Bullgaria kërkon vend në dialogun ndërkombëtar për ndryshime në politikën për refugjatët

botuar më 15-09-05 10.05.PD

Foto: BGNES

Kriza me refugjatët që ka kapur Evropën, krijon gjithnjë e më shumë probleme me karakter politik, social dhe financiar. Bile Gjermania e fuqishme e ka të vështirë të zgjidhë problemin me pritjen e 800 mijë refugjatëve gjatë këtij viti, ndërsa Berlini dhe Parisi u morën vesh të propozojnë ndarjen e emigrantëve në Evropë dhe unifikimin e rregullave për dhënien e strehimit. Për ndryshime në politikën e migracionit folën aktivisht gjatë javës dhe politikanët bullgarë. Në forume ndërkombëtare joformale Ministri i Jashtëm Daniell Mitov dhe Ministri i Mbrojtjes Nikollaj Nençev zunë pozitë aktive mbi krizën. Në Forumin strategjik në Bled të Sllovenisë Mitovi paralajmëroi, se itineraret e ndryshuara të flukseve të migrantëve diktojnë përfshirjen e Ballkanit Perëndimor në masat e përbashkëta evropiane për përballimin e problemit. Në bisedë me presidentin e vendit Daniell Mitov u shpall për rishikimin e Marrëveshjes së Dublinit , e cila reglamenton materinë me refugjatët, si edhe marrëveshjet për riatdhesimit. Migracioni kishte vend mes temave që zhvilloi Ministri i Punëve të Jashtme me Zëvendësin e Nd/ sekretarit të Shtetit të SHBA Hoyt Yee, para të cilit parashtroi edhe idenë që lufta me flukset masive të migrantëve të zhvillohen jo vetëm kundër pasojave, por edhe kundër shkaqeve që e krijojnë. Në Luksemburg në një takim joformal të ministrave të mbrojtjes të BE, Ministri Nençev parashtroi pozitën e Sofjes për formimin e politikës së përbashkët për refugjatët. Edhe ministri i jashtëm, edhe ai i mbrojtjes e kishin parashtruar më përpara tezat mbi këtë çështje në forume kombëtare. Siç duket parashtrimi i tyre jashtë shtetit është element i synimit të shprehur këto ditë nga ministri i jashtëm, që Bullgaria të iniciojë në BE bisedë për riformulimin e strategjisë për refugjatët dhe për punë suplementare mbi elementet e saj kryesore si ripranimi, riatdhesimi dhe lufta me trafikantët e njerëzve. Me këtë synim Ministri Mitov shkoi në takimin joformal të ministrave të jashtëm të BE “Gimnih”, thirrur më 4 dhe 5 shtator në Luksemburg. Aktiviteti ndërkombëtar i qeverisë mbi çështjen për refugjatët përkon me aktivitetin e pazakontë kundër imigracionit në brendësinë e vendit. Vetëm për dy ditë Agjencia Shtetërore për Siguri Kombëtare dhe MPB arrestuan në Sofje mbi 160 të huaj pa dokumente, pas kësaj në bashkinë Carevo – 208, në fshatin Goljamo Buçino afër Sofjes – 40 të tjerë, dhe operacioni vazhdon. Veprimet e autoriteteve tek ne kalojnë qetë dhe tani për tani sulme të trenave si në Hungari, ose shfaqje neonaciste kundër refugjatëve nuk ka.

Përgatiti në shqip: Sofia Popova

Последвайте ни и в Google News Showcase, за да научите най-важното от деня!

Ndaje

Bullgaria kërkon vend në dialogun ndërkombëtar për ndryshime në politikën për refugjatët

Më shumë nga rubrika

Qendra e Trajnimit në Aeroportin e Sofjes do të trajnojë specialistë nga e gjithë bota

Tërmete, thatësira, turbina ere... eko-sfidat bashkojnë nxënës nga Bullgaria, Italia dhe Danimarka

Dimri i breshkave - ekipi i Qendrës së Shpëtimit pranë fshatit Banja kujdeset për mbi 200 banorë të saj

Inteligjenca artificiale po krijon një realitet të ri për punëdhënësit dhe punëtorët

Shënojmë Ditën Botërore të Sëmundjeve të Rralla

Një djalë me autizëm hap galerinë e tij në Dobriç