Kishat shkëmbore në Ivanovo janë ndër mrekullitë unike bullgare, që çdo vit vizitohen nga qindra turistë. Janë të vendosur në luginën piktoreske të lumit Rusenski Llom, janë me status të rezervatit arkeologjik dhe janë nën mbrojtjen e UNESKO-s. Kishat janë të bashkuar në manastirin “Shën Kryengjelli Mihail”. Dikur ky vend ka qenë qendër e shpirtit të krishterë, ka qenë strehim për letrarë dhe zografë të njohur. Kushtet e jetesës kanë qenë të vështira. Lart në shkëmbinjtë, në 40-50 metra mbi tokën, shpellat dhe zgavrat natyrore ishin zgjeruar dhe ishin transformuar nga murgjit në kisha dhe qeli.