Radioja Kombëtare Bullgare © 2021 Të gjitha të drejtat janë të rezervuara

Viti 2010 – Kristalina Georgieva: “Është me rëndësi të dimë, se jemi barabartë me të gjithë në Evropë”

{ include file="./partials/authors.html" } БНР Новини
Foto: BGNES

“Atë që ndodh në botë, na prek. Dhe sa më shumë i mbyllim sytë, sa më shumë përqendrohemi në problemet tona të brendshme, sa më shumë e kufizojmë horizontin tonë, aq më pak adekuat bëhemi në marrjen e vendimeve brenda në vend. Prandaj mund të them, se bullgarët me pozita të cilët na lidhin me botën hapin një dritare për vendin tonë, e cila i ndihmon Bullgarisë.” Këtë e tha zonja Kristalina Georgieva në një intervistë pak pasi e mori postin zëvendës kryetare dhe komisionare e buxhetit dhe resurseve njerëzore në Komisionin “Junker”. Ky është mandati i saj i dytë si komisionare evropiane zgjedhur nga Bullgaria. Mandati i saj i parë filloi më 9 shkurt të vitit 2010. Po atë vit më 30 nëntor ajo u shpall “komisionar i vitit” dhe “evropian i vitit” në klasifikimin vjetor të botimit elektronik “European Voice”. Kjo ishte një njohje për punën e saj në menaxhimin e katastrofave humanitare në Haiti dhe Pakistan.

Kristalina Georgieva është ekonomiste dhe pedagoge, docente në Katedrën “Ekonomi” të Universitetit të Ekonomisë Kombëtare dhe Botërore në Sofje, nëpunëse dhe zëvendës presidente e Bankës Botërore. Nominimi i saj për komisionar nga qeveria bullgare u bë si rezultat i rrethanave të jashtëzakonshme, pasi ish ministrja e punëve të jashtme Rumjana Zheleva u dështua gjatë dëgjimit në Parlamentin Evropian. Sfera e komisionarit bullgar u ruajt, por komisioni priste ndonjë kandidaturë tjetër. Pak më vonë zonja Georgieva tha, se bashkëpunimi ndërkombëtar, ndihma humanitare dhe reagimi në rast krize është një sferë e njohur për të, sepse në Bankën Botërore bashkëpunonte me sistemin e OKB-së, me Kryqin e Kuq. Ja përse me mirënjohje e pranon propozimin. Më 3 shkurt të vitit 2010 Komisioni i Zhvillimit pranë Parlamentit Evropian e dëgjoi zonjën Kristalina Georgieva, e cila tregoi dituri të thelluara në fushën, në të cilën do të punonte:

“Zonja dhe zotërinj deputetë, për mua është nder dhe privilegji të qëndroj këtu sot si kandidat komisionare për portofolin e ri të bashkëpunimit ndërkombëtar, ndihmës humanitare dhe reagimeve në rast krize. Kjo është dhe një përgjegjësi të madhe, sepse për njerëzit që janë në nevojë ky është portofoli më i rëndësishëm i komisionit. Ne në bashkim pranojmë, se ka një fakt i trishtuar – gjithnjë e më shumë për nga numri bëhen fatkeqësitë natyrore. Kjo është një domosdoshmëri që ndihma humanitare dhe mbrojtja civile të integrohen, sepse ata punojnë krahë për krahë. Mësova, se më se 90 për qind prej shtetasve tanë dëshirojnë, që Evropa të ketë një gatishmëri më të madhe për reagim në rast fatkeqësie në botë.”

Kjo ishte deklarata e zonjës Kristalina Georgieva si kandidate e komisionares evropiane, që ruhet në Fondin e Artë të Radios Kombëtare Bullgare.

Më 9 shkurt të vitit 2010 Kristalina Georgieva e mori postin e komisionares së bashkëpunimit ndërkombëtar, ndihmës humanitare dhe reagimit në rast krize në komisionin “Barozo”. Kjo ndodhi vetëm një muaj pas tërmetit që ra në Haiti. Ajo koordinonte ndihmën humanitare të siguruar nga BE-ja, ndërsa bashkimi u bë donatori kryesor i shtetit të dëmtuar. Një moment tjetër i rëndësishëm i mandatit të saj ishte koordinimi i ndihmës evropiane pas tërmetit në Kili dhe pas përmbytjeve në Pakistan. Puna e saj kishte të bëjë jo vetëm me administrimin, por edhe me udhëtim deri te vendet, ku kishte nevojë për ndihmë – deri te Darfuri, që të tërheq vëmendjen te konflikti “i harruar” aty, deri te Kirgjistani në përgjigje të konfliktit të shpërthyer aty, deri te Hungaria Perëndimore, e cila u dëmtua nga derdhja e baltës së kuqe toksike nga një mbeturinore. Gjatë mandatit të parë punonte për formimin e kapacitetit të BE-së për reagime në rast krize, për formimin e një Korpusi Evropian të Vullnetarëve e shumë të tjerë.

Sipas gazetës franceze “Mond”, Kristalina Georgieva është një nga pak befasitë e Komisionit të mëparshëm: “Në postin e saj si komisionare e ndihmës humanitare bullgarja arriti qëllimi pothuajse i pamundshëm – t’i japë shpirt një Evrope, e cila kishte një domosdoshmëri të ethshme për këtë gjatë viteve të fundit.”

Gjatë mandatit të dytë – në Komisionin “Junker”, Kristalina Georgieva zuri postin e zëvendës kryetares dhe komisionare të buxhetit dhe resurseve njerëzore. Në këtë post ajo ndjek punën e Dikasterit Evropian të Luftimit të Mashtrimeve – OLAF, dikastereve të pagimit dhe të emërimit, përgjigjet për 30 mijë nëpunës dhe disponon një buxhet vjetor nga 140 miliardë euro. Ajo menaxhon dhe kontrakton buxhetin e BE-së, garanton se mjetet harxhohen në mënyrë efektive dhe efikase, mbron buxhetin nga mashtrime dhe korrupsioni. Zgjedhja e saj në këtë post u caktua nga presidenti bullgar Rosen Plevneliev si “një sukses i madh për Bullgarinë”. Dhe në të vërtetë, për herë të parë një bullgar zë një post të tillë aq të lartë në Komisionin Evropian. “Do të vazhdoj të punoj nga gjithë zemra. Kjo është një arritje e madhe, rezultat i punës sonë pesëvjeçare. Është  me rëndësi për sedrën e bullgarëve të dimë, se mund të qëndrojmë në një nivel me të gjithë në Evropë.” Kështu Kristalina Georgieva komentoi mandatin e saj të dytë si komisionare bullgare në BE-në.

Përgatiti në shqip: Svetllana Dimitrova

Më shumë nga rubrika

Viti 2015 – Radioja Kombëtare Bullgare – 80 vjet më vonë

Më 25 janar të vitit 1935 mbreti Boris III botoi një Dekret, me të cilin radiopërhapja në Bullgari bëhej pronë shtetërore. Konsiderohet se kjo është data e themelimit të Radios Sofje, e cila më vonë u shndërrua në Radion Kombëtare Bullgare. Drejtor i..

botuar më 15-12-28 1.17.MD

2014 – Nikolla Gjuzelev – Piktori në botën e operës

“Nuk më pëlqen fjala “legjenda”, unë jam realist dhe artist. Por megjithatë do të thoja: “Më njohën si basi më i mirë kantil në botë.” Këtë e tha në një prej intervistave të tij të fundit basi i njohur Nikolla Gjuzelev. Gazeta “Mond” e përshkruan zërin..

botuar më 15-12-19 12.15.MD

Viti 2013 – Qeverisja në izolim

2013 mbetet në historinë më të re të vendit tonë si viti i protestave. Për shkak të tyre gjatë shkurtit nga pushteti u largua qeveria e GERB ne krye me Bojko Borisovin, ndërsa pas zgjedhjeve më 12 maj qeveria e koalicionit midis PSB dhe Lëvizjes për të..

botuar më 15-12-12 9.55.PD