Në fund të muajit qershor u bënë të qarta rezultatet nga konkursi për dirigjent të korit të Filarmonisë Kombëtare “Svetosllav Obretenov”. Me drejtimin e grupit u ngarkua Sllavill Dimitrovit – pianist, kompozitor dhe dirigjent me një biografi të pasur krijuese. Disa muaj më vonë, në prag të stinës 2015/2016 muzikanti dhe ansambli ecin me guxim nëpër rrugën e vet të re dhe të përbashkët.

• play
• pause
• stop
• mute
• unmute
• max volume

00:00 / 00:00

• “Këngë për Aleksandër Nevskin” nga Sergej Prokofiev, int. Kori Kombëtar i Filarmonisë “Svetosllav Obretenov”

Update Required To play the media you will need to either update your browser to a recent version or update your Flash plugin.

Tani kur kapela korale po përgatitet aktivisht për stinën e re, dirigjenti Sllavill Dimitrov shikon edhe më qartë realizimin e ideve të veta krijuese, njëra nga të cilat është themelimi i korit të fëmijëve pranë formacionit:

“Rreth krijimit të tij po punohet mjaft seriozisht-tregoi ai. Para së gjithësh duhet të gjendet godinë ku kori të zhvillojë provat, sepse kompleksi “Bullgaria” nuk mund të mbledh 8 grupe. Përveç kësaj, procesi i provave tek një kor për fëmijët është shumë më i gjerë, sesa tek grupet profesionale. Jemi në proces të bisedimeve dhe tanimë kemi marrëveshje me institucione të veçanta. Shpresoj që në një kohë sa më të afërt do të fillojmë me fushatën rreth mbledhjes së fëmijëve.”

Sipas Sllavill Dimitrovit problemi bazë i artit koral në Bullgari është se, në orët e muzikës në shkollën e përgjithshme nuk këndohet. “Aty mësohet vetëm teori. Jo rastësisht dhe emri i lëndës qe i ndryshuar nga lënda “këngë” në “muzikë” – thotë maestroja.

Një bashkëpunëtore e vlefshme në punën e kapelës do të jetë Sofia Bërdarska, e cila fitoi konkursin për mjeshtre korale e korit Kombëtar të filarmonisë “Svetosllav Obretenov”. Ajo e merr përgatitjen e vet si koriste dhe dirigjente nga kori “Madrigal” dhe nga krijuesi i tij profesor Stojan Kralev. Përveç një miqësi shumëvjeçare, Sllavill Dimitrov dhe Sofia Bërdarska  ndajnë dhe pikëpamje të përbashkëta estetike. “Në personin e saj kam një mbështetje shumë të madhe, sepse shikojmë në një drejtim” – tregon dirigjenti. Mes prioriteteve të tij në punën me kapelen korale është dhe pasurimi i repertorit të saj. Gjatë kësaj stine ansambli do të paraqes ciklin abonim “Kompozitorë të njohur ortodoks”. Më shumë mësojmë nga Sllavill Dimitrov:

“Kam ndërmend të bëjmë një integral, sado ambicioze që të tingëllojë. Dua që të kenë një prani të fortë të muzikës kishtare sllave në afishen e filarmonisë. Sivjet kemi 3 koncerte me disa nga krijimet më të njohura kishtare sllave. Dëshira ime është t’ia tregojmë publikut rrugën e kësaj muzike, sepse ajo dhe në këtë moment po zhvillohet. Mjerisht tek ne 45 vjet nuk janë shkruar këngë të tilla me përjashtim të disa nga Zdravko Manollovi, të cilat janë shumë të vështira për tu zbuluar, sepse janë apokrife. Po bëj çdo gjë të mundur të gjej partitura dhe ato të shikojnë ditë të bardhë. Përveç kësaj, jam i lumtur të them se, shumë muzikë kishtare do të shkruhet posaçërisht për koncertet e Korit Kombëtar të Filarmonisë “Svetosllav Obretenov”.

Përgatiti në shqip: Nataniela Vasileva