Programi i ditës

Radioja Kombëtare Bullgare © 2021 Të gjitha të drejtat janë të rezervuara

“Hajde së bashku” – këngët e kompozitorit Stefan Diomov në një koncert të madh

Foto: BGNES

“Gëzohem shumë, kur publiku interpreton këngët e mia bashkë me interpretuesit” – rrëfen Stefan Diomovi. Ai është autor i muzikës së më se 400 këngëve dhe i teksteve të ndryshme. Krahas kësaj është iniciator i shumë konkurseve. Në biografinë e tij krijuese përfshihet edhe krijimi i pesë grupeve të njohura pop dhe një sërë çmimesh krijuese. Në vitin 2015 kompozitori shënoi jubileun 70-vjeçar me disa koncerte në vend. Kulmi i shfaqjeve do të jetë në Pallatin Kombëtar të Kulturës në Sofje. Ndër pjesëmarrësit janë një sërë këngëtarësh të respektuar bullgarë.

Publiku do t’u kënaqet interpretimeve të të dy formacioneve të të rinjve “Pette sezona” – ose “Pesë stinët” dhe “Vrabçe” – “Trumcak”. Në repertorin e tyre që prej vitesh janë këngët e kompozitorit Stefan Diomov.

Për programin e koncertit kompozitori Stefan Diomov tregon:

“Koncerti është më 9 mars dhe do të kalojë nën moton “Hajde, së bashku!” Më pëlqen nënkuptimi, që përmbajnë ato fjalë – le të mblidhemi, le të këndojmë bashkë, le të kujtojmë këngët e bukura bullgare. Në skenë ne pjesëmarrësit do të qëndrojmë në Lokalin metaforik Rudi dhe do të argëtohemi me muzikën dhe muzikantët. Publiku do të dëgjojë këngë, të cilat i di dhe i do. Grupi i respektuar “Tonika SV” do të mblidhet për këtë koncert, dhe do të këndojë për publikun. Këngëtaret e njohura Vanja Kostova dhe Toni Dimitrova, interpretuesit e rinj Bojan Mihajllov dhe Dani Ognjanov gjithashtu do të dalin në skenë bashkë me 50 muzikantë të tjerë. Interpretimet e këngëtarëve do të shoqërohen nga një orkestër me dirigjent Levon Manukjan. U përpoqëm, që programi i koncertit të jetë i përshtatshëm për çdo njeri nga publiku. Shpresoj, se secili do të dëgjojë këngën e dashur dhe do të këndojë bashkë me interpretuesin.”

Përgatiti në shqip: Svetllana Dimitrova

Më shumë nga rubrika

Stenli, Ljubo Kirov dhe Hristo Mutafçiev "ende vrapojnë me kohën"

Këngëtarët e njohur të estradës, Stenli dhe Ljubo Kirov , së bashku me aktorin Hristo Mutafçiev, prezantuan në fund të tetorit këngën e tyre “Aty ku nuk ka kohë”. Autori i muzikës është Stenli (Stanisllav Sllanev), teksti është i Ljubo Kirovit,..

botuar më 21-12-07 8.45.PD

Shën Nikolla në një këngë të lashtë

Dita e Shën Nikollës së Mirës, ​​të cilën Ortodoksia e kremton sot, është gjithashtu një nga festat më të mëdha kombëtare.  Në folklorin bullgar, shenjtori ka krahë, gjë që i jep atij tipare të përafërta me imazhin mitik të njeriut-dragua. Ai ka dy..

botuar më 21-12-06 10.56.PD

Nedjallka Simeonova – fëmija-mrekulli që fitoi famë botërore

Më 2 dhjetor shënohen 120 vjet nga lindja e violinistes së madhe bullgare Nedjallka Simeonova. Ajo lindi në vitin 1901 në qytetin Haskovo. Koncerti i saj i parë para publikut ishte në një moshë shumë të hershme, ndërsa turneu i saj i parë jashtë..

botuar më 21-12-02 9.44.PD
Подкасти от БНР