Nuk ka gjë më të bukur nga fillimi i ditës me buzëqeshje. Para erës së internetit, ku çdo ditë mund të lexojmë shaka më të ndryshme, në të kaluarën një prej shkaqeve për të buzëqeshur ishin karikaturat në gazeta. Një proverb kinez thotë se një pikturë kushton më shumë se mijëra fjalë dhe megjithëse tirazhet e gazetave po kufizohen në mbarë botën, karikaturat vazhdojnë të dëfrejnë mijëra njerëz. Provë e kësaj është interesi ndaj Festivalit Ballkanik të Buzëqeshjeve, qëllimi i të cilit është të tregojë ndjenjën e humorit të popujve ballkanikë.
Julian Stankullov – drejtori artistik i fondacionit “Imeon Ballkani”, i cili është organizatori i festivalit, tregoi për idenë e ekspozitës:
“Gjatë verës së vitit të kaluar zhvilluam “Festivalin e parë veror të buzëqeshjeve”. Ky forum është ballkanik dhe ideja e tij është të tregojë për se qeshen popujt në Ballkan. Në festival marrin pjesë 30 autorë nga nëntë shtete ballkanike. Në ekspozitë janë paraqitur mbi 120 vepra. Më e bukura është se në karikatura mund të bëjmë shaka me gjithçka – karikatura u jep njerëzve lirinë e shprehjes së mendimeve të tyre në mënyrë humoriste. Karikatura ime e dashur është ajo, që e kemi vendosur në grilat e dritareve. Autori i saj është Ivajllo Cvetkov. Meqenëse Bullgaria është mikpritëse e festivalit, është bukur që ekspozita të paraqitet pikërisht nga vepra e një bullgari. Është shumë i rëndësishëm fakti se megjitë atë, që ndodhi në Francë, karikaturistët vazhdojnë të kenë guximin për të paraqitur të vërtetën para shoqërisë.
Duke e vizituar ekspozitën, njeriu haset me problemet aktuale dhe veçoritë e karakterit ballkanik në një mënyrë, që të bën për të buzëqeshur – që nga gjyshja, e cila i pret refugjatët në oborrin e saj në fshat, e gjer te politikani, i cili e ka gojën e tij të mbushur me 500 euro, që të mos flasë.
T’i përshkruash ngjarjet e djeshme në një mënyrë humoriste pa e ofenduar askë, kjo është një aftësi e madhe, të cilën disponojnë shumë pak njerëz. Karikaturistët e dokumentojnë historinë tonë në një mënyrë shumë origjinale. Aleksandër Bozhinov (1878 – 1968), një prej etërve të karikaturës bullgare sot:
“Karikatura duhet të jetë para se gjithash art, vepër artistike. Prandaj ajo nuk duhet të jetë vulgare dhe ofenduese. Unë jam kundër gjakut. Po të ketë karikatura të mia drastike, ku të kem paraqitur ndonjë ngjarje, ku ka pasur gjakderdhje, kjo nuk do të thotë se jam kundër vendit të gjakderdhjes, kjo do të thotë se jam kundër metodave, kundër veprimeve.”
Përgatiti në shqip: Vesella Mançeva
Fotografi: Sillvija Petrova dhe “Imeon Balkani”
Arti ka ekzistuar gjithmonë si një formë e të shprehurit përmes të cilit mund të shpalosim botën tonë të brendshme. Këtë ka bërë edhe artistja me origjinë bullgare Enxhi Tufa, e cila përmes ekspozitës së saj “Ëndërr mes fjalësh” ka shprehur vetveten,..
Nga data 1 deri më 5 qershor në Stara Zagora po mbahet edicioni i 11-të i Festivalit Ndërkombëtar të Filmit për Kinemanë e Re Evropiane “Bliri i Artë”. Do të shfaqen 50 filma nga 18 vende, duke përfshirë filma të regjisorëve Nuri Bilge Ceylan,..
Qyteti Vidin për të pestin vit radhazi është nikoqir i Summer Vibes Festival. Në datat 1 dhe 2 qershor pranë kalasë “Baba Vida” (“Gjysha Vida”) , fëmijët do të zbulojnë një mënyrë më të shëndetshme dhe jo më pak interesante për t'u..
Mbi 30 studiues të gjuhës bullgare nga njëmbëdhjetë vende u mblodhën në një forum dyditor në Sofje dhe Plovdiv, kushtuar alfabetit cirilik, për të..
Forumi shkencor ndërkombëtar "Urat kulturore: histori të bullgarëve të rëndësishëm në Serbi" u mbajt në fund të qershorit në gjimnazin "Shën Kirill dhe..