Nëse ndonjë i huaj do të shtrojë pyetjen cilat prej personaliteteve me famë botërore janë bullgarë, me siguri emri i parë që do të përmendim është ai i yllit të futbollit Hristo Stoiçkov. Njerëzit me ndjenje më intelektuale do të kujtojnë Kriston, me gjithë se pak njerëz jashtë shtetit dinë, se Kristo Javashev është bullgar. Pas një viti kjo “bisedë” mund të tingëllojë në mënyre tjetër, sepse shanset që Kryetari i ardhshëm i Përgjithshëm i OKB, të jetë nga Bullgaria, nuk janë të vogla.
Bullgaria ende nuk e ka shpallur nominimin e saj për postin më të lartë në OKB, me gjithë se ka pikërisht dy kandidatura të përshtatshme. Drejtorja e Përgjithshme e UNESKO-s - Irina Bokova, prej kohe e ka shpallur dëshirën e vetë të hyjë në garën për këtë post, duke pasur parasysh, se qeveria e Pllamen Oresharskit në orët e fundit të ekzistencës së saj e ngriti zyrtarisht kandidaturën e saj. Qeveria e tanishme ende është në heshtje dhe nuk konfirmon nominimin. Diçka më tepër – kohën e fundit përmendej shumë emri i Komisionares evropiane Kristalina Georgieva si një kandidat potencial, por ajo deklaroi, se do të vazhdojë të zbatojë angazhimet e veta në KE, që interpretohet si refuzim nga gara për këtë post. Debatet rreth emrit të nominimit bullgar përhapet gjatë muajve të fundit në rrjetet sociale, por me afrimin e afatit të fundit gjatë marsit, tema u ndërmor edhe nga mediat tradicionale në Bullgari. Në fund të javës së kaluar Kryeministri Bojko Borisov iu përgjigj gazetarëve, se qeveria do të respektojë afatin për nominimin deri në fund të marsit. Kryetari i Partisë ABV Georgi Përvanov kërcënoi se do të tërheqë mbështetjen e tij për kabinetin, në qoftë se nuk do të propozohet Irina Bokova.
Ndoshta disa do të thoshin, se Drejtori i Përgjithshëm i UNESKO-s është kandidatura më e mirë për trashëgimtarin e Ban Ki-moon. Rregullat e pashkruara të Organizatës Botërore parashikojnë që Sekretari i ardhshëm i Përgjithshëm të jetë nga Evropa Lindore dhe mundësit të jetë grua. Znj. Bokova plotëson të dy kushtet. Problemi është në këtë, se emri Bokova e ndan shoqërinë bullgare. Ajo vjen nga një familje e njohur e nomenklaturës komuniste dhe para ndryshimeve në vendin tonë ka gëzuar privilegjit për arsimimin dhe rritjen e saj profesionale, privilegji të cilat për njerëzit e zakonshëm ishin të pamundur. Ndryshimet politike në vitin 1989 nuk ndikuan mbi karrierën e saj diplomatike, ndërsa kritikët e 63-vjeçares Bokova e akuzojnë, se nuk ka dënuar regjimin komunist në Bullgari.
Pavarësisht cila do të jetë kandidatura për Sekretarin e ri të Përgjithshëm të OKB ndarja tipike për bullgarët është fakt. Një barcaletë e njohur me autoironin tipike për bullgarët e përshkruan mentalitetin tonë kështu: “Kazani i bullgarëve në ferr nuk ka nevojë prej rojës – në qoftë se dikush tenton të dalë, ata vetë e tërheqin poshtë në kazan”. Historia bullgare njeh shumë dështime jo vetëm në fushën e betejës, të cilat janë rezultat i mosmarrëveshjeve dhe ndarjeve. Me gjithë se në godinën e parlamentit me germa të arta figuron mbishkrimi “ Bashkimi e bën forcën”. Tani Bullgaria e vogël, e cila prej kohe vuan në mënyrë të fshehtë nga mungesa e vëmendjes dhe ndikimit, ka shansin që të dalë në skenën politike botërore. Zgjedhja e Sekretarit të Përgjithshëm të OKB a mund të bëhet kauzë e cila të na bashkojë? A jemi të aftë për kompromise në emër të qëllimit të madh? Ose do të vazhdojmë të jetojmë nën moton, qe të shpëtohemi një nga një.
Përgatiti në shqip: Sofia PopovaZgjedhjet për Parlamentin Evropian më 9 qershor 2024 kaluan pa lëkundje të veçanta për formacionet drejtuese politike. Partia Popullore Evropiane dhe socialistët mbeten në krye dhe ndoshta do të vazhdojnë të ndjekin politikat e tyre të përshkruara...
Parlamenti Evropian është organi i vetëm në BE i zgjedhur drejtpërdrejt nga qytetarët. 6 138 050 votues bullgarë kanë të drejtë të emërojnë 17 përfaqësues politikë për ta përfaqësuar Bullgarinë në Parlamentin e ri Evropian për pesë vitet e..
Mickovski ka marrë mandatin për formimin e qeverisë në Maqedoninë e Veriut Lideri i VMRO-DPMNE-së, Hristijan Mickovski ka marrë mandatin deri më 24 qershor për të paraqitur në Kuvend përbërjen dhe programin e qeverisë së re të Maqedonisë së..