Disa prej vrapuesve malor dhe alpinistëve më të njohur janë mysafirë të Festivalit “Ditë të sfidave”, i cili hapet në Sofje me 1 dhjetor. Ai i është kushtuar sporteve ekstreme, ekologjisë dhe turizmit alternativ. Ideja për organizimin e tij lindi para 11 vjetësh në një mbledhje të ekologëve dhe udhëtarëve, që kërkojnë sfida të reja. Kështu pas shfaqjes së tij festivali nga një forum i vogël u shndërrua në aktivitet që frekuentohet nga mbi 2000 njerëz. Në të mblidhen atletë nga e gjithë bota, prezantohen arritjet më të reja bullgare.
Bashke me shfaqjet tradicionale të filmave aventuresk dhe ekstrem, ligjëratat dhe prezantimet e atletëve dhe udhëtarëve, në ditët e festivalit organizohen dhe kurse praktike, debate të hapura. Paralelisht me to në sallën numër 3 të Pallatit Kombëtar të Kulturës po përgatitet ekspozitë për pajisje sportive, shërbime turistike, produkte teknologjike dhe ushqimore, të specializuara në fushën e sporteve alternative dhe ekstreme.
Theksi në program është vrapimi malor, i cili gëzon interes të madh ndër dashamirësit e sporteve malore në Bullgari. Ndër mysafirët në Sofje është atleti francez Zhulien Shorie, sportist i nivelit botëror dhe mbajtës i një sërë dallimesh nga gara prestigjioze. Mes pjesëmarrësve bullgarë është vrapuesi ynë malor më i dalluar Kirill Nikollov – Dizela, i njohur me rekordin e vetë për kalimin më të shpejtë të itinerarit midis majave malore Kom dhe Emine. Në festival prezantohet dhe alpinisti i njohur Bojan Petrov, bullgari i parë i cili u ngjit në majën 8-mijëshe Manaslu në Himalaje (maja e tetë për nga lartësia në botë).
“Çdo ditë na sjell një sfidë. Të kapërcesh frikët, vështirësitë, stereotipat, paragjykimet – thotë Ivan Popov, organizator kryesor i “Ditëve të sfidave” në Sofje. – Më e çmueshëm është takim i publikut me këta atletë dhe mesazhin e tyre ndaj tij, drejtuar në një bisedë të sinqertë dhe miqësore. Në këto takime njerëzit shohin, se rekordmenët janë njerëz të zakonshëm, të cilët dallojnë vetëm me entuziazmin dhe dëshirën e tyre të arrijnë qëllimin që e kanë shtruar vetes. Në vrapimin malor do të organizojmë një gare të shkurtër midis të ftuarit nga Franca Zhulien Shorie dhe atletit bullgar Kirill Nikollov – Dizela. Në program do të ketë gjithashtu alpinizëm, kacavarje, paraplaner, rrëshqitja me ski dhe snowboard. Dëshirojmë të tërheqim vëmendjen e publikut vendas tek llojet e sporteve alternative, të cilat bëhen të arritshme për shumë njerëz. Gjatë “Ditëve të sfidave” për vizituesit do të organizohen kurse falëse. Për shembull Akademia “Ndihma e parë” u është kushtuar rregullave për ushtrimin e sportit dimëror në mal, ndërsa ligjëratat për shfrytëzimin dhe kompostimin e mbeturinave në kushtet e qytetit do të ndihmojnë për mënyrën më të shëndetshme të jetesës sonë. Përveç orientimit praktik, festivali ka dhe anë zbavitëse. Organizojmë gara të ndryshme dhe viktorina, të ngjashme me transmetimet e njohura televizive reality show. Kemi përgatitur shumë atraksione dhe çmime për njerëzit e moshave të ndryshme. Dëshira jonë është në mënyrë zbavitëse të popullarizojmë sportin dhe mënyrën aktive të jetës në mes të natyrës. Thirrja jonë, duke organizuar këtë festival për sporte ekstreme dhe turizëm alternativ, është: “e doni natyrën dhe mos pushoni të kërkoni sfida të reja në botën që na rrethon!”
Përgatiti në shqip: Sofia Popova
Një orë përpara se Petër Stojçev të mbërrinte në Japoni për maratonën përfundimtare të notit në ngushticën Cugaru të serisë Oceans Seven, pati një tërmet me magnitudë 7.1 dhe një tajfun. Pritej gjithashtu një cunami. “Japonia ishte një udhëtim shumë..
Kombëtarja bullgare fitoi titullin e Kampionatit Ballkanik të Volejbollit për meshkuj nën 20 vjeç, i cili u mbajt në Varniaçka Banja të Serbisë. Në finale volejbollistët bullgarë mundën vendasit me rezultat 3:1 (25:17, 22:25, 25:23, 25:21). Të..
Një nga tre kampionët olimpik të Bullgarisë në Paris, Karlos Nasar, u prit solemnisht në tokën bullgare pas medaljes së tij të jashtëzakonshme të artë në kryeqytetin francez. 20-vjeçari bullgar u ngjit në majën olimpike në kategorinë deri në 89 kg..
Grigor Dimitrov do të mbajë një mësim të hapur tenisi për fëmijë nga shkolla të ndryshme në Sofje, disa orë para ndeshjes bamirëse me Novak Xhokoviçin..