Programi i ditës

Radioja Kombëtare Bullgare © 2021 Të gjitha të drejtat janë të rezervuara

Talente të reja zbulojnë bukurinë e folklorit bullgar

{ include file="./partials/authors.html" } БНР Новини
Foto: nufi-kotel.com

Në shikim të parë nxënësit e Shkollës Kombëtare të Arteve Folklorike “Filip Kutev” në qytetin Kotell nuk dallohen me asgjë nga moshatarët e tyre – me krehje moderne të flokëve, të gëzuar dhe të qeshur, të zhurmshëm... Mirëpo, ndryshe nga moshatarët e tyre ata kanë zgjedhur t’i kushtohen folklorit bullgar. Për ta ai është një ëndërr i realizuar, profesion, e ardhmja, lavdi kombëtare dhe botërore...












Më shumë hollësi për shkollën mësojmë nga krye mësuesja Sashka Çenkova. Për Radio Bullgarinë ajo tregon: “Shkolla Muzikore në Kotell përbën një familje të madhe. Kështu shpesh herë e caktojmë, sepse nxënësit në një periudhë të gjatë brenda vitit jetojnë, krijojnë, punojnë, mësojnë në godinën shkollore dhe në konviktin pranë shkollës. Kështu folklori bëhet pjesë e mënyrës së tyre të jetesës. Shkolla, që formon ato talente është kombëtare. Këtu arsimin e mesëm e mbaroi edhe muzikanti me famë botërore Teodosij Spasov. Shkollua u themelua në vitin 1967. Në fillim pranoheshin nxënës vetëm në degën e veglave popullore. Më vonë u krijua edhe specialiteti këndim popullor. Para nja 20 vitesh në shkollë u pranuan nxënësit e parë në specialitetin valle popullore bullgare. Në shkollë nxënësit përvetësojnë veglat muzikore fyell, tambura, lahutë, gajde. Mirëpo në një moment u duk se ka domosdoshmëri, që ndonjëri të bëjë veglat tona muzikore. Ja përse vendosëm të formojmë dhe një klasë të mjeshtërve të veglave muzikore. Shumë të rëndësishme janë mësimet si praktike, ashtu edhe teorike. Nxënësit tanë përvetësojnë të gjitha lëndët e përgjithshme mësimore, të gjitha disiplinat muzikore dhe teorike ashtu siç e bëjnë këtë në të gjitha shkollat e specializuara muzikore. Ata grumbullojnë shumë dituri në fushën e muzikës. Dhe të gjitha lëndët i mësojnë në detaje. Ja përse pas mbarimit të shkollës mund të punojnë si udhëheqës muzikor.”

E pyetëm nxënësen e klasës së 11-të Kalina Kostadinova, cila është krahina folklorike e preferuar prej saj.

“Më pëlqejnë të gjithë, sepse ky është folklori ynë, folklori bullgar. Secila prej tyre ka veçoritë e veta dhe bukurinë e vet. Personalisht unë preferojkrahinënfolklorike të malit Rodopa, megjithëqë vet unë jam nga Carevo, qytet ky i cili bije në krahinën folklorike të malit Stranxha. Që kur jam e vogla këndoj. Dhe si një gjë e natyrshme te unë lindi dëshira të mësoj në Shkollën Kombëtare të Arteve Folklorike “Filip Kutev” në qytetin Kotell. Për këtë fillova të përgatitem dy vjet para se të hyjë në klasën e shtatë. Dëshiroj t’u them të gjithëve, të cilët merren me muzikë, që të interpretojnë këngët popullore nga gjithë zemra, me dashuri dhe të japin gjithçka nga vete, që ta rikrijojnë në mënyrën më të bukur.”

Si krijohet një këngë prej autori mbi bazë folklorike na shpjegon Dimitër Ivanovi nga klasa e 11-të e shkollës.

“Me shumë punë dhe me shumë këmbëngulje nga ana ime. Fillova të kompozoj këngën time vitin e kaluar. Në këtë proces më ndihmonte mësuesja ime e këndimit Stefanka Georgieva. Unë jam nga fshati Asparuhovo, rrethi i qytetit Burgas. Gjyshi im gjithashtu interpreton këngë popullore dhe në sajë të tij unë e dashurova folklorin. Edhe motra ime mbaroi Shkollën Kombëtare të Arteve Folklorike “Filip Kutev” në qytetin Kotell. Në familjen time pothuajse të gjithë jemi muzikantë.”

Përgatiti në shqip: Svetllana Dimitrova

Më shumë nga rubrika

Folklori bullgar në Sevilla

Një koncert i grupeve folklorike bullgare dhe i solistëve është i përfshirë në programin shoqërues të  Festivalit të Kombeve (Festival de las Naciones) në Sevilla të Spanjës. Në vazhdim të pak më shumë se dy muajve (25.09-01.11) festivali paraqet..

botuar më 21-10-17 11.15.PD

Kostadin Mihajllov për albumin e tij të ri

Këngëtari i ri popullor Kostadin Mihajllov, i njohur me punën e tij kërkuese, incizoi albumin e tij të dytë me vete. Në të prezantohen 16 kryevepra folklorike të realizuara prej tij në krahinën e tij të lindjes malin Stranxha, dhe më saktë në..

botuar më 21-10-16 2.15.MD

Ansambli folklorik “Dikani” shënoi dekadën e tij të parë

Koncerte të shumta, çmime prestigjioze, mijëra kilometra të kaluara për shfaqje brenda dhe jashtë vendit, dhe ndoshta më e rëndësishmja - një pasuri e madhe e këngëve popullore autentike dhe një koleksion kostumesh të lashta popullore... Ky është..

botuar më 21-09-23 11.56.PD