“Ky është kaver versioni i këngës së parë të krijuar për grupin “Te” (“Ata”) nga Jasen Vellçevi dhe Ljubo Kirovi në vet fillimin e grupit – rrëfen këngëtarja. Më pëlqen shumë kjo baladë. Ajo nuk është e popullarizuar nga djemtë dhe nuk është incizuar si single nga koha që kam filluar punë me ta, unë e kam përfshirë në repertorin tim. Gëzohem, se më në fund arrita ta incizoja.”
Vitin e kaluar këngëtarja realizoi hitin e saj veror “Njerëz të natës”. Ajo tërhoqi vëmendjen e DJ-ve të huaj, ata vazhdojnë të krijojnë versione të saj për klubet dhe i përhapin në Evropë. Ndërkohë ajo realizoi këngën e dytë për labelin britanik, me të cilin punon. “The one” është remiks i këngës “Ndoshta unë”, e interpreton bashkë me koleget e saj të grupit “Te”. Në kulmin e verës Presllava Pejçeva bëhet pjesë e iniciativës së “Shtëpisë muzikore të BNR” – “FSB për të tjerët”. Më shumë mësojmë nga vetë këngëtarja:
“Jam shumë e lumtur, se marr pjesë në këtë projekt, në të cilin muzikantët e Formacionit “Studio Ballkanton” do të bëjnë nga një këngë për interpretuesit e tjerë. Dua t’i falënderoj Rumen Bojaxhievit dhe Daniella Kuzmanovës, sepse tashmë kam demo versionin e këngës së krijuar për mua. U realizua ëndrra ime, sepse grupi FSB është “numër një” në muzikën bullgare, prej të cilit të gjithë frymëzohemi. Shpresoj brenda një muaji të jetë gati audio. Mendoj, se do të ishte mirë që pranë këngës të xhirojmë dhe videoklip.”
“Paraqitja në të ia detyroj motrës sime – kujton ajo. – Nuk besoja fare, se niveli do të ishte si ai në formatet botërore. I premtova pedagoges sime vokale Milena Peeva, se do të provoj pa shumë pritje serioze. Gjatë pjesëmarrjes kuptova, se më ofrohet mundësia të vendos kontakte të çmueshme me njerëz të rëndësishëm. Jam e lumtur, se u bë kështu. Kur krijosh miqësitë e nevojshme dhe zbulosh njerëzit, me të cilët jeni të “një grupi gjaku”, gjërat arrihen më lehtë. Në të vërtetë formatet muzikore “reality” japin një start të fuqishëm në fillim. Për fat të keq, nuk është e mundur që të gjithë interpretuesit të ruajnë popullaritetin e fituar në të dhe të vazhdojnë të zhvillohen. Deri në fund të transmetimit e mbajta në sekret, se kisha tre propozime për nënshkrimin e kontratës. Duhej të mendoja mirë si të vazhdojë më tutje.”
Një prej këtyre propozimeve erdhi nga producenti dhe menaxheri i grupit “Te” i cili ishte i pranishëm në koncertet e “Muzikë idol”.
Bashkë me kolegët e grupit Presllava është pjesë e ekipit të të dy edicioneve të ardhshme të show-s muzikore. Çfarë përbën ajo për të rinjtë në botën e show biznesit.
“Shumica prej tyre deklarojnë në vend të parë se dëshirojnë të bëhen të njohur. Nga njëra anë kjo është normale, duke pasure parasysh moshën e re të pjesëmarrësve. Nga ana tjetër – ata duhet të ndërgjegjësohen, se është gabim të fillosh pjesëmarrjen në një projekt të tillë me dëshirë të tillë, sepse kthimi në realitet pas euforisë së show-s është e dhimbshme. Që të ruash vend në hapësirën publike dhe të bësh një karrierë muzikore kërkohen shumë mundime dhe kompromise. Artistët e rinj duhet të arrijnë të zbulojnë stilin e vet. Nëse vetëm imitosh, popullariteti yt do të ketë jetë të shkurtër. Këngëtarët e rinj kanë nevojë për këshilla të tilla, por në formatet muzikore nuk ka kush t’u japë, sepse këto formate janë menduar ashtu që t’u sjellin fitime krijuesve të tyre.”
Përgatiti në shqip: Sofia Popova
Orkestra e Muzikës Popullore e Radios Kombëtare Bullgare (BNR) me dirigjent Dimitër Hristov mbyll sezonin sonte /20 qershor/ me një koncert në të cilin do të tingëllojnë vetëm titujt premierë. Programi përfshin 17 pjesë të reja dhe aranzhime..
Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në..
Në ditët para festës së madhe të krishterë të Rrëshajave, tempulli "Shën Sofja - Urtësia e Zotit" pret edicionin e parë të Festivalit të Muzikës Shpirtërore Korale "Trisvjatuju pesn" ("Трисвятую песнь") nga 19 deri më 23 qershor. Organizatorë janë..
Atazar (shqiptohet АтазАр), Kris V (shqiptohet Kris Vi) dhe këngëtarja Aleksandra Ivanova prezantuan këngën e tyre të përbashkët "Mbetu" me një video..
Muzika magjike e grupit “Tеrpentina” na emocionon gjithnjë e më shumë kohët e fundit, sidomos pas albumit debutues “Nostalgji”.Ai përmban dhjetë këngë..