Me një sukses të madh për Bullgarinë përfundoi Kampionati Evropian i Mundjes për të Shurdhëritë në Tbilisi të Gjeorgjisë. Në të u përfshinë 12 sportistë bullgarë, mes të cilëve dhe sportist të njohur me dallime të larta nga olimpiadat, nga kampionatet botërore dhe evropiane. Ata fituan për vendin përgjithësisht 20 medalje: 10 tek meshkujt dhe 10 tek kadetët dhe të rinjtë. Kadetët dhe të rinjtë u kthyen në atdhe me dy medalje të arta, katër të argjendta dhe katër të bronzta, kurse meshkujt me 3 të argjendta dhe 7 të bronzta. Dy medalje të arta në kampionatin për kadetët dhe të rinjtë u fituan nga Panajot Dimitrov (42 kg) – në mundjen e lirë dhe klasike.

“Në këtë kampionat evropian garat u zhvilluan në stilet e mundjes së lirë dhe klasike për kadet, të rinj dhe meshkuj. Tek të rinjtë, si skuadër zumë vendin e pestë, tek meshkujt dhe kadetët – vendin e 3. Në kampionat pjesëmarrje morën të gjitha shtetet prijëse në këtë sport – të gjitha vendet të cilat flasin gjuhën ruse, Turqia dhe të tjera dhe përkatësisht, konkurrenca qe jashtëzakonisht e egër” – deklaroi trajneri i përgjithshëm i skuadrës Denisllav Çamishki, i cili nënvizoi se në garë janë përfshirë përgjithësisht 239 pjesëmarrës prej 14 shteteve.

Qëllimi tjetër i madh i mundësve është Kampionati Botëror për të Shurdhëritë gjatë muajit maj të vitit 2016, i cili do të zhvillohet në Iran. Ky kampionat botëror, si dhe ai Evropian janë kualifikime për olimpiadën në Turqi gjatë vitit 2017.

Prezantimi i suksesshëm i mundësve bullgarë në Gjeorgji është rezultat si nga puna e tyre këmbëngulëse, ashtu dhe të veprimtarisë aktive, të zhvilluar nga Federata Sportive e të Shurdhave në Bullgari. Nën mbrojtjen e saj veprojnë klube sportive në 10 qytete nëpër të gjithë vendin, anëtarët e rregullt e të cilëve numërojnë 1600 veta. Në konferencën e posaçme të shtypit, e cila i është përkushtuar pjesëmarrjes së suksesshme të mundësve tanë në Kampionatin Evropian, kryetari i Federatës Sportive të të Shurdhave në Bullgari, Nikollaj Nikollov shpalli se, të mërkurën e ardhshme 4 nëntor për në Erevan udhëton skuadra jonë kombëtare e xhudos e Federatës për të Shurdhave, ku po kështu shpresojmë për suksese.

Përgatiti në shqip: Nataniela Vasileva