Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Festivali i XV botëror i folklorit bullgar në Japoni

Foto: BТА

Për vit të 18 me radhë valltarët e Ansamblit “Arsenal”  nga  qyteti Kazanllëk do t’i gëzojnë banorët e Japonisë me vallet e  bukura bullgare. Nxënësit e disa brezave  të Kryeudhëheqësit artistik të ansamblit Hristo Stojanov do të udhëtojnë për në Tokën  e lindjes së diellit më 13 shtator. Vallet e bukura bullgare do të kenë mundësi t’i shohin banorët e Munakatës, Tokios dhe ishullit Goto. “Në këtë mënyrë kërkojmë miq të rinj të Bullgarisë në Japoni” -  thotë udhëheqësi i kolektivit Hristo Stojanov  dhe na kthen tek historia e festivalit:

“Deri në tetor do të jemi në Japoni. Vizita jonë e parë aty ishte në vitin 1998. Atëherë kishim shfaqje në Fukujama – qyteti i trëndafilave dhe luleve, i cili është binjakëzuar me Kazanllëk  - qyteti bullgar i trëndafilave. Kishim sukses të madh. Disa vite më vonë e prezantuam artin tonë në Munakata. Atje pritën me entuziazëm dhe duartrokitje të shumta koncertet tona dhe festën e trëndafilit që prezantuam. Kështu lindi ideja të krijojmë një Festival botëror  të folklorit bullgar, i cili tashmë është tradicional. Në të bashkë me ne marrin pjesë kolektiva vendase dhe interpretues individualë.”

Në Japoni Ansambli prezantohet me 18 valltarë dhe orkestër me 5 interpretues. Në Kazanllëk çdo vit në kohën e mbledhjes së trëndafilave zgjedhin mbretëreshën “Trëndafil”. Si vjet u zgjodh Cvetelina Ivanova, studente për mjekësi. Ajo gjithashtu do të marrë pjesë në festival. Tashmë është bërë traditë në këto ditë të Bullgarisë në Japoni të hapë dyer dhe një restorant bullgar, për këtë qëllim banorët e Kazanllëkut ftojnë një kuzhinier të aftë bullgar dhe u ofrojnë vizituesve specialitete të kuzhinës bullgare. Ja se çfarë tjetër na tregoi Hristo Stojanov:

“Brenda 20 ditëve do të kemi 33 koncerte. Pesë do të jenë në  salla me nga 1 400 vende, ndërsa  të tjerët – në të hapur. Koncertet tona zakonisht zgjatin 90 minuta, por pas kësaj publiku kërkon edhe interpretime të tjera. Do të prezantojmë 15-16 vepra koreografike nga krahinat e ndryshme folklorike të vendit.  Banorëve të Japonisë u pëlqejnë sidomos shumë vallet maqedonase. Ato janë më të ngadalta që  përkon me traditat dhe mënyrën e jetesës së tyre. Një markë e ruajtur e koncerteve të ansamblit “Arsenal” janë mësimet për folklorin bullgar”.

Tashmë 10 vjet Hristo Stiojanov është qytetar nderi i Munakatës.

Ai është dekoruar nga Ministria e Punëve të Jashtme e Japonisë me këtë titull të lartë për kontributin e tij të jashtëzakonshëm në afrimin e kulturave të të dy vendeve . “Jam shumë i lumtur, sepse arrijmë brenda 20 ditëve të festivalit ta shndërrojmë Munakatën në qendër të  miqësisë dhe kulturës bullgare-japoneze” – shton ai.

Përgatiti në shqip: Sofia Popova 




Последвайте ни и в Google News Showcase, за да научите най-важното от деня!

Më shumë nga rubrika

Mbi 90 tablo të piktorit të madh bullgar Deçko Uzunov janë ekspozuar në një galeri të Sofjes

Për shkak të interesimit të madh për ekspozitën “Deçko Uzunov. Krijesat. 125 vjet nga lindja e piktorit” Galeria e Arteve të qytetit të Sofjes e zgjati ekspozitën me vepra të tij deri më 9 tetor. Ekspozita prezanton mbi 90 vepra në zhanret e..

botuar më 24-09-16 6.10.PD

Fryma e Sofjes së Vjetër pushton qendrën e kryeqytetit

Na ishte njëherë e një kohë një lagje e jashtëzakonshme. Prej saj filloi ndërtimi i Sofjes së Vjetër, sepse ndodhej midis Pallatit dhe stacionit - rruga kryesore që bënte lidhjen e jetës në qytet. Në këtë hapësirë njerëzit jo vetëm plotësonin nevojën e..

botuar më 24-09-13 7.30.PD
Rajna Manxhukova

"Zemra e Bullgarisë tjetër" – dokumentar për një agjenci të vogël me një mision të madh

Në vjeshtën e vitit 1992, nëpërmjet një urdhri të Këshillit të Ministrave në Bullgari, u krijua Agjencia për Bullgarët Jashtë Shtetit për të koordinuar politikën shtetërore ndaj bashkatdhetarëve tanë në mbarë botën. Kryetari i parë, Georgi Danaillov,..

botuar më 24-09-12 7.30.PD