Bashkia e Kryeqytetit do të inkurajojë investimet dhe do të ndihmojë biznesin e vogël dhe të mesëm nëpërmjet hapjes së një agjencie të specializuar. Pritet që ajo të krijohet deri në mesin e vitit të ardhshëm, ndërsa qëllimi është që kompanitë me synime për investime në Sofje të marrin nga një vend tërë informacionin që i intereson. Shërbimet kryesore që do të ofrojë agjencia janë veprimtari të ndryshme konsulente, si dhe dhënie e certifikatës për investime me rëndësi vendase të “klasës B”.
Sipas përfaqësuesve të biznesit vendas në Sofje prej kohe ekziston nevoja për inkurajimin e investimeve. Në raportin e fundit të Fondacionit “Bloomberg” Sofja është vlerësuar si qyteti evropian i cili për një periudhë prej 10 vjetësh (nga viti 2003 deri në vitin 2013) ka rritje më të shpejtë të PBB për frymë të popullsisë. Përveç kësaj, sipas të dhënave të Bashkisë, Sofja ka papunësinë më të vogël ndër qytetet e tjera bullgare – 3% për janarin e këtij viti në sfondin e nivelit mesatar për vendin prej 11,1%.
“Parashikojmë të mos bëjmë strukturë të re administrative, por të përdorim strukturën që ekziston prej afro 20 vjetësh – Agjencia e Privatizimit dhe Kontrollit pas Privatizimit, veprimtaria e së cilës për arsye të kuptueshme ka rënë gjatë viteve të fundit – thotë Vanja Çillova, e cila do të kryesojë dikasterin e ri të specializuar. – Qëllimi ynë kryesor është të tërheqim investime nga jashtë, por edhe të prezantojmë Sofjen si një destinacion atraktiv. Ideja për një agjencie të tillë ekziston prej 4 vjetësh. Realizuam një vizitë shumë të suksesshme në Gjermani, ku pamë se shumica e bashkive kanë agjenci të tilla të ngjashme për investime dhe bashkëpunim ekonomik. Dëshirojmë të bëjmë një gjë të tillë edhe për Sofjen. Qëllimi është jo të rritim tatimet, por të synojmë të sigurojmë më shumë investime në qytetin tonë. Deri tani asnjë bashki në vendin tonë nuk ka përfituar nga mundësia e ofruar nga Ligji për nxitjen e investimeve. Shpresoj, se shumë shpejtë Sofja do të fillojë të lëshojë certifikatë investitorëve me rëndësi lokale. Në ligj është parashkruar shuma, të cilën investitori duhet të investojë për ta marrë certifikatën përkatëse. Ajo duhet të jetë së paku 1 mln euro. Po përgatitim rregullore ku do të caktojmë sa vende të punës duhet të krijojë investitori në qytetin tonë dhe sa vite duhet ti mirëmbajë për të marrë certifikatën si investitor i Sofjes.”
Parashikohet ndërtimi i një zyre që do të ofrojë shërbimet e agjencisë. Vendi i saj do të jetë në vetë qendrën e kryeqytetit, pranë Universitetit të Sofjes. “Duhet të bëjmë çmos për tërheqjen e investimeve të huaja në Bullgari, për kthimin e besimit të investitorëve të huaj, për të krijuar më shumë vende të punës – është kategorike Vanja Çillova. – Do të fillojmë punë pas 25 tetorit të këtij viti, atëherë do të kemi Këshillin e ri Bashkiak. Kemi në plan të ftojmë specialistë nga Agjencia Bullgare e Investimeve, ata kanë përvojë të madhe me investitorët e mëdhenj, pas kësaj brenda një-dy muajve do të ristrukturohet Agjencia e Privatizimit në kryeqytet. Do të lëshojmë certifikata për investitorë. Do të ftohen biznes asociacione të japin mendimin e tyre dhe sipas vlerësimit të tyre do të specifikohen kriteret për lëshimin e biznes-certifikatave përkatëse.”
Përgatiti në shqip: Sofia Popova
Për gjysmën e parë të vitit 2024, paratë për kreditë e shpejta janë mbi 3 miliardë euro (6.017 miliardë leva), sipas Bankës Kombëtare Bullgare (BNB). Për krahasim, në fund të qershorit 2023, kreditë e shpejta të dhëna ishin 2.5 miliardë euro (4.926..
Në periudhën janar-prill 2024 eksporti ynë kryesor i djathit dhe gjizës ishte në Greqi (882 ton, ose një rënie prej -48.6% krahasuar me të njëjtën periudhë të vitit 2023), Mbretëria e Bashkuar (871 ton, ose një rritje prej 22.1%) dhe SHBA (844 ton,..
Në tremujorin e dytë të vitit 2024, paga mesatare mujore bruto në Bullgari u rrit me 4.5% krahasuar me tremujorin e parë të vitit 2024 dhe arriti në 2296 leva ose 1174 euro, sipas të dhënave të Institutit Kombëtar të Statistikave. Aktivitetet..
Nga 1 tetori, Banka Kombëtare Bullgare (BNB) shtrëngon kriteret për bankat për dhënien e kredive për banesa. Vendimi i Bankës Qendrore vjen pas një analize..