Gjatë javës së kaluar shumica qeverisëse dhe opozita në Bullgari na befasuan – ato treguan se mund të veprojnë në unanim. Në një konferencë në Parlamentin Evropian në Bruksel eurodeputetët nga partia në fuqi GERB dhe nga opozitaret Partia Socialiste Bullgare dhe Lëvizja për të Drejtat dhe Liritë insistuan për rishqyrtimin e monitorimin të Komisionit Evropian për sistemin gjyqësor dhe për rendin e brendshëm. Në kundërshtim të logjikës, në sfondin e vlerësimeve të ashpra negative për reformën e gjyqësorit dhe në situatën e korrupsionit të stërmadh në këtë sferë që nuk mund të mohohet, organizatorët u shpallën për ndërprerjen e monitorimit. Motivet janë: „është i dëmshëm për Bullgarinë në plan ndërkombëtar dhe nuk i jep rezultatet e pritshme, bile është diskriminues, sepse nuk aplikohet për shtetet e tjera të Bashkimit Evropian me probleme të ngjashme.” Tingëllon paradoksale por partneri më i vogël në qeverisje – Blloku i reformatorëve, u shpall kundër kësaj fushate. Reformatorët mendojnë se qëllimi i kërkesës së eurodeputetëve bullgarë është mbrojtja e “status-quo”-së në fushën e drejtësisë dhe rendit të brendshëm, ku pavarësisht nga kritikat e Komisionit Evropian nuk ka veprime vendimtare përpara. Mosmarrëveshje kishte edhe ndër përfaqësuesve të sistemit gjyqësor. Në Bruksel kundër monitorimit folën gjithashtu Prokurori i Përgjithshëm dhe përfaqësues të lartë të pushtetit gjyqësor. Ndërkohë në Sofje magjistratë të dalluar nuk u pajtuan me këto teza , duke thënë se problemi nuk është në monitorim, por në institucionet e vënë nën vëzhgim. Ky është mendimi i shumë pjesës më të madhe të qytetarëve, sepse sipas analizës së fundit sociologjik 80% të bullgarëve besojnë se raportet e Brukselit janë objektive dhe ata e pranojnë monitorimin si një garanci për reforma të ardhshme në Bullgari. Në fund të fundit Komisioni Evropian nuk hoqi dorë nga monitorimi duke shpallur se ai do të ndërpritet pasi përmbushen objektivat e tij. Kështu u bëmë dëshmitarë të një episodi të pakuptimtë të jetës shoqërore dhe politike bullgare dhe të një përpjekjeje për transferimin e problemeve nga institucionet bullgare në Bruksel. Përveç kësaj episodi është i trishtueshëm sepse tregon në mënyrë të qartë se nuk ka vullnet për reforma dhe përpjekjet shumëvjeçare për ruajtjen e “status-quo”-së do të vazhdojnë në të ardhmen dhe do të pengojnë zhvillimin tonë normal.
Përgatiti në shqip: Jordanka Ivanova
Kreu i shtetit Rumen Radev bëri thirrje për veprime konkrete të menjëhershme nga qeveria bullgare dhe institucionet evropiane për respektimin e parimeve evropiane për zgjerimin e Bashkimit Evropian. “Qeveria e re në shtetin tonë fqinj ka treguar..
Festa e Frymës së Shenjtë në Bullgari shënohet edhe si Dita e Maqedonisë. Tradita filloi pas Kryengritjes së Ilindenit të vitit 1903, pasi fillimisht ishte Dita e Luftës për Maqedoninë dhe Edrenenë, dhe pas Luftës së Parë Botërore u bë "Dita e..
Kryebashkiaku i Stambollit kritikoi marrëveshjen për emigrantët mes Turqisë dhe BE-së Kryetari i bashkisë së Stambollit dhe një kundërshtar i presidentit Erdogan, Ekrem Imamoglu, kritikoi ashpër marrëveshjen e vitit 2016 midis..
Serbia raporton rënie të emigrantëve dhe mbyll disa qendra të refugjatëve Komisionerja për Refugjatët dhe Migrimin e Serbisë, Natasha..