Muzika rock bullgare prezantohet në mënyrë gjithnjë e më të suksesshme në Evropë dhe në kontinentet e tjera. Kitaristi Sllavço Nikollov, të cilin e njohim si muzikant nga banda e muzikës rok B.T.R interpreton edhe në “Fondacionin” – një grup, në të cilin marrin pjesë 5 muzikantë nga formacione të ndryshme bullgare. Përveç Sllavço Nikollovit, atje janë gjithashtu Doni (nga ish dueti “Doni dhe Momçill”), Kirill Mariçkov (nga banda “Shturcite”), Venko Poromanski (nga grupi “Te”), Ivan Leçev (FSB). Janë së bashku disa vjet dhe interpretojnë kënga nga repertori i secilës prej bandeve në aranzhime të reja. Ja se çfarë tha kitaristi para mikrofonit të Radio Bullgarisë në lidhje me angazhimet e ardhshme të “Fondacionit” dhe B.T.R.-së.
Turneu i parë do të jetë me “Fondacionin”. Fillon më 10 shkurt dhe përfundon në ditën e fundit të këtij muaji. Kemi parashikuar 5 koncerte në qytete të mëdha të Australisë. Do të kemi dhe një në Zelandën e Re. Mund të them se jemi formacioni i parë bullgar, i cili bën një turne të tillë në një pjesë aq të largët të botës. Organizimi nuk është i lehtë, por ne punojmë me një menaxher shumë të mirë – Orlin Mirçev. Ai merret me organizimin e turneut dhe me të gjitha koncertet tona jashtë shtetit.
Një ngjarje tjetër e lidhur me grupin “Fondacioni” është më 4 prill në sallën e parë të Pallatit Kombëtar të Kulturës. Atëherë do të bëjmë një koncert të madh, bashkë me orkestrën simfonike të Radios Kombëtare Bullgare. Do të prezantojmë një program të ri dhe natyrisht këngët që janë në repertorin tonë deri tani. Orkestrimet janë bërë nga miku ynë Vlladimir Xhambazov, dirigjent do të jetë Grigor Palikarov. Tashmë kishim disa prova me orkestrën. Aktualisht kjo është më interesantja lidhur me “Fondacionin”. Besojmë se atmosfera në sallë do të jetë e mrekullueshme për të gjithët që do të jenë atje për të dëgjuar këngët e preferuara nga repertori i pesë bandave nga të cilat vijmë. Turneu dhe koncerti më 4 prill do të jenë etapa përfundimtare e kësaj periudhe të formacionit. Kemi ide për muzikë të re, për albume të ardhshme.
Kitaristi Sllavço Nikollov vazhdon rrëfimin e tij për turneun e ardhshëm me grupin e tij B.T.R.:
Do të bëjmë një turne shumë të madh në Evropë, fillojmë me koncert në Vjenë më 4 mars. Pastaj do të vizitojmë Nuremberg, Zyrih, Bruksel, Munik, Berlin, Amsterdam, Londër etj. Njerëzit, të cilët dëshirojnë të informohen për datat konkrete mund ta marrin këtë informacion në Facebook. Në program është përfshirë tërë repertori i B.T.R-së. Por theksi do të jetë mbi kompozimet nga albumi i ri. Kështu gjithnjë e më shumë njerëz do t’i dëgjojnë. Turneu do të vazhdojë deri më 25 mars dhe koncertet do të jenë 15.
Përgatiti në shqip: Jordanka Ivanova
Pas suksesit të padiskutueshëm të koncertit - spektakël "Përgjithmonë" në sallën Nr.1 të Pallatit Kombëtar të Kulturës (NDK) vjeshtën e kaluar, fansat e Jordanka Hristovës sot do të kenë mundësinë të shijojnë edhe një herë këngët e paharrueshme të..
Kthimi tek rrënjët ka sjellë gjithmonë emocione, sidomos për artistët. Kështu ndodh edhe me Stefan Illçev – këngëtarin e ri të dashur jo vetëm nga vendlindja e tij, Burgasi, por edhe nga publiku bullgar dhe i huaj. Ai ka përgatitur një..
Për një vit tjetër, festivali Open Buzludzha lidh kulturën, historinë dhe natyrën në një përjetim të paharrueshëm, rrëzë majës Buzlluxha dhe monumentit me të njëjtin emër. Organizatori i veprimtarisë, e cila do të mbahet nga data 8 deri më 11 gusht,..
Eva Bel dhe Emin, të cilët janë partnerë në skenë dhe kanë shfaqje së bashku, së fundmi kanë incizuar këngën e tyre të përbashkët "Unë kam gjithçka"...