Këtë javë Presidenti i Bullgarisë Rosen Plevneliev bëri vizitë në Gjeorgji. 15 vitet e fundit kjo ishte vizita e parë e kreut të shtetit bullgar në Gjeorgji. Mesazhet e ndara gjatë vizitës treguan se përkrahja e Bullgarisë për integrimin evropian dhe euroatlantik të këtij vendi kaukazian nuk ka ndryshuar pavarësisht ndërrimin e pushtetit në Sofje.
Në takimin që pati Presidenti Plevneliev me homologun e tij gjeorgjian Giorgi Margvelashvili, u shpreh kategorikisht përkrahja e sovranitetit dhe integritetit territorial të Gjeorgjisë nga pala bullgare. “Bullgaria nuk i njoh marrëveshjet mes Federatës Ruse, Abhazisë dhe Osetisë Jugore, të cilat marrëveshje i pengojnë përpjekjet ndërkombëtare për stabilizimin e rajonit”, ka deklaruar presidenti bullgar. Për sa u përket këtyre marrëveshjeve, në fillim të këtij viti MPJ-ja shpalli se ato shkelin sovranitetin dhe integritetin territorial të Gjeorgjisë dhe kujtoi se Bullgaria nuk i ka njohur formimet e reja shtetërore atje, të cilat janë rezultat i zgjedhjeve të zhvilluara. Përkrahjen kategorike për sovranitetin e Gjeorgjisë Bullgaria vazhdimisht e shpreh që nga viti 2008. Dhe kjo përkrahje deklarohet jo vetëm në raportet dypalëshe, por dhe në Grupin e ri të Miqësisë së Gjeorgjisë. Ky grup është krijuar që para ngjarjeve të cilat çuan në konfliktin e armatosur mes Rusisë dhe Gjeorgjisë. Kur Moska ndërpriti operacionin ushtarak në Gjeorgji, Kryeministri i atëhershëm i Bullgarisë, Sergej Stanishev përshëndeti këtë vendim dhe bëri propozim që zgjidhja e konfliktit të bëhet përmes dialogut politik me ndërmjetësinë e BE-së, dhe i cili dialog të mbahet në Sofje.
Përkrahja e Bullgarisë në rrugën që bën Gjeorgji drejt BE-së dhe NATO-s u shpreh këtë javë në kryeqytetin gjeorgjian Tbilisi. Presidenti Plevneliev e vazhdoi politikën e ish-qeverisë së Pllamen Oresharski. Në vitin 2014 në seancën e Komisionit NATO-Gjeorgji, ish-Ministri i Punëve të Jashtme, Kristian Vigenin, përqafoi obligimin e qeverisë gjeorgjiane për integrimin në NATO dhe po ashtu Marrëveshjen e Stabilizim-Asociimit me BE-në.
Fjala e mbajtur nga Presidenti i Gjeorgjisë, Giorgi Margvelashvili gjithashtu dëshmon se Bullgaria nuk ka ndryshuar pozitën e saj përkrahëse. Presidenti gjeorgjian e vlerësoi atë “të qëndrueshme dhe sistematike”. Sot Sofja dhe Tbilisi presin forcim të raporteve dypalëshe si në fushën e politikës, ashtu dhe në atë të ekonomisë.
Përgatiti në shqip: Anna Kapitanova
Maqedonia e Veriut nuk ka politika të qëndrueshme ndaj fqinjëve të saj, tha Ali Ahmeti në mbledhjen e Këshillit të Përgjithshëm të Bashkimit Demokratik për Integrim, transmeton BTA. Kryetari i partisë më të madhe shqiptare, Ali Ahmeti, theksoi, se..
Qëllimi i parë dhe më i rëndësishëm është miratimi i një buxheti. Synimi i dytë është Plani i Rimëkëmbjes dhe Qëndrueshmërisë. Eurozona është një çështje politike dhe nëse ka një qeveri, ne mund ta lëvizim atë. Pas kësaj, ne mund të shkojmë me..
Shkupi pretendon se Bullgaria nuk ka një projekt për lidhje hekurudhore përgjatë Korridorit nr.8 Ndërtimi i linjës hekurudhore nga Kriva Pal в anka deri në Bullgari përgjatë Korridorit nr. 8 mund të humbasë financimin nga BE-ja për shkak..
Serbia raporton rënie të emigrantëve dhe mbyll disa qendra të refugjatëve Komisionerja për Refugjatët dhe Migrimin e Serbisë, Natasha..