Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Jëlldëz Ibrahimova për projektet e saj të reja

БНР Новини
Foto: BULFOTO

Gjatë kësaj stine Jëlldëz Ibrahimova u solli një surprizë të këndshme adhuruesve  të saj të shumtë. Projekti me pjesëmarrjen e këngëtares së njohur të xhazit dhe të Filarmonisë së qytetit Razgrad tashmë fiton popullaritet gjithnjë më të madh. Ftesat vijnë jo vetëm nga qendrat e mëdha muzikore. “ Me kënaqësi të madhe më 29 gusht do të bëjmë vizitë në qytetin Dëllgopoll, Bullgari Verilindore. Koncerti është me rastin  e festës së qytetit. Na befasoi pak ftesa, por kjo është shenje, se muzika jonë ka shumë dashamirës.” – thotë Jëlldëz Ibrahimova.




Siç dihet Jëlldëz Ibrahimova është këngëtare me një diapazon të jashtëzakonshëm të zërit dhe teknikë të përsosur vokale. Gjithmonë ka bërë përshtypje me interesat e saj të larmishme muzikore dhe me partneritetet e saj. Ka realizuar projekte te përbashkëta me po thuaj të gjithë emrat e njohur të skenës bullgare të xhazit. Mes tyre është xhaz pianisti Mario Stançev, me kuartetin e të cilit ka bërë debutimin e vet, Big Bendi i Radios Kombëtare Bullgare etj. Ka lindur në Bullgari, ajo ka mbaruar Shkollën Kombëtare Muzikore dhe Akademinë Kombëtare Muzikore në Sofje. Në vendin tonë kanë qenë shfaqjet e saj të para si xhaz këngëtare. Ka incizuar rreth 20 albume, ka dhënë koncerte në dhjetëra vende të botës. Gjatë viteve të fundit jeton në Turqi, ku ka veprimtari të pasur pedagogjike dhe artistike. Programi me Filarmoninë e Razgradit ende nuk është prezantuar jashtë shtetit, por në Bullgari kudo e presin me duartrokitje. Solistë janë disa muzikantë të njohur popullorë.

“Projekti me Filarmoninë e qytetit Razgrad e filluam në muajin tetor. Qysh koncertet e para korrën sukses të madh. E kemi prezantuar në qytetet Ruse, Varna, Burgas, Sliven. Interesi i detyrohet ndoshta faktit, se kemi përfshirë muzikë xhaz, etno dhe klasikë. Përzgjedhja është bërë për një auditor më të gjerë dëgjuesish. Merr pjesë dhe Ivo Papazoi me kuartetin e tij prej virtuozëve, fizarmonisti i jashtëzakonshëm Neshko Neshev etj. Programi është shumë i larmishëm dhe pritet shumë mirë nga publiku, i cili siç duket ka nevojë për një spektër më të gjerë  muzikor.  Pas koncertit në Dëllgopoll gjatë shtatorit do të vazhdojmë  koncertet në Plovdiv, Ruse, Stara Zagora, ndërsa me 20 tetor do të jemi në Sofje.”

Gjatë muajve të fundit Jëlldëz  ka program të përbashkët edhe me Orkestrën e Forcave Ushtarako-Ajrore të Turqisë, të quajtur “Shqiponjat e xhazit”. Vetëm para disa javësh ata e prezantuan në Bullgari.

“ Me këtë orkestër punoj pak kohë, por kemi pasur shumë koncerte. Morëm ftesë për pjesëmarrje gjatë vitit 2016 në “Nishvil” – Festivalin e xhazit në Nish të Serbisë. Një bashkëpunim i tillë muzikor midis vendeve ballkanike mund të japë rezultate të mira. Mund të jap shembullin me koncertin, që patëm me Trion turke “Tanini”, bashkë me Big Bendin e BNR. Salla ”Bëllgaria” ishte e plotë, publiku  pëlqeu  këtë muzikë, që ishte përzierje e stileve etno dhe xhaz.  Para pak kohe parashtrova një ide time  para gazetarëve muzikorë dhe sponsorëve. Do të ishte gjë e mrekullueshme në qoftë se do të organizohet festival, në të cilin të marrin pjesë vetëm xhaz muzikantë nga Ballkani. Nuk njihemi shumë mirë, por nëpërmjet kulturës dhe muzikës mund të mësojmë më shumë për fqinjët tanë. Ky festival mund të vërë fillimin edhe të projekteve të tjera të përbashkëta”.

Përgatiti në shqip: Sofia Popova




Последвайте ни и в Google News Showcase, за да научите най-важното от деня!

Më shumë nga rubrika

Jazz and Art Festival në Oreshak mbledh interpretues nga disa kontinente

Nga 11 deri më 14 korrik edicioni i dytë i Jazz and Art Festival në Oreshak, mbledh së bashku interpretues nga Kuba, Argjentina, Kina, Brazili, Serbia, Franca dhe Bullgaria, njoftoi Ivanka Xhabraillova, menaxhere e Ekspozitës Kombëtare të..

botuar më 24-07-11 6.30.PD
Lili Ivanova

"Tërfilat"

Lili Ivanova është prima e padiskutueshme e muzikës bullgare. Përveç talentit, disiplinës dhe përkushtimit, pas dekadave në krye qëndron edhe zgjedhja e saj e muzikantëve më të mirë me të cilët këngëtarja ka punuar ndër vite. Para pak..

botuar më 24-07-09 6.30.PD

“Dashuri dhe këngë" - koncerte verore me këngë të përjetshme bullgare

Projekti "Dashuri dhe këngë" takon në skenë breza artistësh të dashur bullgarë, të cilët ndër vite krijuan hite në stile të ndryshme muzikore. Grupi “Diana Ekspres” , i cili feston 50 vjetorin në skenë, vëllezërit Argirovi , legjenda e..

botuar më 24-07-08 6.15.PD