Më 20, 21 dhe 22 tetor në Universitetin e Sofjes “Shën Klimet Ohridski” dega e Ballkanistikës pranë Fakultetit të Filologjisë Sllave organizon “Mbrëmje të Ballkanistikës” për prezantimin e botimeve të reja të sivjetshme.
Mbrëmja e pare i është kushtuar librit “Gjuhët, kulturat dhe letërsitë ballkanike. Divergjencë dhe konvergjencë”. Në të janë përfshirë ligjëratat e pjesëmarrësve të konferencës që u zhvillua vitin e kaluar në Sofje me rastin e përvjetorit të 20-të të kësaj dege në Universitetin e Sofjes. Dhe kjo bëhet sot, kur mbledhje të tilla të shtypura financohen rrallë. Për këtë arsye përpjekjet e shkencëtarëve janë përqendruar mbi projektet elektronike. Një projekt i tillë i ri është revista elektronike për histori krahasuese të letërsisë Colloquia Comparativa Litterarum, në të cilën do të botohen artikuj dhe studime aktuale, përmbledhje të shkurtra të librave të reja, etj.
Shumë interesante për bullgarët që merren me albanologji janë librat, prezantimi i të cilave është parashikuar për mbrëmjet e dytë dhe të tretë. Bëhet fjalë për një fjalor-bisedimor të së folmes së fshatit Mandrica (Bullgari Jugore), ku jetojnë njerëz me prejardhje shqiptare. Autorja e tij quhet Marija Hristova Georgieva – Peeva. Më shumë për këtë ngjarje, për fshatin Mandrica dhe për trashëgimtarët e shqiptarëve të vjetër në trojet bullgare do t’ju ofrojmë në një nga programet tona të ardhshme.
Libri i dytë është i autorit kosovar Milazim Krasniqi dhe titulli i tij është “Nacionalizmi shqiptar”. Përkthimin në gjuhën bullgare e prezantojnë vetë përkthyesit – doktor Anton Pançev dhe studentët e degës së Ballkanistikës Borisllava Ivanova dhe Simeon Mihallkov. Më shumë për të mund të dëgjoni në intervistën me profesorin e gjuhës shqipe Anton Pançev:
Galeria dhe Muzeu The Wilson në qytetin britanik Cheltenham shfaq një koleksion unik pikturash nga një emigrant bullgar i cili ka jetuar dhe punuar në ishullin britanik për shumë vite. Ekspozita përmban vepra të Amedeo Modigliani, Vanessa Bell, Pablo..
Midis biologjisë dhe ikonografisë kishtare, tangjentet janë të panjohura dhe të pakuptueshme për ata që i janë kushtuar shkencës. Për Ekaterina Titovën, Doktor i shkencave biologjike, e mësuar t'i qaset gjithçkaje në rrugën e logjikës, kisha vjen disi..
Bozhana Sllavkova fitoi konkursin më të madh ndërkombëtar të poezisë "Mili Dueli", duke qenë autorja e parë bullgare që fitoi çmimin e madh. Në edicionin e 9-të të konkursit morën pjesë 711 autorë nga 104 vende. Tre bullgarë arritën në 50-shen..