Kryeqyteti i Shtetit të parë bullgar Pliska mbeti rezidenca kryesore e sunduesve tanë në vazhdim të më se dy shekujve. Rezervati kombëtar historiko-arkeologjik që ka ruajtur gjurma nga e kaluara e lavdishme ndodhet vetëm 2 km larg qytetit të sotëm. Gjatë vitit 2014 aty ishte inauguruar solemnisht Art rezidenca “Pliska art”, e ndërtuar nga fondacioni me të njëjtin emër. Më datat 10 dhe 11 tetor në sallën e re koncertale do të zhvillohet edicioni i parë i “Festivalit muzikor të vjeshtës”.
Pliska ndodhet 30 km larg qytetit Shumen dhe më pak se 70 km larg Varnës. Venesiella është e bindur, se ky vend historik nuk është larg shteteve të tjera të botës, kur ka lidhje me terminalet ndërkombëtare të aeroporteve bullgare. Prej vitesh mendon që ta bëjë këtë vend historik më të njohur jashtë atdheut tonë.
“Unë gjithmonë jam në Bullgari në mendimet e mia, siç është çdonjëri tjetër i cili jeton jashtë atdheut të vet pavarësisht nga kombësia e tij – thotë zonja Najdenova. – Para 5 vjetësh krijova Fondacionin “Pliska art” me idenë të organizojë aktivitete kulturore. Nuk ka nevojë të shpjegojë ç’do të thotë qyteti Pliska për të gjithë bullgarët, por jashtë shtetit ai është i panjohur. Kam dëshirë të kontribuojë për popullarizimin e tij. Nga Pliska janë gjyshi dhe gjyshja ime, trashëgova shtëpinë e tyre dhe vendosa ta transformojë në qendër kulturore. Ndërtuam sallën e dhomës për koncerte, ku do të mbahet festivali. Tetori është një muaj i bukur, kur natyra ndërron ngjyrat e saj, kështu qe edhe ne kemi dëshirën të ofrojmë ngjyrën tonë në këtë buqët shumëngjyrësh të vjeshtës. Tashme mbërriti dhe pianoja, me sa di ajo është e para në Pliska. Shpresoj se do të kënaqim publikun me muzikë të bukur të dhomës, të përzgjedhur nga interpretuesit. Më 10 tetor është koncerti i kuartetit me tela të femrave “Arte”. Anna Furnaxhieva, Marina Vinokurova, Galina Ledllova dhe Kremena Hristova janë pjesë prej Orkestrës Operistike-Simfonike e qytetit Varna. Programi i përgatitur përfshin vepra të Bartokut, Piaciolës etj. Për ditën e diel kemi përgatitur dy aktivitete, mes të cilëve do të ketë pushim për një gotë me verë. Koncerti do të mbahet nga Stefan Bojaxhievi – pianist, dirigjent koral dhe orkestral. Ai do të ekzekutojë pjesa solo të Debysit dhe Rahmaninovit. Në program bën pjesë dhe sopranoja e re Liljana Kondova. Festivali mbaron me arie të njohura operistike dhe romanca ruse në interpretim të Geo Çobanovit – bas, dhe Zhanet Benunit – piano. Ata kanë përzgjedhur veprat më të njohura prej repertorit te tyre.”
Përgatiti në shqip: Sofia Popova
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..
Dy autorë dhe interpretues të talentuar u bashkuan në një duet. Robi dhe Dara Ekimova krijuan bashkë muzikën dhe tekstin e këngës "Nëse telefonon". Aranzhimin e bënë Robi dhe Martin Nikollov. Robi tregon për krijimin e këngës: "Një mbrëmje i..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë..