Për periudhën e ardhshme programore (2014-2020) Bullgaria do të mund të përdorë para nga shtatë programe operative me vlerë të përbashkët rreth 7,6 mlrd. euro. Këtë e tha para gazetarëve komisionerja evropiane e politikës rajonale Korina Krecu, e cila ishte në një vizitë tek ne me ftesë të kryeministrit Bojko Borisov. Investimet do të drejtohen tek fusha kyçe, ku do të krijohen vende të reja pune, do të zhvillohen inovacionet, do të inkurajohen të rinjtë dhe do të ndërtohet e ardhmja e shtetit, saktësoi Krecu.
“Jam e impresionur nga puna e qeverisë bullgare në lidhje me periudhën programore 2007-2013, që po përfundon – tha komisionerja evropiane Krecu. – Bullgaria tashmë ka përvetësuar më se 76% të mjeteve të miratuara, duke pasur parasysh se para gjashtë muajve niveli i absorbimit ishte rreth 60%.”
Nga ana e vet kryeministri Bojko Borisov nënvizoi se tashmë janë miratuar dy programet e fundit operative për Bullgarinë për periudhën 2014-2020 – “Mjedisi” dhe “Rajonet në rritje”. Vlera e tyre e përbashkët është 2,8 mlrd euro. Sipas kryeministrit niveli i përvetësimit të mjeteve financiare gjatë muajve të fundit mund të pranohet si sukses:
“Besoj se deri në fundin e vitit do të kemi përvetësim 90-92% të parave në kuadrin e periudhës së mëparshme programore, sepse punojmë në mënyrë strikte. Do të bëjmë gjithçka të mundshme dhe këto para do të hyjnë në ekonominë tonë – në projekte të mëdha infrastrukturore, në ekologji.” – premtoi Borisovi.
Korina Krecu përshëndeti qeverinë për këtë se janë evituar korrigjime financiare për 250 mln euro dhe kjo sipas fjalëve të saj do të thotë se kjo shumë është përdorur për mbështetjen e biznesit bullgar dhe të rajoneve fshatare. Komisionerja Evropiane Krecu kujtoi gjithashtu se deri në fundin e periudhës programore mbeten akoma 1 mlrd e 800 mijë euro, të cilat Bullgaria duhet t’i përvetësojë.
Pyetjes a do të vazhdohen projektet, të cilat nuk do të përfundojnë gjatë këtij viti, ajo i përgjigj se sipas rregullores së re të gjitha shtetet duhet të përfundojnë projektet e tyre gjatë dhjetorit të vitit 2015. Mirëpo ajo nuk përjashtoi mundësinë për transferimin e projekteve të papërfunduara drejt periudhës së ardhshme programore. Deri në fundin e këtij viti Bullgaria duhet të përfundojë punë për projekte në kuadrin e programeve operative “Transporti”, “Zhvillimi rajonal”, “Mjedisi” etj.
Përgatiti në shqip: Jordanka Ivanova
Paga minimale nga viti 2025 duhet të jetë 1080 leva (542 euro), tha Ljubosllav Kostov, kryeekonomist i Konfederatës së Sindikatave të Pavarura në Bullgari. Ai mori pjesë në konferencën "Direktiva evropiane për pagën minimale: mundësitë për sindikatat..
Bordi Drejtues i Bankës Kombëtare Bullgare (BNB) urdhëroi bankat në vend që të aplikojnë një grup minimal prej 6 treguesish për monitorimin e standardeve të kredisë gjatë dhënies dhe rinegocimit të kredive siguruar me pasuri të paluajtshme banesore...
Që nga viti 2007, kur Bullgaria hyri në BE, të ardhurat reale në vend u rritën më shumë se 3 herë. Fuqia blerëse u rrit me 20%. Në vitin 2006, interesi i kredive hipotekare në vend ishte 8%, tani është 2.8%. Për 17 vjet, Bullgaria kontribuoi 9,056..
Pa diskutime dhe debate, parlamenti më në fund miratoi Ligjin për vënien e euros në qarkullim në Bullgari. Ligji u mbështet nga 167 deputetë nga GERB,..