Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Kalinka Zgurova: “Çdo një këngë vjen nga zemra ime”

Foto: BGNES

Si soliste dhe pjesëmarrëse në korrin “Misteri i Zërave Bullgarë” Kalinka Zgurova që prej kohe e ka fituar dashurinë e publikut te ne dhe në botë. Repertori i saj i madh prej afro 300 këngësh solo nga Stranxha është pjesë e fondit të pasur të Radios Kombëtare Bullgare. Shumë prej këngëve janë orkestruar nga i shoqi, kompozitori Stefan Kënev.

Rruga aktive profesionale e Kalinka Zgurovës filloi në ansamblin “Pirin – Bllagoevgrad”. Në vitin 1971 ajo u përfshi në Ansamblin për këngë popullore pranë Radios Kombëtare Bullgare, në korin e njohur më vonë me emrin “Misteri i Zërave Bullgarë”, që u dekorua gjatë vitit 1990 me çmimin prestigjioz amerikan “Grami”. Me grupin e njohur këngëtarja ka pasur shfaqje në dhjetëra vende të Evropës, Azisë, Amerikës së Veriut. Kalinka Zgurova është themeluese e një shkolle për këndim folklorik, ajo ka krijuar gjithashtu një kor dhe një fondacion që mban emrin e bashkëshortit të saj Stefan Kënev dhe zhvillon veprimtari patriotike në vatrat kulturore dhe në shkolla. Kalinka Zgurova është nga fshati Debelt, që ndodhet në malin Stranxha. Familja e saj është muzikore. Prindërit, kurse më vonë – edhe mësuesit e saj e kanë inkurajuar në shfaqet muzikore që në moshën e saj më të hershme. Këngëtari i njohur folklorik i Stranxhës Sava Popsavov e ka inkurajuar personalisht vajzën 14 vjeçe që të shfaqet në tubimin e parë kombëtar në fshatin Gramatikovo në vitin 1960, ku ajo mori çmimin e parë. Ky ishte starti i saj i fuqishëm, i cili e bëri vajzën për ta vazhduar më tej në rrugën muzikore.

“Më vjen mirë se i gëzoj njerëzit – thotë Kalinka Zgurova. – Rruga ime krijuese filloi në vitin e largët 1960. Zëri dhe talenti nuk mjaftojnë, duhet shumë punë. Të gjitha këngët e mia janë interpretuar me shumë dashuri. Me korin “Misteri i Zërave Bullgarë” kam pasur shumë koncerte. I shoqi im kompozitori Stefan Kënev kompozoi shumë këngë për korin, si edhe shumë këngë – solo – për mua dhe këngë të tjera për trion “Zornica”. Sivjet unë shënoj jubileun tim krijues – 50 vjet në skenë. Në qytetin Burgas, me të cilin kam një lidhje të fuqishme, pata një koncert të madh. Nga 15 vjet jam qytetare nderi e Burgasit, kurse para tri vitesh u bëra qytetare nderi e qytetit Sredec, i cili gjithashtu është në krahinën time të lindjes. Atje më shumë se 20 vjet zhvillohet një tubim i rëndësishëm folklorik, i cili grumbullon fëmijë të talentuar nga Bullgaria dhe në të cilin kanë marrë shumë çmime nxënësit e mi. Gjatë disa viteve të fundit veprimtaria ime është lidhur me të rinjtë dhe adhuruesit e muzikës folklorike bullgare. Po vazhdoj të incizoj këngë të reja. Para pak kohe doli në treg disku im i fundit.”

Në vigjilje të festave të fundvitit zonja Zgurova përshëndeti të gjithë miqtë e Radio Bullgarisë:

“Desha që të gjithë njerëzit në botë të jenë të shëndetshëm dhe të lumtur. Le të mund të përballojnë të gjitha sfidat në jetë. Mendoj se bota jonë mbështetet te njerëzit e mirë dhe të talentuar, kurse vendi ynë – te bullgarët e vërtetë, të cilët e vlerësojnë dhe e duan kulturën tonë të vjetër. Besoj në të mirën dhe në marrëdhëniet e mira midis njerëzve, midis kolegëve. Le të jemi shëndosh e mirë, të ketë paqe në botë dhe ta duam muzikën popullore bullgare.”

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Vallja popullore bullgare mahniti bullgarët, amerikanët dhe japonezët në Nju Jork

Për herë të parë, Nju Jorku organizoi një klasë të mjeshtërisë në vallet popullore me koreografin tonë të njohur Prof. Dr. Anton Andonov, shef i departamentit "Koreografi" në Akademinë e Muzikës, Valleve dhe Arteve Figurative "Prof. Asen Diamandiev"..

botuar më 24-02-08 10.16.PD

Festivali i maskaradës dimërore në Trën

Për të katërtin vit radhazi, qyteti i Trënit do të presë një festival dimëror të lojërave të maskaradës. Fillimi do të jetë më 3 shkurt nga ora 12:00 deri në orën 14:00 në sheshin qendror të qytetit. Katër grupe survakarësh / survakarët janë djem..

botuar më 24-02-03 7.05.PD

Verë e kuqe, dragonj, arinj dhe folklor - Dellçevo feston së bashku me bashkitë nga Greqia Veriore

Në fundjavë në Dellçevo do të derdhet verë falas nga dy krojet e fshatit. I vendosur në buzë të malit, fshati i zonës së Goce Dellçevos prej kohësh është bërë një atraksion turistik për shkak të arkitekturës së tij të lashtë dhe pamjeve të bukura të..

botuar më 24-02-01 7.25.PD