Nga fundi i qershorit deri në fillim të korrikut kryeqyteti i Sofjes priti “rrugët e Londrës”. Projekti muzikor “Sofia welcomes the streets of London” solli në vend 11 muzikantë rrugorë. Mendohet dendur se pikërisht Londra është qendra e artistëve rrugorë. Në nëntë vende të njohura të Sofjes brenda nëntë ditëve publiku bullgar u fut në atmosferën e muzikës rrugore londoneze.
Ky projekt staroi falë një marke alkooli që prodhohet në Londër dhe po ashtu falë tre skautëve bullgarë Naso Ruskov, Ivan Haxhivelikov dhe Ilian Ruzhin. I pari ka bërë studime në degën e gjuhës angleze në Britaninë e Madhe dhe gjatë asaj kohe ka interpretuar në klubet aty, përfshi në sallën legjendare Academy Brixton. Ndërsa dy të tjerët janë prezantues të shous “Falshimento” të programit “Binar” të Radios Kombëtare Bullgare, ku transmetojnë muzikë indie që nuk mund të dëgjohet në radio tjetër.
“Quhem Drew Levi dhe merrem me muzikë gati 10 vjet, rrëfen njëri nga të ftuarit muzikantë rrugorë. – Kur isha në moshën 15 vjeçare fillova të shkruaja këngë autoriale. U bashkohem festivaleve dhe spektakleve të ndryshme, njërit prej të cilëve është i mirënjohuri “”Billy Elliot”. Krahas Londrës jap koncerte dhe në shumë vende të huaja.”
Drew Levi e ka mësuar vetë pianon. Është fans i madh i Elton John-it.
“Sofja më pëlqeu jashtëzakonisht shumë. Gëzohem se mbërrita në kryeqytetin bullgar, thotë Drew. – Të gjithë janë shumë të dashur dhe mikpritës. Megjithë paragjykimeve paraprake që pata, më vjen mirë se njerëzit këtu arritën të ndiejnë ritmin e muzikës sime.”
Sophie DeBattista është muzikantja tjetër rrugore, e cila ishte ftuar në Sofje. Ajo e ka filluar karrierën e saj pasi që ka fituar konkursin e muzikantëve rrugorë, të organizuar nga kryebashkiaku i Londrës. Sophie interpreton këngë autoriale nëpër rrugët prej dy vjetësh.
“I bie kitarës, kompozoj muzikë dhe e interpretojë atë nëpër rrugët e Londrës, dhe në festivale të ndryshme, shpjegon Sophie. – Kam mbaruar universitet dhe u kam bjerë instrumenteve të ndryshme. Mirëpo, konstatova se tingulli i kitarës më së miri kombinohet me zërin tim. Ndonjëherë luajë në piano dhe bateri. Por jam pasionuar pas kitarës.”
Dhe Sophie ka mbetur me përshtypje të mira nga kryeqyteti bullgar. Është e kënaqur se si u prit nga publiku bullgar. Për mendimin e saj interpretimi nëpër rrugët e Londrës ndryshon ndjeshëm nga ai në Sofje.
“Njerëzit në Londër sikur nuk na kushtojnë aq shumë vëmendje sa bullgarët. Ky është dallimi më i madh, thotë Sophie. – Në rrugë mund të ndodhë e paparashikueshmja. Kjo gjë më pëlqen shumë. Nëpër rrugët, duke interpretuar, e ndiej dashurinë e njerëzve”.
Përgatiti në shqip: Anna Kapitanova
Nxënësit bullgarë fituan pesë medalje - një të argjendtë dhe katër të bronzta - në Olimpiadën Ndërkombëtare të Fizikës në qytetin Isfahan, Iran. Në garë morën pjesë 198 pjesëmarrës nga ekipe nga 46 vende. Medaljen e argjendtë e fitoi Bajan Geçev..
Shoqata "BG Ji Aktiv" (BG Бъди активен) fton organizatat joqeveritare, klubet sportive dhe institucionet arsimore për të inkurajuar organizimin e veprimtarive të pastrimit dhe bisedave edukative në lidhje me fushatën "JO plehërishtave ilegale", me..
Ditët e fundit, nga 19 deri më 25 Korrik, ishin më të bukurat për pjesëmarrësit në Shkollën Verore të Gjuhës dhe Kulturës Bullgare . Ato ishin të mbushura plot me emocione që do të ngelen në memorien e tyre për një kohë të gjatë. U mbyll me..