Dikur me lajm të mirë dhe fjalë të mirë kanë uruar secilin për kohë të mirë, bereqet, njerëz të mirë në rrugë... Blagovec është emri popullor i Ungjillëzimit të Hyjlindëses – njëra prej festave më të mëdha kishtare, që shënohet saktë 9 muaj para Krishtlindjes. Dihet, se në këtë ditë Kryengjelli Gavrail i ka sjellë Shën Mërisë lajmin e mirë se do të lindë Shpëtimtarin Jisu Krisht.
Në Blagovec në tërë vendin respektohet zakoni që të pastrohen shtëpitë, oborret, lulishtet. Plehrat dhe sendet e vjetra dhe të panevojshme mblidhen dhe ndizet zjarr, të cilin e kapërcejnë të gjithë duke përpjekur që të tymosin këmbët e tyre, sepse sipas besimeve popullore, ky ritual parandalon nga kafshimi i gjarpërinjve. Për të parandaluar nga kafshimi i gjarpërinjve është edhe një rit tjetër – i parakalimit përreth shtëpisë dhe oborrit. Në këtë parakalim merrnin pjesë gratë dhe fëmijët të cilët rrapëllinin me sende prej metali dhe thoshin formula magjike: “Ikni, gjarpër dhe zvarranikë, se po vjen Blagovec!” Në disa vende të tjera i trembin gjarpërinjtë me ardhjen e lejlekëve.
Dikur vajzat kanë kënduar nëpër shtëpitë “këngë të Blagovecit”. Ky rit është ruajtur deri në fillimin e shekullit të XX, por sot në shumë rajone të vendit ai është rivendosur. Personazhi kryesor në këto këngë përsëri është kukuvajka. Përmendet çfarë lajme ka sjellë ajo – si p.sh. se kanë ardhur shtojzovallet, se ndonjë vajzë do të martohet së shpejti... Me rëndësi është që në Blagovec të kini para me dorë, halë peshku... Dhe të mos dilni të uritur nga shtëpia, të jini me humor të mirë. Sepse siç ju gjen “zëri i kukuvajkës” më 25 mars kështu do t’ju shkojnë punët gjatë tërë vitit.
Përgatiti në shqip: Sofia Popova
Fotografi: BGNES dhe bojentsi.com
Në fillim të çdo viti, në Razlog dhe fshatrat përreth rajonit të Pirinit, nisin përgatitjet e ethshme për Babinden. Festa i kushtohet gjysheve dhe grave që kanë ndihmuar në lindjen e nuseve të reja. Çdo vit festohet më 21 janar dhe në Razlog është ndër..
Për të bërë një thikë të mirë nevojiten njohuri, kujdes dhe shumë punë, thotë Ivan Kjupov nga fshati Krupnik (Bullgaria Jugperëndimore). 35-vjeçari nuk e ka të trashëguar mjeshtërinë e tij brez pas brezi. Interesi për të bërë thika ka ekzistuar brenda tij..
Më 14 janar, komuniteti rom në Bullgari kremton festën e tij më të rëndësishme - Ditën e Vasilit. Për të ndarë traditat e folklorit rom në pritjen e Vitit të Ri të Romëve , siç është e njohur gjithashtu festa, në Radion Kombëtare Bullgare (BNR) erdhën..
Vazhdon festivali treditor i qëndisjes për banorët dhe mysafirët e fshatit Vardim në rajonin e qytetit Svishtov. Ajo zhvillohet në sheshin pranë Vatrës..