Para pesë vitesh Desisllava Andonova, Andronija Popova dhe Vera Shandell për herë të parë dolën në skenë si formacioni “Sentimental Swingers”. Suksesi i deritanishëm i trios është i madh. Shumë para formimit të trios Vera takoi bashkëshortin e ardhshëm Andre Shandell – regjisor i filmit dokumentar belgjiano-bullgar “Jeta është një vallëzim i pandërprerë”. Premiera e tij do të jetë më 18 nëntor në Pallatin Kombëtar të Kulturës, si pjesë e programit të Festivalit Kinematografik “Kinomania 2015”. Në film u xhiruan tri gratë e grupit bashkë me instrumentistët e Sekstetit të muzikantit bullgar Mihaill Josifov. Për këtë rast muzikantët kanë ndërmend të japin edhe një koncert.
Vera rrëfeu gjithashtu, se duke mbetur në Bullgari realizoi ëndrrën e saj më të madhe, pra të këndojë. Për nga arsimi ajo është ekonomiste, por e ndërroi profesionin pas formimit të trios.
Belgjiani Andre Shandell është bashkëshort i Verës dhe jeton në Bullgari që prej dhjetë vitesh. I ndan angazhimet profesionale midis Sofjes dhe Brukselit. Për herë të parë erdhi në Bullgari për xhirimin e një filmi artistik për një televizion belg dhe francez. Njeriu i parë i buzëqeshur, të cilin e takoi ishte Vera, e cila përveç të gjitha virtyteve flet edhe frëngjishten.
“Gjithnjë në mënyrë origjinale ajo më tregonte për jetën në Bullgari – rrëfen Andre. – Dalë ngadalë fillova të shikoj jetën këtu përmes perceptimeve të saj. Ajo më njohu edhe me miqtë e saj. Në ato vite zbulova edhe një Bullgaria tjetër, në të cilën njerëz pa dituri filluan ta quajnë veten biznesmenë. Kjo ishte një periudhë në të cilën bëra reportazhe nga Evropa Lindore dhe nga Bashkimi Sovjetik. Nuk e njoha këtë Evropë. Dhe tani e kam të qartë, se që atëherë fillova të punoj mbi filmin tim. Vendosa të mbetem në Bullgari dhe me Verën u martuam. Tani kemi një foshnjë të mrekullueshme. Familja jonë është belgjiano-bullgare, dhe ne të dy kemi fëmijë nga martesa të mëparshme. Në film tregoj për formacionin “Sentimental Swingers” dhe për disa instrumentistë të mrekullueshëm bullgarë. Muzika, të cilën ata e ekzekutojnë, pëlqehet kudo në botë. Atë, që më preokupon më shumë është, se Vera dhe miqtë e saj pavarësisht nga vështirësitë që hasin, arritën të ruajnë gëzimin nga jeta. Pikërisht për këtë hare e titullova filmin “Jeta është një vallëzim i pandërprerë”.
Përgatiti në shqip: Svetllana Dimitrova
Tashmë katër dekada, grupi “Atllas” na ofron muzikën e tyre. Kënga e tyre e fundit me titullin "O-oooh!" është dinamike, me një tingull karakteristik të stilit new wave dhe një linjë melodike. Kënga është singëli i dytë nga albumi që “Atllas”..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë profesionalisht. Ka marrë pjesë në disa programe televizive dhe në vitin 2020 në “Zëri i Bullgarisë”..
Vera është stina në të cilën zhvillohen festivalet më të shumta dhe të larmishme. Njëri prej tyre fillon sot, më 23 gusht, në Sevlievo. Aty, që nga viti 2017, kalaja "Hotaliç" është shndërruar në një skenë ku performojnë grupet vendase të rock-ut...
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë..