Supergrupi i ri “Legjendat” po përgatit një turne

botuar më 15-08-25 2.13.MD]

БНР Новини

Foto: “Legjendat”

Më 14 dhe 15 shtator qytetasit e Varnës dhe Burgasit do të mund të shikojnë formacionin “Legjendat”, i cili mblodhi në një skenë disa nga muzikantët më të njohur bullgar. Konstantin Markov dhe Stenli (nga grupi “Tangra”), Konstantin Cekov (FSB), Jordan Karaxhov (Sinjal), Dimitër Kërnev (D2) dhe Ljubo Kirov do të gëzojnë adhuruesit e vet me hite të paharrueshme dhe me shumë befasi muzikore. Ja se çfarë tregoi konstantin Markov, i cili është ndër themeluesit e grupit “Tangra”:

“Para më se një viti më erdhi në mend të bëja diçka të tillë. Fola për idenë time me Stenlin dhe me të filluam të mendonim cilët nga miqtë tanë muzikantë do të aderonin dhe do të ishin të përshtatshëm. Kështu lindi fomacioni “Legjendat”. Gjërat u bënë nga vetvetiu. Mitko Kërnev pranoi ftesën dhe nga ana e vet ftoi Ljubon. Ljubo zgjodhi Kosjo Cekovin dhe kështu banda u mblodh. Dëshirojmë të tregojmë katër dekada prej historisë së muzikës rok bullgare. Do të prezantojmë këngët më të preferuara të grupeve, prej të cilave vijmë dhe paralelisht punojmë edhe mbi kompozime të reja autorësh”.

Për këtë vit “Legjendat” planifikojnë gjashtë koncerte. Grupi i ri ishte prezantuar në dorëzimin e çmimeve të “BG Radio”-së dhe publiku e pranoi formacionin me interes. “Është e vërtetë se ne emocionohemi më shumë sesa publiku. Atëherë ne të gjashtët ishim për herë të parë në një skenë. Njerëzit na dhuruan shumë energji pozitive dhe vazhdojmë përpara me emocione pozitive” – tha Dimitër Kërnev dhe shtoi:

„Kishim një shembull të mirë me një sueprgrup tjetër – “Formacioni”. Para pak kohe u dëgjova me një nga anëtarët e këtij grupi - Kirill Mariçkov dhe organizuam një takim mes dy bandave. Ne jemi miq dhe kemi punuar së bashku shumë herë në konfiguracione të ndryshme. Nuk do të jetë e çuditshme po të bëjmë në të ardhmen ndonjë projekt bashkë me “Fondacionin”. Ideja ishte që grupi ynë të jetë i ndryshëm, për këtë arsye u përqendruam mbi këngët më të adhuruara në aranzhimet e tyre origjinale. Incizimet e shumica prej këtyre këngëve janë shumë cilësore, të bëra me teknikën, me të cilën muzikantët kanë disponuar në të kaluarën. “Legjendat” është një ide që lindi duke kërkuar origjinalin, por origjinalin e shikuar përmes prizmit të ndonjë këngëtari tjetër – kjo është karakteristike për formacionin tonë të ri.“

Ja se çfarë janë disa nga surprizat e përgatitura për turneun e “Legjendave”: Stenli do të këndojë hitet e grupit D2, Danço Karaxhov – ato të grupit TE. Ljubo Kirov përveç se do të interpretojë këngët e FCB-së, do të tregojë dhe aftësitë e veta mbas perkusioneve.

„Do të përpiqemi t’i ftojmë adhuruesit tanë në një udhëtim prapa në të kaluarën, kur ishin krijuar këto hite – tregoi Konstantin Markovi. Do të kujtojmë përsëri disa nga çastet e paharrueshme. Ata, të cilët atëherë nuk kanë qenë lindur do të kuptojnë se përtej horizontit ka edhe bota të tjera. Shumë njerëz mendojnë se “legjendat” jemi ne, por në fakt këto janë këngët, të cilët ne do t’i prezantojmë.“

Një spektakël multimedial, të përpunuar posaçërisht për këtë turne, do ta çojë publikun në atmosferën e hiteve si “Ushtari prej plumbi”. Kënga shfaqi në mes të viteve të 80-të të shekullit të kaluar dhe ne do të prezantojmë këtë kohë në mënyrë të besueshme edhe nga pikëpamja kulturore, kështu edhe nga pikëpamja shoqërore. Po vazhdojmë të punojmë pikërisht mbi të dhe me siguri ajo është një pjesë e rëndësishme prej spektaklit tonë” – shpjegoi Dimitër Kërnev.

Përgatiti në shqip: Jordanka Iavnova

Последвайте ни и в Google News Showcase, за да научите най-важното от деня!

Ndaje

Supergrupi i ri “Legjendat” po përgatit një turne

Më shumë nga rubrika

"I butë"

Dara Ekimova me këngën e re "Të jap gjithçka"

Rikthehet një legjendë - Konkursi i Këngës për Fëmijë "Si luanët" me një edicion ambicioz në Varna

Ferri"