Lidhjen midis ilustrimit shkencor dhe plastikës së vogël krijojnë dy autorë të rinj në ekspozitën e përbashkët, kushtuar kafshëve. Ilustruesja Milena Radeva dhe skulptori Ilija Bojarov krijojnë ekspozitën “Animalia” si një “enciklopedi 3D”, në të cilën në mënyrë krijuese janë gërshetuar 25 ilustrime shkencore dhe 22 miniatura të kafshëve prej bronzi.
“Vendosëm të prezantojmë këtë dialog midis akuarelit dhe bronzit jo vetëm në Sofje, por edhe në qytete të tjera, sepse besojmë, se kjo lidhje pak e çuditshme në shikim të parë – midis ilustrimit në përmasën më të madhe se ajo standarde dhe skulpturës realiste në përpjesëtim të vogël, do t’i ofrojë secilit vizitues mundësinë të zbulojë diçka për vete” – ndan Milena Radeva, autore e ilustrimeve. Ajo ka mbaruar Akademinë Kombëtare të Arteve Figurative me specialitetin “Libri dhe grafika e shtypur”. Nga vitet studentore punon si ilustruese dhe mund të lavdërohet me një sërë suksesesh. Libra me ilustrime të saj janë botuar në SHBA, Australi, Norvegji, Angli, Singapor dhe Bullgari.
“Puna mbi vetë ekspozitën filloi në mars të vitit 2014. Ideja i përket Ilija Bojarovit – tregon piktorja- ilustruese Milena Radeva. – Për ne të dytë, secili projekt është lidhur me emocione dhe sfida të reja. Në punimet e mia të paraqitura në ekspozitë ka një kufi të brishtë midis artit dhe shkencës. Jam përpjekur t’i përmbahem nga ilustrimi i rreptë shkencor, prandaj vendosa të jem maksimalisht besnike ndaj kafshëve që prezantojmë. Kemi kërkuar një qëndrim më të ndryshëm ndaj kafshëve, i prezantojmë në lëvizje, me ndonjë veçori të tyre karakteristike, që është pak e njohur për njerëzit. Gjatë përgatitjes së ekspozitës zhvilluam një studim, lexuam dhjetëra libra, pamë filma dhe fotografi të kafshëve. Kjo ishte puna më e vështirë, sepse ne nuk jemi zoologë, kurrë nuk kemi punuar në këtë sferë. Deri tani “Animalia” është prezantuar në 10 qytete të vendit dhe kudo u prit me interes të madh nga publiku. Gjatë këtij muaji fillojmë punën mbi projektin tjetër të përbashkët, i cili quhet “Animalia Aves – zogjtë e rrezikuar në Bullgari”. Kemi dëshirë të njihemi nga afër me këto lloje zogjsh. Dimë shumë pak si duken, si jetojnë dhe pse janë të rrezikuar nga zhdukja. Ky do të jetë qëllimi ynë – t’i prezantojmë dhe t’i njohim – jo vetëm ne, por edhe publiku. Aktualisht jemi në periudhën e studimit dhe kërkimit të mbështetjes dhe financimit, sepse ekspozitën e parë e realizuam plotësisht me entuziazmin tonë dhe me ndihmën e miqve tanë, por patëm shumë vështirësi.”
Me plastiket e vogla prej bronzi , që pasqyrojnë p.sh. mace të bardhe ose kalë të bardhë Ilija Bojarov shkakton admirimin e publikut. Ai njeh dhe përdor të gjitha veçoritë e metalit që t’u japë ngjyrë dhe nuanca skulpturave të kafshëve. Ka vënë një lupë pranë veprave të tij, sepse detajet miniature dëshmojnë klasën e lartë të punës së tij. Ilija Bojarov gjithashtu ka mbarur Akademinë Kombëtare të Arteve Figurative. Për vete ai thotë, se është skulptor për nga arsimi dhe pasioni, aktualisht është arsimtar në Gjimnazin për Arte të Aplikuara në Sofje.
“Mesazhi im nëpërmjet ekspozitës “Animalia” është ndaj njeriut – dua ta detyrojë të shikojë më shumë rreth vetes, të mos përqendrohet vetëm mbi botën e tij materiale. Të përpiqet të ketë më shumë takime me natyrën. Bota rreth nesh është plotë me mesazhe të bukura dhe ne duhet t’i zbulojmë” – tregon skulptori Ilija Bojarov.
Përgatiti në shqip: Sofia Popova
Përjetime të paharrueshme me birrën e freskët, kokteje të birrës alkoolike dhe joalkoolike të zhvilluara posaçërisht, hite të preferuara bullgare dhe të huaja të hip-hop dhe rok, folklor bullgar dhe meze të shijshme premtojnë nga Komuna e qytetit..
Lojëra, shfaqje filmash, vëzhgim zogjsh dhe koncerte në ajër të hapur janë vetëm disa nga ngjarjet në kuadër të Edicionit të Shtatë të Festivalit të Shkabës, i cili do të mbahet nga 6 deri më 8 shtator në qytetin e Maxharovos. Festa do të shënojë..
Shenjtëria e tij, Patriarku bullgar dhe Mitropoliti i Sofjes Daniil, kryesoi Liturgjinë e Shenjtë festive, së bashku me peshkopin Pahomi të Branicës, Peshkopin Gerasim të Mellnikut dhe priftërinjtë e Kishës Ortodokse Bullgare. Shërbesa solemne..
Këtë javë pritet që presidentja e Komisionit Evropian, Ursula von der Leyen , të prezantojë zyrtarisht propozimin e saj për strukturën dhe përbërjen e..
Në edicionin e 31-të të Panairit Tradicional Vjeshtor që fillon sot në Parkun e Qytetit të Razgradit, prodhues nga i gjithë vendi do të prezantojnë..