Hristov zgjodhi pjesët më të mira nga repertori i këtij formacioni të përbërë nga virtuozë. Miq special të programit ishin këngëtaret Neli Andreeva dhe Borjana Vasileva si dhe duoja Hristina Beleva – lahutë dhe Petër Millanov – kitarë.

Dirigjenti i Big Bendit të Radios Kombëtare Bullgare Antoni Donçev për koncertin tha: “Jemi shumë të kënaqur se do të japim një koncert me njërin nga saksofonistët më të mëdhenj të botës. Disa prej këngëve të tij prej autori u aranzhuan posaçërisht për koncertin. Në bendin tonë do të përfshihet edhe Pllamen Karadonevi, i cili para kohe ishte pianist në të. Pas kësaj ai nisi për në SHBA-në, ku jeton dhe punon prej 15 vitesh.”

Festivali treditor “Nën qiellin e hapur të Sofjes” do të përfundojë me një koncert të Orkestrës Simfonike të Radios Kombëtare Bullgare. Dirigjent do të jetë Grigor Palikarov. Solistët janë muzikantë të talentuar nga orkestra të ndryshme, si për shembull Galina Kojçeva – Mirçeva – violinë, Javor Zhelev – flaute dhe Danço Radevski – klarinetë.

Përgatiti në shqip: Svetllana Dimitrova