Më 23 janar në Sofje do të mbahet konferenca e parë bamirëse bullgare për biznesin IT – bizz IT. Në të në kuadrin e diskutimeve, specialistë në këtë fushë do t’u përgjigjen pyetjeve si “Si krijohet biznes IT dhe karriera IT në Bullgari?”, “Çfarë interesante ndodh në sferën e teknologjive të informacionit tek ne?”. Nismëtarët e veprimtarisë premtojnë edhe shumë tema të tjera interesante dhe çmime.

Simeon Prusijski – njeri prej organizatorëve, thekson se qëllimet e konferencës është të informojë dhe të motivojë auditorin. Krahas kësaj ajo do të përpiqet të tregojë se Bullgaria është një vend i mirë për fillimin e biznesit IT.

“Dëshirojmë të njohim të rinjtë të cilët mezi tani hyjnë në sferën IT me kushtet për biznes në këtë sektor në Bullgari. Temat, që parashikojmë, përfshijnë një rreth të gjerë fushash. Do të mbajmë leksione për fillimin e biznesit, për financimin dhe zhvillimin e tij, për tërheqjen e konsumatorëve dhe për krijimin e marrëdhënieve me ta, e kështu me radhë. Parashikojmë diskutime edhe me specialistët më të mirë të sektorit IT në Bullgari. Ata do t’u përgjigjen pyetjeve të publikut. Ndër ta do të përmend Sasha Bezuhanova – themeluese e lëvizjes MoveBG, Tunjo Zafer – themelues i kompanisë bullgare, e cila kohët e fundit doli në tregun global ku punon shumë mirë. Neven Dillkov është pronar dhe themelues i një telekomi të madh, i cili punon në Bullgari dhe në mbarë Gadishullin Ballkanik. Do të marrin pjesë edhe Atanas Rajkovi, i cili kohët e fundit e zuri pozitën e menaxherittë përgjithshëm të aplikacionit Viber për Evropën Qendrore dhe Lindore, Ljubomir Rusanov – themelues dhe shef i kompanisë më të madhe hosting në Bullgari. Ndër lektorët do të jetë edhe Mihaill Irinçev – organizator i njerëz prej konferencave më të mëdha PHP në Evropë. Ata janë vetëm disa prej lektorëve, të cilët do të marrin pjesë në forumin tonë. Auditori, të cilin dëshirojmë të tërheqim janë sipërmarrësit e rinj, studentët dhe nxënësit, të cilët mezi tani do të hyjnë në këtë sektor dhe dëshirojnë të punojnë në të.”

Kështu vizituesit do të kenë mundësi të takohen me disa prej sipërmarrësve më të suksesshëm dhe specialistëve më të mirë bullgarë në fushën IT. Mjetet, që do të grumbullohen nga biletat e konferencës, do të jenë për një kauzë bamirëse. Kristina Ilieva, e cila është PR i veprimtarisë tregon:

“Ljubomir Elenkov është një fëmijë 13 vjeçar me paraliza cerebrale. Historia e tij është tragjike. Kur nëna e tij ishte në muajin e shtatë të shtatzënësisë një shofer i dehure përplasi në trotuar. Ajo vdiq dhe kështu fëmija lindi jetim. I ati i tij bie në komë dhe disa muaj më vonë edhe ai vdiq. Tashmë 13 vjet për të kujdeset gjyshja, e cila bënë përpjekje të shumta që t’i ndihmojë. Gjatë prillit të këtij viti këmbët e këtij djali duhet të operohen. Kjo kushton më se 10 mijë euro dhe për gjyshen është tepër e vështirë të grumbullojë këtë shumë.”

Përgatiti në shqip: Svetllana Dimitrova